Isaías 31:3 - Kashibo-Kakataibo Biblia

³ Egiptonu ꞌikë unikama ax ka unishi ꞌaish dios kamasama ꞌikën; ꞌianan ka atun caballokama namishi ꞌaish, bëru ñunshinsama ꞌikën. Usa ꞌain ka Nukën ꞌIbun a unikama ꞌain mëkënan ꞌakësokin, atu ꞌatimokin an bërúankë akëñunbi ꞌakëx bamati ꞌikën; usai ꞌika a kamaxi këñukanti ꞌikën.

Isaías 31:3 ပူးပေါင်းရင်းမြစ်များ

Salmos 118:8

Dios mimi nux katamëkë ax ka asérabi upí ꞌikën usa ꞌain ka ax unimi katamëkësamaira ꞌikën.

Salmos 33:17

caballokaman ka uibi ië́mitima ꞌikën; atux kushiira ꞌixunbi ka uibi ië́mitima ꞌikën.

Isaías 30:16

kuëënima ka kikankëxa: “Usama ka caballonu ꞌirukiani kananuna abáti kuanti ꞌain.” Usai ꞌi nukamax abákë ax ka asábi ꞌiti ꞌikën. ꞌImainun kamina ësairibi kikankën: “Ishtuinshia kuankë caballonën nirinkë anu këñurukiani kananuna abati kuanti ꞌain.” Axa numi nishkë unikaman kuni ka bënëtishi niti ꞌunanxun nukama nuiti ꞌikën.

Isaías 30:5

ꞌaínbi ka a menu ꞌikë unikama ñu ꞌunánkëma ꞌixun mitsu paránkë ꞌiti ꞌikën, usa ꞌain ka mitsun bikë ñukama anbi mitsu ꞌakintima ꞌikën, usa ꞌain ka atúan mitsu ꞌakinkëxbi ꞌakinkëmasa ꞌiti ꞌikën, usokin ꞌakëx kamina paránkë bërúkanti ꞌain.”

Isaías 30:7

ꞌimainun ka a unikama ami katamëtia uni ꞌakinsa ꞌaishi ꞌakianainsama ꞌikën. Usa ꞌikë kana ësokin anëan: “Ñuina chaiira kuëëkinbi añu ñubi ꞌakëma kakin anëan.”

Jeremías 15:6

Mitsux kamina ꞌën kakëxun kuaisama tani ꞌëmi manúkankën. ꞌËx Min ꞌIbu ꞌaish, kana asérabi ësai kin. Usa ꞌain kana ꞌurainra mitsu nuibati tënëxun, ꞌën ꞌakësa ꞌitanua axa mimi nishkë unikaman këñukin ꞌanun mitsu ëankën.

Amós 2:15

ꞌImainun ka axa pian ꞌakánanti ꞌunairakë axi aín pia ëbiani abatibi ëñëtima ꞌikën, ꞌianan ka axa taën abáti ꞌunáinra suntáru axi abátima ꞌikën, ꞌimainun ka axa caballonën niti ꞌunáinra axbi abatibi ië́tima ꞌikën.

Mateo 15:14

Fariseo unicamaxa nishiabi camina isëshiti ꞌain. Atun Nucën Papa Diosan bana uni itsi ꞌunánmiti ꞌixunbi ca uisai cara quia quixun ꞌunanima. Ca bëxuñu unisa ꞌicën. Bëxuñu unin abë bëxuñu uni itsi buáncatsi quixun ꞌaíbi ca bëxuñu ꞌixun uin cuanti cara quixun ꞌunanima, a rabëtaxbi aman cuanx quininu nipacëti ꞌicën.