Isaías 30:8 - Kashibo-Kakataibo Biblia

⁸ Usa ꞌain ka Diosan Isaías kakëxa, bërí kamina i parókin ꞌakë bitankëxun, xënibua ꞌaínbi a ñuitiokin ënë bana kuënëoti ꞌain, usakin ꞌa ꞌikë ka xënibua ꞌaínbi unin a sinánkin ñuikanti ꞌikën.

Isaías 30:8 ပူးပေါင်းရင်းမြစ်များ

Isaías 2:2

Nëtë xënibukëbë ka anúan ꞌiti nëtë ꞌikëbë anua Diosan xubu ꞌikë bashi ax bëtsi bashikamasamaira ꞌinuxun ꞌaia. Usa ꞌain ka a bashixa bëtsi bashikamasama ꞌain bëtsi menu ꞌikë kamabi unikamax anu uti ꞌikën;

Isaías 8:1

Bëtsi nëtën ka Nukën ꞌIbun ꞌë kaxa: “Cha ꞌitánun parókin tukakë i bitankëxun kamina anu kuënëoti ꞌain, kamabi unían a bana istisabi okin kamina: Maher-salal-hasbaz kitánun kuënëoti ꞌain. (Maher-salal-hasbaz kikë ënë banax ka ënuax basikëma ꞌaínshi ka ꞌatimonan këñukë ꞌiti ꞌikë ki kikë ꞌikën.)

Jeremías 23:20

Nukën ꞌIbu nishkë ax ka uisakin kara ñu ꞌaisatania usakin ꞌaxma tantitima ꞌikën. Usa ꞌain ka anun mitsun ax ka asérabi ꞌikë kixun sinanan, ënë ñukama upíira okin kuati nëtë ꞌiti ꞌikën.

Jeremías 36:2

“Achúshi kirika tarankë anu kuënëokëma bixun kamina kamabi usaía Israel ꞌimainun Judá menu ꞌikë ꞌimainun bëtsi mekamanu ꞌikë unikama ñuikin ꞌën mi kakë banakama kuënëoti ꞌain, kuënëokin kamina anúan Josías ꞌapu ꞌikë anun kakin pëua ꞌixun bëríbi ꞌën mi kakë banakama a kuënëoti ꞌain.

Jeremías 36:4

Usa ꞌain ka Jeremíasnën Baruc Neríasnën bakë bëchikë a kuëankëxa, kuënkë́xa aia ka kamabi usakin Diosan kakë banakama ñuixuankëxa, ñuixunkëxun ka Barucnën achúshi kirika tarankënu a banakama kuënëokëxa.

Oseas 3:5

Usai pain ënë ñukama ꞌikë ꞌain ka Israelkaman ami sinanatëkënkin, Nukën ꞌIbu Dios rabiti sinántëkënti ꞌikën, ꞌimainun ka atun ꞌapu ꞌia David aín rëbúnki achúshi atun ꞌapu ꞌiti ꞌikën. Anuan ënë nëtëkama këñuti a nëtë ꞌikëbëtan ka ami rakuë́kin Dios upíokin a ꞌakinun kixun ñukáti ꞌikën.

Habacuc 2:2

Usa ꞌain ka Diosan ësokin ꞌë kakëxa: Maxax paránu kamina mi kamainun bana kuënëoti ꞌain, ꞌaínbi kamina bënë́kinshi istisabi ꞌitánun ꞌaia kuaisabi ꞌati ꞌain.

Números 24:14

Asabi ka usa ꞌain kana ꞌën menubi kuanti ꞌain; ꞌaínbi kana kuanuxun pain ësokin mi kain, uisai kara a unikamabë min rëbúnkikama ꞌinuxun ꞌaia.

Deuteronomio 31:19

Bërí kamina anun kantati bana ënë ꞌën mi kamainun kuënëoti ꞌain, kuënëotankëxun kamina minbi Israel unibu anun ꞌëmi kantanun ꞌunamiti ꞌain, usa ꞌain ka a kanta kantakin uisai kara kia kuankin ꞌën atu kuainsama tania tëmëramikëxun a sinánti ꞌikën.

Deuteronomio 31:22

A nëtënbi kuënëoxun ka Moisésnën Israel unikama a kanta ꞌunánmiakëxa.

Deuteronomio 31:29

ꞌËn kana ꞌunánin ꞌëx ñukëbëtan kamina bëtsi bëtsi ñu ꞌakin ꞌën usai ꞌiti ñuixunkë banakama mitsun ënxun ꞌain; ꞌimainun kana ꞌunanin mitsun bakë bëchikëkamaxribi ka ꞌatima ñu ꞌai ꞌitsaira tëmëranuxun ꞌaia, usai ꞌikin kamina mitsun Nukën ꞌIbu nishminuxun ꞌain kixun ka Moisésnën atu kakëxa.

Deuteronomio 4:30

Uínsaran kaina mitsux bëtsi ñu rabi tëmëratankëxbi amiribishi a ëni Nukën ꞌIbumi sinanatëkënkani anun ka

1 Timoteo 4:1

Nucën Papa Diosan Bëru Ñunshin Upitan ca nu upí oquin ꞌunánun ꞌunánmia, Jesucristo utëcënti nëtë ꞌurama ꞌain ca ñunshin ꞌatima, an uni paráncë, acaman sinananmicëxun, uni raírinën ꞌatima ñu ꞌaquin Jesucristomi catamëti ënti ꞌicë quixun.

2 Pedro 3:3

Ësoquin camina ꞌunánti ꞌain, anúan Jesucristo utëcënti nëtëa ꞌurama ꞌain ca ꞌitsa uni aín cuëëncë ñuishi ꞌai, anun Jesucristonan ꞌiti bana ꞌatimaquin ñui, ami cuaiti ꞌicën.

Judas 1:18

ësaquian mitsu cacë: Jesucristo utëcënti nëtëa ꞌurama ꞌain ca ꞌitsa unin Nucën Papa Diosan banami cuaiquin, aín sináncësa oquinshi ñu ꞌatima ꞌati ꞌicën.