Isaías 11:3 - Kashibo-Kakataibo Biblia

³ An ka ñu iskinshi uisa kara oti ꞌikë kixun aín kuëënkësa okinshi ꞌanan, ax ka usai ꞌiaxa, kixun unin ñuikë bana a kuakinshi usa ka ꞌiti ꞌikë kixun katima ꞌikën.

Isaías 11:3 ပူးပေါင်းရင်းမြစ်များ

1 Reyes 3:28

Usakian ꞌapun xanu rabë́ nishanankë mëníoxunkë ka kamabi Israel unibunën kuakëxa, kuati ka ꞌapumi rakuë́ti Diosan ka a ꞌapu sinánñuira ꞌinun ꞌimianan ꞌupíokia ñu ꞌanun ꞌimiaxa kiax kikankëxa.

1 Reyes 3:9

Usa ꞌain kamina upíokin sinánkin atun ꞌapu ꞌixun min kaisa unikama ꞌakinun ꞌë sinánmiti ꞌain, sinánmianan kamina uisa ñu kara upí ꞌikë, uisa ñux kara ꞌatima ꞌikë akamabi ꞌunánun ꞌë ꞌakinti ꞌain; usakin min ꞌakëbëma kara, ¿min unikama an tupuntisamaira ꞌinun ꞌaisamairai ꞌuakamë ꞌëokë ꞌain uix atun ꞌapu ꞌiisa uni ꞌik?”

Isaías 33:6

usa ꞌixun ka uisai kara xënibua ꞌaínbi an bërúankëx aín unikama bukuti ꞌikë kixun ꞌunánmiti ꞌikën. Ñu ꞌunánkë ꞌianan upiokinra ñu ꞌunánkëira an ka ñu achúshi kupíkësaira ꞌixun uni ië́mia; usa ꞌain ka Nukën ꞌIbumi rakuë́ti ax ñuñuira ꞌikë usamaira ꞌikën.

Miqueas 4:3

Usa ꞌain ka Nukën ꞌIbun bëtsi bëtsi menu tsókë unikama uix kara ꞌuchaxa kixun istankëxun uisa kara okatsia usakin ꞌati ꞌikën, ꞌakin ka ꞌura men tsókë unikama ꞌakanankë a mëníoxunti ꞌikën. Usakin ꞌakëxun ka atúnbi atun manë xëtokëkama a anun me tukati ꞌanan, ꞌain paka piakama anun ñu bimi biti tëntuñu ꞌitánun xëtokin ꞌati ꞌikën. Usa ꞌain ka uinu ꞌikë ëmanu ꞌikë unínbi anun bëtsibë ꞌakánanti sinánxun amiribishi anuan ꞌakanankë a bitëkëntima ꞌikën, ꞌianan ka uínbi usai ꞌakánanti ka kixun bëtsi ꞌunánmitëkëntima ꞌikën.

Lucas 2:52

Sinánmainun ca Jesús caniacëxa. Cani aín nami cushi ꞌianan ca ñu upí oquin ꞌunáncëxa. Usa ꞌicë ca —ax ca upí tuá ꞌicë —quixun camabi unin cuëënquin nuibacëxa. Nuibamainun ca Nucën Papa Diosanribi a isi cuëënquin nuibacëxa.

Juan 2:25

An ca unían cacëxunmabi camabi unin sinan ꞌunáncëxa.

Juan 7:24

Bëtsi unían ñu ꞌaia isi camina bënëtishi —an ca ñu ꞌatima ꞌaia —quiax quitima ꞌain. Usai ꞌiquinma camina munu upí oquin sinánquin ꞌunánti ꞌain, usoquin ꞌati cara asábi ꞌicë, cara asábima ꞌicë quixun.

Hebreos 5:14

An Nucën Papa Diosan bana upí oquin sinánquin an cacësabi oquin ꞌacë uni, an ca upí oquin ꞌunania, uisa ñu ꞌati cara Nucën Papa Diosan iscëx asábi ꞌicë, uisa ñu ꞌati cara ꞌaisama ꞌicë quixun. ꞌUnánquin ca usoquin ꞌaia. Usa unix ca tuá xuratsusama ꞌaish uni apánsa ꞌicën.

1 Samuel 16:7

ꞌAínbi ka Nukën ꞌIbun kakëxa: “Uisa kara kixun ñachanan kamina uiti chaxkë́ kara kixun istima ꞌain, ꞌëx kana ax ꞌiti kuëëniman. ꞌËx kana unin iskë ñu ñui kikëma ꞌain; unin ka uisa kara bëtsi uni ꞌikë kixun isia, usa ꞌaínbi kana ꞌën uisakin kara unin sinania a ꞌunanin.”