Isaías 31:1 - Kashibo-Kakataibo Biblia

¹ ¡Uisai kara an Egiptonu ꞌikë unikama ꞌakinun kixun bari kuankë unikama ꞌiti ꞌikën, ꞌimainun kara axa atuinsa aín caballo ꞌitsañu ꞌixun ꞌakinun kixun sinanan, anuaxa ꞌakanankë caballonën nirinkë ꞌitsaira anun, ꞌakianan isa caballonu ꞌiruax kuanti unainrabu suntáru ꞌitsaira an isa ꞌakinti ꞌikë kixun Israel unikaman Dios upíira an ꞌakinun kixun ñukátima!

Isaías 31:1 ပူးပေါင်းရင်းမြစ်များ

Génesis 47:17

Ësokian kakëxun ka Egiptonu ꞌikë unikaman aín caballo, vaca, ovejakama ꞌimainun aín asnokama kupí Josénu buánkëxa, uania ka Josénën a kupín a baritiakaman atun ꞌarakakë ñuina bianan trigo ꞌinánkëxa.

Job 39:11

¿Min kaina ax kushiira ꞌixun ka ꞌën tëtikama ꞌë ꞌaxunti ꞌikë kixun sinánkin an mi ꞌaxúnun ënti ꞌain?

Isaías 30:16

kuëënima ka kikankëxa: “Usama ka caballonu ꞌirukiani kananuna abáti kuanti ꞌain.” Usai ꞌi nukamax abákë ax ka asábi ꞌiti ꞌikën. ꞌImainun kamina ësairibi kikankën: “Ishtuinshia kuankë caballonën nirinkë anu këñurukiani kananuna abati kuanti ꞌain.” Axa numi nishkë unikaman kuni ka bënëtishi niti ꞌunanxun nukama nuiti ꞌikën.

Isaías 43:15

ꞌËx kana Nukën ꞌIbu an Israel unikama unio a ꞌain, ꞌianan kana Dios ꞌupíira, mitsun ꞌapu ꞌain kiax ka kiakëxa.

Isaías 64:7

Uinu ꞌikë unibi ka an mi ꞌakinun kixun ñukákë ꞌaíma ꞌikën, ꞌianan ka an mimi kushikin ꞌakinun kixun barikë ꞌaíma ꞌikën; usa ꞌain kamina nukamami kasuakëkin nu ëan, nun ñu ꞌatima ꞌai ꞌuchakë kupín kamina nu rakan.

Jeremías 2:13

ꞌËn unikama ka ꞌiásamaira ꞌinun chaiira ꞌuchaxa: Usai ꞌikin ka ꞌën bana kikësama oi ꞌikin ꞌë manukankëxa, anua ꞌumpax ꞌikë nëminra usaribi ꞌixun na tsónun ꞌakinkëxunbi ꞌë manúakëxa, usakin ꞌë manuika anua ꞌumpax biti nëminra ꞌumpaxñuma ꞌinun ëskikë usai atux ꞌiakëxa.

Jeremías 37:7

min kamina ësai ka Nukën ꞌIbu Israel unikaman Dios ax kiaxa kixun axa ukë unikama kati ꞌain: “Judánu ꞌikë ꞌapu an ꞌëbë banati uni xukë a kamina kati ꞌain, axa ukë faraónën suntárukama axa a ꞌakini ukë ax ka bainu bërukiani Egiptonu kuantëkëanxa.

Daniel 9:13

Kamabi ñu ꞌatimakama nuxnu ꞌinúkë ax ka Moisésnën kuënëo bananu kikësabi oi ꞌia; usa ꞌaínbi kananuna nun mixmi nun Dios ꞌikë mi barikëma ꞌain, ꞌianan kananuna nun ñu ꞌatima ꞌakëkama abi ënkëma ꞌain, ꞌimainun kananuna min bana kikësoibi ꞌikëma ꞌain.

Oseas 11:5

ꞌaínbi ka atux ꞌëmi katamëisama tankankëxa. Usai ꞌi ka Egipto menu kuantëkënti ꞌikën, anuxun ka Asiria menu ꞌikë unikama atu tëmëramikin ñu mëëmiti ꞌikën.

Oseas 11:9

Usa ꞌain kana ꞌëx nishkësokinshi ꞌatima ꞌain: usakin ꞌakin kana Efraín amiribishi ꞌatima okin këñutima ꞌain, ꞌëx kana Dios ꞌain, usa ꞌaish kana ꞌëx unima ꞌain, ꞌëx kana upíira ꞌaish mi nëbëtsi ꞌain, usa ꞌaish kana mitsu këñui ukëma ꞌain.”

Oseas 14:3

Asiria unikamax ka nu ië́misama ꞌikën, usa aín caballokama anbi nu abáti kuania ꞌabákintisama ꞌikën. Usa ꞌain kananuna mix kamina nun Dios ꞌai kixun nunbi uniokë ñukama anëtëkëntima ꞌain, axa ꞌibuñumakë unikaman ka ꞌain, Dios ꞌixun min nuibakëxun ꞌunania.”

Habacuc 1:12

Ësai kia ka Habacucnën kakëxa: ¿Nukën ꞌIbu Dios mix karamina bërámabi ꞌia ꞌaish, ꞌën Dios upíira ꞌianan ñutima oi tsókë a ꞌain? Usa ꞌikë kana ꞌën mi rabin min kamina ꞌë bërúankin ꞌakian, minbi kamina an kuëënkësa okían nu ꞌatimonun Babilonianu ꞌikë unikama kushiira ꞌinun ꞌimia.

Habacuc 3:3

Dios ka Temán kakë me amiax uanan, Parán kakë menu ꞌikë bashi anuax Dios upíira ax uti ꞌikën. Aín kushin ka naíkamë ꞌëo kamabi pëkaia, usa ꞌikë ka kamabi menu ꞌikë unikaman a rabiti ꞌikën.