Isaías 28:7 - Kashibo-Kakataibo Biblia

⁷ ꞌImainun ka raíri unikamaxribi uvas baka vino ꞌakë xëatankëx amá aman kuani nitsia, ꞌimainun ka sacerdote unikama ꞌianan an Dios kikë bana ñuikë unikama atúxribi paë bata kushi a xëatankëx amá aman kuani nitsi kushiñumasa ꞌaish sinanima ꞌatimati banaia; ꞌianan ka namákësokian Diosan ismikëxbi amá aman kuani nikësai ꞌia, ꞌianan ka paën irakë ꞌixun uisakin kara bana mëníoti ꞌikë kixunbi ꞌunanima.

Isaías 28:7 ပူးပေါင်းရင်းမြစ်များ

Salmos 107:27

Usai ꞌika ñu paë xëax paëanxa uni ꞌikësai anu ꞌikë unikama; ¡manë nuntinu ꞌikë uni ꞌikëmasa ꞌinun rakuë́tan bamai ꞌikankëxa!

Proverbios 20:1

A xëati paëokin uvas baka ꞌakë an ka xëakëxun uni sinanimaishi bananun ꞌimia; usa ꞌixun ka a xëati paëokin ꞌakë a xëakinxun bëtsi unikamabë banakin sharákinia; usai ꞌika; uisai kara banati ꞌikë kixun sinanimaishi banaia.

Proverbios 23:30

Ax ka uínsaranbi an bëxnan xëakin ënkëma unikama ꞌianan, an barixun anun paë́nti bërí ꞌakë bëxnan bëtsi uni xëakinkë unikama ax ka usai ꞌia.

Isaías 28:1

¡Uisai kara Samarianu ꞌikë unikama bëtsi unikaman, atux isa upí uni ꞌikë kixun kakë axa ëma chaiira Efraín kakin anëkë anu tsókë paë́ntinën kuëëirabu uni atux ꞌiti ꞌikën; ꞌaínbi ka Samaria ëma ax me sapan upíira anu ꞌikën, usa ꞌaish ka ñu ua buinarakin mañutinu ꞌakëxbia bënëtishi núkai chushikë usa ꞌikën, usa ꞌixun ka anu ꞌikë unikaman paë bata ꞌaxun xëai paë́nkë a ënima!

Isaías 43:27

Min chaitiokëkama axirapaia tsóa ax ka ꞌuchakëxa, an mitsu ñu ꞌunánmikë unikaman ka ꞌën kakëxun kuaisama tankankëxa,

Jeremías 14:14

Ësokin kakëxunbi ka Nukën ꞌIbu Diosan ꞌë kakëxa: Asabi ka usaika ꞌën anë ñui ꞌën kakëxmabi, an bana ñuikë unikama këmëi kia. ꞌËn kana usakian ñu ꞌanun a unikama kaiskëma ꞌain, ꞌimainun kana uisa banabi kakëma ꞌain. Akamax ka ꞌën usakin anun namákësokin ismikëxumabi këmëkinshi ꞌanan atúnbi usakin ꞌati sinanx kikë ꞌikën. Ësai ka ënë ñukama ñui an bana ñuikë unikamax kia.

Jeremías 23:13

Ësai ka Nukën ꞌIbu kiaxa: ꞌËn kana Samarianu ꞌikë an ꞌën bana ñuixunkë unikama, ꞌatima ñukama an ꞌë ꞌaisama ꞌimikë ꞌaia isan: usakin ñu ꞌakin Baalnën anë ñuixunkin ka ꞌën kaisa Israel unikama, ꞌëmi manuti ꞌuranun ꞌimiakëxa.

Jeremías 23:16

Nukën ꞌIbu kamabi kushiñu ax ka ësai kiaxa: “Israel unikama mitsun kamina, an këmëkinshi uni ꞌën bana ñuixunkë unikama ax kikë a kamina kuatima ꞌain. Atúxa kikë ax atúnbi sinanx këmëishi, usai ka ꞌiti ꞌikë kiax kikë ꞌikën, ꞌën kana usai karamina kiti ꞌai kixun atu kakëma ꞌain.

Miqueas 2:11

Bëtsi unix ka këmëkin abi sinanx ësai kia: ꞌËn kana uvas baka ꞌakë ꞌimainun bëxnan ñui kin, ësaia an bana ñuikë unikama këmëi kikë ax ka ënë ëmanuxun mitsun kuakëx asábi ꞌikën.

Habacuc 2:15

¡Mitsun kamina mi ꞌurama ꞌikë ëmakamanu ꞌikë unikama ñu muka xëamin, anun usakin ꞌati kamina uvas baka ꞌakë këñun mëskuxun bëtsi ro xëamin! Usakin xëamixun kamina ñu muka xëax sinanima chupañuma rakákë usa ka kixun ain nami iskanin.

Habacuc 2:16

Usa ꞌaish kamina usa ka kixun bëtsin rabikëxma katë́kanti ꞌain, Diosan ka mitsu bëtsi unikamami ꞌakësa usakinbi ꞌati ꞌikën, usakin ꞌakin ñu muka xëax ꞌikësai chupañuma ꞌikë ka mitsun, nëtokë ñu rëbu tëakëma a iskanti ꞌikën, usakin ꞌakëx kamina mitsux rabinkëma ꞌaish bëtsi unikamasashi ꞌiti ꞌain.

Mateo 24:29

Usoquin canan ca ësaquinribi Jesusan aín ꞌunánmicë unicama cacëxa: —Usaía tëmërai anun uni bënë́ti nëtëcama ꞌicëbë ca bari bëánquinuxun ꞌaia, ꞌuxë́nribi ca pëcanuxunma ꞌaia. ꞌIsparibi ca rëucunuxun ꞌaia, naícamëꞌëo shaíquicëbë ca anua ꞌicë ñucamaxribi shaíquinuxun ꞌaia.

Lucas 21:34

Usa ꞌain camina mitsux cuëëncë ñuishi ꞌanan paë́anan ënë nëtënu ꞌicë ñucamaishi sináncë ꞌitin rabanan bërúancacë ꞌiti ꞌain. Usai bërúancacëma ꞌaish camina mitsúnmi sináncëbëmabi ꞌëx ucëbë ꞌë isi rabínti ꞌain.

Efesios 5:28

Cristonëan aín unicama nuibaquin bërúancësaribi oquin ca unin aín xanu nuibati ꞌicën. Uinu ꞌicë uníxbi ca aín namimi nishima. Usaribi oquin ca unin ami nishquinma aín xanu nuibati ꞌicën. An aín xanu nuibaquin bërúancë uni ax ca axbi bërúancacësa ꞌicën.