Isaías 1:5 - Kashibo-Kakataibo Biblia

⁵ Mitsux kamina uisaxun ñu ꞌatima ꞌati kara kixun sinani kushi kananin, usa ꞌain ka mitsun nami anu ꞌatima oti ꞌaíma ꞌikën. Usa ꞌain ka aín maxkánuribi ankëti chankukë ꞌaish, an ꞌimikëx kushiñuma ꞌikën.

Isaías 1:5 ပူးပေါင်းရင်းမြစ်များ

Nehemías 9:34

Usa ꞌaínbi ka nun ꞌapukama ꞌimainun aín kushikama ꞌianan sacerdotekama, ꞌimainun nun chaitiokë kamanbi ka min bana a tanti bana kikësokinbi ꞌama ꞌikën.

Isaías 1:23

Mitsun ꞌapukamax ka bana kuakëma ꞌianan, an unin ñu bainu bëaraxun mëkamakë unikamabë ꞌunánankë ꞌikën. Usa ꞌixun ka akaman kuríkinën kupíokëxun an ñu ꞌupima ꞌakëma unibi ꞌatima ñu isa ꞌaxa kixun kanan ñu ꞌinainshiti akamaribi baria. ꞌIanan ka papañuma ꞌimainun titañuma tuákamaribi uisakin kara ꞌakinti ꞌikë usakin ꞌakinima ꞌianan, xanu kasunamëkë akamaribi tëmërai tsótiabi ꞌakinima.

Isaías 31:6

Israel unikaman rëbúnki mitsux kamina ꞌatimairai banakin ñuikankë Dios ami sinanatëkënkanti ꞌain.

Isaías 33:24

Usa ꞌain ka anu ꞌikë unikama: “Kana ꞌinsían kitima ꞌikën.” Diosan ka Jerusalénnu ꞌikë unikama ꞌimainun Judá menu tsókë unikama atun ꞌuchakama mëníoxunti ꞌikën.

Jeremías 2:30

ꞌËn kana ñankáishibi mitsun bakë bëchikëkama tëmëramiakën, atun ka ꞌën bana ꞌunánkin ax kikësokin ꞌaisama tankëxa. Mitsúnbi kamina paru ꞌinúan raëkëma, ꞌain piti bitsi në́kësa usaribi ꞌikin, an ꞌën bana ñuikë unikama ꞌakankën.

Ezequiel 34:16

ꞌËnbi kana ꞌën unikama ovejakama ꞌarakakë ꞌikësaia amami amami kuani nëtë́këkama a bëtëkënti ꞌain, bëkin kana axa ꞌinsínkë akamaribi ronkin chupa sanin aín taëmi ñukë tëkërëkaxuanan, axa ñusmakëkamaribi kushinun bërúanti aín, ꞌanan kana xuabu ꞌimainun aín kushibu akamaribi bërúankin. ꞌËn kamabi atu bërúanti ꞌain.

Ezequiel 34:4

Mitsux kamina an ñuina bërúankë unia aín ñuina bërúankinbi ꞌinsíanxa kushikëma akamaribi ronkima ꞌanan axa aín taëmi ñuax tatimakë a nëaxunkëma usa ꞌianan, axa amami kiax nëtë́kë a barixun upioxun bëkima rishkikin ꞌatima okë usaribi ꞌain.