Isaías 28:14 - Kashibo-Kakataibo Biblia

¹⁴ Mitsux ꞌapu ꞌixun kamina Nun Ibu bana kuati ꞌain, bana kuakëma unibu, mitsux kamina Jerusalénnu ꞌikë unikaman ꞌapu ꞌain.

Isaías 28:14 ပူးပေါင်းရင်းမြစ်များ

Proverbios 1:22

Uni bënákama mitsux kamina usai ꞌiti ka kixun bënë́kinshi ñu ꞌatima ꞌaisa ꞌianan, usakin ñu ꞌakëxa asábi ꞌikë kiax ami kuaianan bana kuakëma ꞌikanin, ¿usa sinanbu ꞌixun kaina uínsarainra mitsun usai ꞌikin ñu unántisama tani ami kuaikë akama ënkanti ꞌain?

Isaías 1:10

ꞌApukama Sodomanu ꞌiása mitsun kamina ësaia Dios kikë aín bana kuati ꞌain; ꞌimainun Gomorranu ꞌia unikamasa mitsunribi kamina ꞌupiokin nun Diosan bana bëmë́kin kuati ꞌain, nukaman Diosan ka mitsu ꞌunánmisa tania.

Isaías 1:23

Mitsun ꞌapukamax ka bana kuakëma ꞌianan, an unin ñu bainu bëaraxun mëkamakë unikamabë ꞌunánankë ꞌikën. Usa ꞌixun ka akaman kuríkinën kupíokëxun an ñu ꞌupima ꞌakëma unibi ꞌatima ñu isa ꞌaxa kixun kanan ñu ꞌinainshiti akamaribi baria. ꞌIanan ka papañuma ꞌimainun titañuma tuákamaribi uisakin kara ꞌakinti ꞌikë usakin ꞌakinima ꞌianan, xanu kasunamëkë akamaribi tëmërai tsótiabi ꞌakinima.

Isaías 46:12

Kamina kuakanti ꞌain, bana kuakëma unikama, anun ꞌën mitsumi nishkë unikamanua mitsu chikíntisa basipain ꞌikë kixun kamina sinan kanin:

Jeremías 36:23

Usa ꞌain ka anuxun Jehudínën iskin rabë́ ꞌimainun achúshi okin ꞌanan rabë́ rabë́ okin anua bana sënë́nkë anu sënë́onkëtibi ka ꞌapun manë xëtokën tëaxun tëaxun tsi rëkirukënu xarátanun ꞌaruakëxa. Usakin ꞌakin ka kirika tarankë kuënëokë a xarokin këñuakëxa.

Amós 6:13

Mitsux kamina këmëishi kikanin: “Nun kushínbi kananuna achúshi ëma biti ꞌain bianan kananuna ëma kushiirakama abi ꞌati ꞌai kiax kikanin.”

Hechos 13:41

Mitsux, ꞌën banami cuaicë ꞌaish, camina uisashiti caramina ratúanan cëñúti ꞌai quixun sinánti ꞌain. ꞌËx Dios ꞌixun cana mitsúnmi ismainun unin ꞌacëma ñu ꞌati ꞌain. A ꞌën ꞌaia isquian ñuicania cuaquinbi camina —asérabi ca —quixun sinántima ꞌain.