Isaías 30:16 - Kashibo-Kakataibo Biblia

¹⁶ kuëënima ka kikankëxa: “Usama ka caballonu ꞌirukiani kananuna abáti kuanti ꞌain.” Usai ꞌi nukamax abákë ax ka asábi ꞌiti ꞌikën. ꞌImainun kamina ësairibi kikankën: “Ishtuinshia kuankë caballonën nirinkë anu këñurukiani kananuna abati kuanti ꞌain.” Axa numi nishkë unikaman kuni ka bënëtishi niti ꞌunanxun nukama nuiti ꞌikën.

Isaías 30:16 ပူးပေါင်းရင်းမြစ်များ

2 Reyes 25:5

Kuaniabi ka Babilonianu ꞌikë suntárukaman ꞌapu Sedequías nuibianxun Jericónu ꞌikë me sapan anua nukúkin ñatankin bikankëxa. Bitsia ka kamaxunbi aín suntárukaman abati abískin ëankëxa.

Job 39:11

¿Min kaina ax kushiira ꞌixun ka ꞌën tëtikama ꞌë ꞌaxunti ꞌikë kixun sinánkin an mi ꞌaxúnun ënti ꞌain?

Salmos 33:17

caballokaman ka uibi ië́mitima ꞌikën; atux kushiira ꞌixunbi ka uibi ië́mitima ꞌikën.

Isaías 31:1

¡Uisai kara an Egiptonu ꞌikë unikama ꞌakinun kixun bari kuankë unikama ꞌiti ꞌikën, ꞌimainun kara axa atuinsa aín caballo ꞌitsañu ꞌixun ꞌakinun kixun sinanan, anuaxa ꞌakanankë caballonën nirinkë ꞌitsaira anun, ꞌakianan isa caballonu ꞌiruax kuanti unainrabu suntáru ꞌitsaira an isa ꞌakinti ꞌikë kixun Israel unikaman Dios upíira an ꞌakinun kixun ñukátima!

Isaías 31:3

Egiptonu ꞌikë unikama ax ka unishi ꞌaish dios kamasama ꞌikën; ꞌianan ka atun caballokama namishi ꞌaish, bëru ñunshinsama ꞌikën. Usa ꞌain ka Nukën ꞌIbun a unikama ꞌain mëkënan ꞌakësokin, atu ꞌatimokin an bërúankë akëñunbi ꞌakëx bamati ꞌikën; usai ꞌika a kamaxi këñukanti ꞌikën.

Jeremías 52:7

Usa ꞌain ka anun ëma kënëarakë anu kini achúshi atankëx anun abákankëxa, usa ꞌain ka a ëmanuax a imë́ Babilonianu ꞌikë suntárukaman bëararakë ꞌaínbi aín suntárukamabëbi ꞌapu Sedequías abánëakëxa. Abáti ka kënën bëara rabë́ okë xëkuë anun kuani ꞌapun xubu rapasu ñu ꞌapákë a ratanbiani kuankin bai bibiani Jordán kakë baka me sapan ami kikiani kuankëxa.

Amós 9:1

Usokin a ñukama istankëxun kana Dios. Anuxun ñuina xaroti rapasu nikë isan, iskëxun ka ësokin ꞌë kaxa: “Anuxun ꞌë rabiti xubu akamina aín ꞌirakantikama manámi ꞌikë a tinkati ꞌain, usakin ꞌakëbë ka anu nankë ikama ax shaíkiti ꞌikën; ¡shaíki ka ikama ax túukibuti ka unin maxkánu aín sanikama pakëti ꞌikën! Usokin ꞌakëbëa bamakëmakama atux abáti sinanx kuaniabi kana manë xëtokën ꞌakin rëtëti ꞌain: usokin ꞌakëbë ka axa abáti sinanx abákë axbi achúshirabi ië́tima ꞌikën;

Miqueas 1:13

Axa Laquis kakë ëmanu tsókë unikama mitsunribi kamina, Israel kamaxa ꞌiásaribiti ꞌikin, bana kuaisama tani ꞌiakën, usai ꞌikë ax ka Jerusalénnu tsókë unikama ꞌuchakë kupí ꞌikë ꞌiakëxa, usa ꞌain kamina caballo kamami bikin an nirinbianun mitsun caballonën nikinkë akama tëkërëkakanti ꞌain.

Habacuc 1:8

Atun caballokamax ka paru ꞌinúan abákësamaira ꞌinun abatia, usa ꞌaish ka shórapánakama raëkëma anu uni ꞌikëma menu ꞌikë axa në́kësamaira ꞌikën. Atun caballokamax ka paru ꞌinúan abákësamaira ꞌianan, shórapána raëkëmakama në́kë anu uni ꞌikëma menua ꞌikë usamaira ꞌikën. Usa ꞌaish ka an nikinkë unikaman buánkëx abákin ꞌitsaira ꞌixun aín taën me banamikë ax ꞌuranxubi unin kuakë ꞌikën, ꞌianan ka tëtëkamë ꞌëo aín piti ñuina binux ꞌikësa usaribiti ꞌia.