Isaías 30:2 - Kashibo-Kakataibo Biblia

² Usai ꞌika bënë́kiani Egipto menu ꞌikë ꞌapu faraón an isa bërúankin ꞌakinun kixun ñukati kuania, ꞌaínbi ka atun ꞌë pain ñukátima; an isa ꞌakinun kixun ꞌapu faraón ñukati kuania, usai ꞌika Egiptonu ꞌikë unikamami atun isa ꞌakinun kiax ami katamëtia.

Isaías 30:2 ပူးပေါင်းရင်းမြစ်များ

1 Reyes 22:7

Kixuan atun kaiabi ka Josafatnën ñukákëxa: —¿Ënu kara an Dios kikë bana ñuikë uni itsi aribi ñukáti abë banati ꞌaíma ꞌik?

2 Reyes 18:21

ꞌËn kana ꞌunanin Egiptonu ꞌikë unikamami kamina mitsux katamëisa tanin. ꞌAínbi ka usama ꞌikën atux ka uníxa tutishan xo tsënkakin bitsibi ami mënaxkikë usaribi ꞌikën. Usa ka ꞌapu faraón Egipto menu ꞌikë ax ami uni katamëisama ꞌikën.

Isaías 8:19

Usa ꞌain ka unikaman mitsu káshibuinxun ësakin kati ꞌikën: “Mitsux kamina uni ñukëkama aín ñunshinbë banati ꞌain, ꞌianan ka axa usai ka ñu ꞌiti ꞌikë kixun ꞌunánkë akamabëribi munura banati ꞌain. ¿Achúshi ëmanu ꞌikë unikaman kara atun dioskamabë, bananan uni bamakëkama a kara uisakin

Jeremías 2:18

Bërí kaina, ¿Egipto menu ꞌikë Nilo kakë baka ꞌumpax xëanan, anu ꞌikë unikaman ꞌakinun ñukati kuankin kaina añu biti ꞌain? ¿Añu kaina Asiria menu ꞌikë Éufrates kakë baka ꞌumpax a xëanan, anu ꞌikë unikaman mitsu ꞌakinun ñukákin biti ꞌain?

Jeremías 37:5

Usaia ꞌimainun ka faraónën suntárukama Egipto menuax chikíkë ꞌiakëxa. Chikíkiani kuania kuati ka Babilonio suntárukama an Jerusalén bëarabuinxun ꞌakë atux ka aia kixun ñuikania kuati anuax chikikankëxa.

Números 27:21

ꞌAínbi ka Josuénëx sacerdote Eleazar anu pain kuanti ꞌikën, Josué axa anu kuankë ꞌain ka Eleazarnëx an kakësa ꞌitánun Urim kakë ñu anun aín anë ñui ꞌëbë banati ꞌikën. Usakin ꞌakëxuan Josuénën kakëxun ka Israel unikama añu ꞌanun kara kaia akama ꞌati ꞌikën.

Jueces 9:15

Ñukákëxun ka muxanribi ikama ësokin kakëxa, ꞌëx asérabi mitsun ꞌapu ꞌiti kuëëni kamina mitsux ꞌën tupën okë tëmú ꞌiti ꞌain; ꞌaínbi ka ax ꞌëx ꞌapu ꞌiti kuëënkëbëma anuax achúshi tsi rëkirukin Líbano kakë menu ꞌikë kunxankama këñuti ꞌikën.