Isaías 30:14 - Kashibo-Kakataibo Biblia

¹⁴ ꞌianan ka mapú ꞌakë ñutë axa pakëti sarimëti, ami chimapu bisama ꞌianan anun ꞌumpax kininua, bisamabi aín tukibukë usaribi ꞌinun masókë ꞌiti ꞌikën.”

Isaías 30:14 ပူးပေါင်းရင်းမြစ်များ

Salmos 2:9

Usa ꞌain kamina min kushin kamabi ꞌapu ꞌatimakama; ¡kamina me ꞌakë kënti tukapakësa okinshi ꞌati ꞌain kixun ka ꞌë Diosan kaxa kiax ka ꞌapu kiaxa!

Lucas 4:2

Cuanx ca cuarenta nëtën anu ꞌiacëxa. Anua ꞌicë ca ñunshin ꞌatimanën ꞌapun ñu ꞌaisama ꞌamicatsi quixun caraishiacëxa. Anu ꞌixun ca a nëtëcaman Jesusan ñu piama ꞌicën. Ñu piima ca panancëxa.

Romanos 11:21

Camina ꞌunánti ꞌain, Nucën Papa Diosan ca ainan ꞌinun caísa ꞌixunbi judíos unibu ami catamëtiama aín ꞌucha tërë́ncëma ꞌixun judíosma unibu ꞌaíshmi mitsux ami catamëcëxunma mitsun ꞌucharibi tërë́ntima ꞌicën.

Romanos 8:32

An ca —ꞌën Bëchicë ca bamatima ꞌicë —quiquinma nun ꞌuchacama cupía bamanun ënë nëtënu aín Bëchicë xuacëxa. Usa ꞌixun ca aín Bëchicë cupínu nux upitax tsónun nu ꞌimianan anun nu upitax tsóti ñucamaribi nu ꞌinánti ꞌicën.

Apocalipsis 2:27

ꞌËn Papa Diosan aín cushi ꞌë ꞌináncësabi oquin cana a unicama ꞌën cushi ꞌinánquin unían aín bana cuanun ꞌimiti ꞌain. ꞌËn usaquin ꞌimicëxun ca atun, camabi unían aín bana cuanun ꞌimiti ꞌicën, uni itsían uni itsi aín bana cuanun quixun aín manë xo tuínxun racuë́ocësaribi oquin.