Isaías 28:1 - Kashibo-Kakataibo Biblia

¹ ¡Uisai kara Samarianu ꞌikë unikama bëtsi unikaman, atux isa upí uni ꞌikë kixun kakë axa ëma chaiira Efraín kakin anëkë anu tsókë paë́ntinën kuëëirabu uni atux ꞌiti ꞌikën; ꞌaínbi ka Samaria ëma ax me sapan upíira anu ꞌikën, usa ꞌaish ka ñu ua buinarakin mañutinu ꞌakëxbia bënëtishi núkai chushikë usa ꞌikën, usa ꞌixun ka anu ꞌikë unikaman paë bata ꞌaxun xëai paë́nkë a ënima!

Isaías 28:1 ပူးပေါင်းရင်းမြစ်များ

Proverbios 23:29

¿Uix kara tëmërain? ¿Uix kara bëtsimi manánti ꞌit? ¿Uix kara mëëanantishi sinani nianan ꞌatima ñu ꞌax masá nuituti nitsin? ¿Ui kara ñu ꞌatima ꞌakëmabi bëtsi uni ꞌatimokin ñun tëain? ¿Ui kara ꞌitsaira ñu paë xëai aín bëru chëxë kuatsinxun isin?

Isaías 28:7

ꞌImainun ka raíri unikamaxribi uvas baka vino ꞌakë xëatankëx amá aman kuani nitsia, ꞌimainun ka sacerdote unikama ꞌianan an Dios kikë bana ñuikë unikama atúxribi paë bata kushi a xëatankëx amá aman kuani nitsi kushiñumasa ꞌaish sinanima ꞌatimati banaia; ꞌianan ka namákësokian Diosan ismikëxbi amá aman kuani nikësai ꞌia, ꞌianan ka paën irakë ꞌixun uisakin kara bana mëníoti ꞌikë kixunbi ꞌunanima.

Isaías 8:4

Usa ꞌain ka min bëchikë axa papa kianan tita kikin ꞌunánkëma ꞌaínshi Damasco ꞌimainun Samaria ëma masókin, ꞌatankëxun anua ꞌikë ñukama ꞌain upíbuira akama Asirianu ꞌikë ꞌapun atu ꞌatankëxun ꞌain menu buánti ꞌikën.”

Oseas 4:11

Ësaribiti ka Dios kiakëxa: Bëtsi bëtsi unin aín nami ꞌakë xanubë nikin, uvas baka paëokin ꞌakë xëai paëini nikin ka upíokin ñu ꞌati a ëanxa.

Oseas 5:5

Israel unikamaxa nux kananuna usaira ꞌai kiax rabiakakë ax ka atuxi anunbi ꞌatimati ꞌikën; usa ꞌain ka Israel aín ñu ꞌatima ꞌakë anunbi ꞌuchai ꞌatimati ꞌikën, ¡usai ꞌikëbë ka Judánu ꞌikë unikama atu tani usaribiti ꞌiti ꞌikën!

Oseas 5:9

ꞌËx kana Israel ñakákamanua ꞌiásaribi ꞌinua asérabi ñu ꞌiti ñui kin: Israel ax ka anúan ꞌati nëtë ꞌikëbëtan masókin tëmëramikëx masá nuituti ꞌikën.

Amós 2:12

ꞌAínbi kamina mitsun uvas baka paëokin ꞌakë a nazareo unikama abi ubioxun xëamianan an ꞌën bana ñuikë unikama ꞌën bana ñuixuma ꞌanun kixun kakankën.

Amós 2:8

Usakin ꞌanan ka kuríkiñuma ꞌikëa aín chupa ñuñuma uni bikuankë a ꞌapáxun atúnribi dioskama rabikin pianan añu kara ꞌakania anuribi atúxribi ꞌikania; ꞌanan ka ati kupíoti nankë a inumikian uni mëkamakin bikë kuríki anun uvas baka maruxun anuxun atun dios rabiti xubu anuxun xëakania.

Amós 4:1

Samarianu ꞌikë xanukama ësokin mitsu kamainun kamina kuati ꞌain: Mitsux kamina Basán menu ꞌikë vaca ain xanu xuabu usaribi ꞌaish xubairabu ꞌain, usa ꞌixun kamina uni ñuñuma ꞌatima onan, an ñu kuëënkin bisatankë a ꞌianan, mitsun bënëkamaribi a xëati uvas baka paëokin ꞌakë bëxunun kixun kain.

Amós 6:1

¡Axa Jerusalén ꞌikëbi Sión kakë anu tëmëraima bukukë unikama! ¡ꞌianan Samaria ëmanu uisaibi kananuna ꞌima kixun sinani bukukë ꞌapukama, amia Israel unikama katamëkë atux ka kuanti ꞌikën!

Amós 6:4

Mitsun kamina anu uxti ñu xëta ꞌakë upíira anu rakáxun nëtë inúmin, usai ꞌikin kamina oveja tuá bërí kanikëkama a ꞌimainun vaca bërí kanikëkama xuairabu a ꞌaxun pikanin;

Amós 6:6

ꞌanan kamina uvas baka ꞌakë ami xëati chaiira ami xëakanin, ꞌianan kamina sanuira rokama anúnribi ꞌikanin, ¡usai ꞌikin kamina uisai kara ënë ëma ꞌiti ꞌikë kixun abi sinánkaniman!

Amós 6:8

Usa ꞌain ka Dios ax asérabi sinanatëkëntima oi ësai kiaxa; Dios kamabi kushiñu ax ka usai kia: ꞌËn kana Jacobnën rëbúnkikamaxa rabiakakë a kuëëniman usa ꞌain kana ꞌapun xubukamanua ꞌikë ñu upíbu; a axa ami nishkë unikaman atun ëmanua buántanun ꞌamiti ꞌain.”