Isaías 1:7 - Kashibo-Kakataibo Biblia

⁷ Usa ꞌain ka atun mekamax ꞌatima okë ꞌaish anu uni ꞌikëma mesa bëruaxa, ꞌimainun ka atun ëma kamaxribi anu rëkirukin tsin në́nkë ꞌikën. Mitsun ꞌismainunbi ka axa mitsumi nishkë unikaman mitsun ꞌapákë ñukama bixun piaxa. Usakia ꞌakëbë ka kamabi mekamax anu uni ꞌikëma mesaribi ꞌi, Sodoma ëmaxa këñukëx ꞌia usaribiti ꞌiaxa.

Isaías 1:7 ပူးပေါင်းရင်းမြစ်များ

Salmos 107:34

ꞌimianan ka mekama aribi anu ñu ꞌapátisama ꞌitánun; anu ꞌikë unikamaxa ñu ꞌatima ꞌai ꞌuchakë kupín ꞌimia;

Salmos 107:39

Usakin ꞌakinkëxa upiti tsótiabi ka amiribishi axa atumi nishkë unikaman ꞌitsaira, tëmëramikin usakin ꞌakëxa ꞌakëx ka ꞌitsama uniratsushi bërúakëxa.

Isaías 1:8

Usakin ꞌakëbë ka Jerusalén ëma axëshi bëruaxa, usa ꞌaish ka anu uvas ꞌapákë naë nëbëtsi ꞌuta ꞌakësashi ꞌikën, ꞌianan ka aín tuá piti melonar kakë ñu ꞌapáxun nëbëtsi xaban xabanbu ꞌinun kënëkë usaribi ꞌikën, ꞌianan ka a ëmax ami nishkë unikamainshi bëarabuinkë ꞌikën.

Isaías 49:19

Min menu ꞌikë ëmax ka masókin rurupakë ꞌiakëxa; ꞌaínbi ka bërí min me unikama an ꞌaisamaira ꞌixun anu tsókin tsitsirukëx chamara ꞌiti ꞌikën. An mi ꞌatima okin rurupa unikama ax ka bërí ꞌura ꞌikën.

Isaías 6:11

Ësokin kakëxun kana ꞌën ñukákën: “¿ꞌËn ꞌIbu uiti bari ꞌimi kara ënë ñukama min bana kikësai ꞌinux basiti ꞌik?” Kixun kakëxun ka Diosan ꞌë kakëxa: “Ënëx ka ëmakama masókin ꞌatima okëbëa anu ꞌikë unikamax uniñuma ꞌianan; atun xubukamaxribi uniñuma ꞌimainun, anu ñu ꞌapákë me kamaxribi anu uni ꞌikëma mesa bërutamainun anu sënën ꞌiti ꞌikën,

Isaías 60:15

Usa ꞌain kamina mitsu rakanan, istisama tankin miratsushi ꞌinun ënkësa ꞌitima ꞌain, usai ꞌima kamina ꞌën mi xënibua, ꞌaínbi ꞌën kushiokëx kuëëni tsókanun mi ꞌimiti ꞌain.

Isaías 64:10

Min ëmakama upíbu ax ka anu uni ꞌikëma mesa bërí ꞌikën, ꞌimainun ka Jerusalén axribi rurupakin masókankëxa.

Isaías 9:5

Min kamina ꞌakanani kuankian suntárukaman aín taxaka pañubiankin anun me banamibiankë a ꞌimainun aín chupa ꞌakanankian imin shikë a kamabi tsin në́nkin xaronun ꞌamiti ꞌain.

Jeremías 2:15

¿Uisa kupín kara axa ami nishkë unikama paru ꞌinuánëxa, aín piti ñu binux kuëëkë usa kuatsini ukin, Israel unikama bëara buinkankëx? Axa atumi nishkë unikaman aín me ꞌatima onan; aín ëmakamaribi nënkin xarokë ꞌain ka achúshi unirabi anu bëruama ꞌikën.

Jeremías 7:34

ꞌËn kana Judánu ꞌikë ëmakama ꞌimainun Jerusalénnu anun niti ꞌakë anuaxa unikamax fiesta ꞌai kuëëni kantakë ꞌimainun xanu bitsi kuëëni kantakë akama nëtë́nun ꞌimiti ꞌain, usaía ꞌinun ꞌimikëbëka kamabi ëma anu uni ꞌikëma mesa ꞌiti ꞌikë kiax ka Dios kiakëxa.

Miqueas 5:11

ꞌAnan kana min ëmakamaribi ꞌatimokin masónan anuan min ëma kënëarakama aribi rurupati ꞌain;