Isaías 1:4 - Kashibo-Kakataibo Biblia

⁴ ¡Usa ꞌain ka atux kamaxi ꞌuchakanxa ꞌianan ka a unikaman ꞌitsaira ꞌatima ñuishi ꞌaia, atun chaitiokëkamaxribi ꞌatima ñuishi ꞌakë unibu ꞌia ꞌain ka atun ꞌaisa tankë ñu ꞌatimashi ꞌakania! Usa ꞌain ka aín ꞌIbu ꞌikëbi ꞌë ënkanxa ꞌëx kana Israel unikaman Dios upíira a ꞌain, usa ꞌikëbi ka ꞌën bana kuaisama tankin ꞌë manuaxa.

Isaías 1:4 ပူးပေါင်းရင်းမြစ်များ

Génesis 13:13

anuxun ka kamabi unin ꞌatima ꞌixun ꞌaisamairai Nukën ꞌIbumi ꞌuchakin bëtsi bëtsi ñu akëxa.

Nehemías 1:7

Nukaman kananuna min ismainunbi ñu ꞌatimaira ꞌakën; ꞌakin kananuna a tanti banakama ꞌimainun ax kikësa okin ꞌati banakama, min uni Moisésmi ꞌinan min bana ax kikësabiokin ꞌakëma ꞌain.

Salmos 89:18

¡Dios ax ka aminu katamëkë manë pará okin ꞌakë usaribi ꞌikën! ¡Usa ꞌaish ka nukaman ꞌapu ꞌianan Israel unikaman ꞌapu ꞌaish upíira ꞌikën!

Éxodo 32:7

Atúxa usai ꞌikëbëtan ka Nukën ꞌIbun Moisés kakëxa: —Ënuax kuabutankëxun kamina Egipto menuami bëkë unikaman ka ꞌatima ñu ꞌai ꞌuchakin ꞌën kakë bana a kuaisama tanxa isi kuanti ꞌain.

Isaías 1:23

Mitsun ꞌapukamax ka bana kuakëma ꞌianan, an unin ñu bainu bëaraxun mëkamakë unikamabë ꞌunánankë ꞌikën. Usa ꞌixun ka akaman kuríkinën kupíokëxun an ñu ꞌupima ꞌakëma unibi ꞌatima ñu isa ꞌaxa kixun kanan ñu ꞌinainshiti akamaribi baria. ꞌIanan ka papañuma ꞌimainun titañuma tuákamaribi uisakin kara ꞌakinti ꞌikë usakin ꞌakinima ꞌianan, xanu kasunamëkë akamaribi tëmërai tsótiabi ꞌakinima.

Isaías 1:28

ꞌaínbi kana an bana kuakëma unikama ꞌimainun ꞌuchañu unikama ꞌianan an ꞌën bana kuaisama tankë a unikama bamati ꞌikën.

Isaías 30:1

Ësai ka Nukën ꞌIbu asérabi kiakëxa: “¡Uisai kara mitsun bakë bëchikë bëbu ꞌimainun ꞌini xanukama atun kakëxun ꞌën bana kuaisama tania, usa ꞌixun atun ꞌëbë banaxunmabi ñu ꞌakatsi kixun atúnbi sinania, sinánkin ka usakin kananuna ñu ꞌati ꞌai kixun ꞌën sinánmikëxunmabi atúnbi sinánxun ꞌaia, usakin ꞌai ka atúxbi amiribi amiribi ꞌuchakania!

Isaías 30:15

Usa ꞌain ka Israelkaman ꞌIbu upíira ax ësai kia: “ꞌËn bana kikësokin ꞌatëkëni kamina mitsux uínbi ubíokëma upiti bukui ië́kë ꞌiti ꞌain. Usa ꞌain kamina uínbi ubiokëma bukui ꞌëmi katamëti kushiñu ꞌikanti ꞌain.” ꞌAínbi kamina mitsun ꞌën kakëxunbi kuëënkáma ꞌain,

Isaías 30:9

Ënë unikamax ka bana kuaisama tankë unibu ꞌikën, usa ꞌixun ka ꞌën bana kuaisama tania, usa ꞌain ka ꞌën ꞌunánmikë banakama kuaisama tani ꞌëmi sinanima.

Isaías 31:2

Usa ꞌaínbi ka Diosanribi parántisama ꞌixun ñu ꞌatimaribi inúnun ꞌimiti ꞌunánxa, usa ꞌixun ka ñu ꞌakatsikiax kana ꞌaima kítëkënkinma ñu ꞌaia. Usa ain ax uni ꞌatimakama ami ꞌianan, an ꞌatima unikama ꞌakinkë akama ꞌatima oia.

Isaías 41:14

Ësai ka Nukën ꞌIbu asérabi kiakëxa: “Israel unikama Jacobnën rëbúnki ꞌitsamara ꞌaish kushimarasa unin iskëbi rakuëtima, ꞌaínbi kamina mitsux rakuë́tima ꞌain. ꞌËn kana mitsu ꞌakinin. ꞌËx Israel unikaman Dios upíira ꞌixun kana, mitsu bitëkënti ꞌain.

Isaías 41:16

Usakin ꞌaxun tákaia ka suñun bëkikin nuánmiti ꞌikën; ñu bimia aín bimikama këñunbi anu ꞌibúkin suñúan kushiiran ñu ꞌakësaribi okin ꞌabisoti ꞌikën. Usa ꞌain kamina mitsun ꞌIbu ꞌain kuëënkanti ꞌain, usai ꞌikamina mitsux rabiakati Israel unikaman Dios upíira ax ka nubë ꞌikë kiax kikanti ꞌain.

Isaías 41:20

usakin ꞌakë ka kamabi unin iskin ꞌunánti ꞌikën, ꞌimainun ka upíokin sinanan kuati ꞌikën, ꞌëx aín ꞌIbu ꞌixun ka ënë ñukama ꞌën kushínbi ꞌa kixun ꞌunánkanti ꞌikën, ꞌianan ka ꞌëx Israel unikaman Dios upíira ꞌixun kana usakin ꞌa kixun ꞌunankanti ꞌikën.”

Isaías 58:2

Kamabi nëtën ka ꞌë baria, usa ꞌixun chuámarua tani ꞌëx kikësoi ꞌikatsi kiax ꞌikin, achúshi ëmanu ꞌikë unikaman ꞌupiokin ꞌakësokin ꞌakin, ꞌën bana kikësama okinma ꞌaia kixun; upíokin ꞌën bana kikësokin ñu ꞌaxúnun ꞌë kaia, usakin ꞌë ñukati ka ꞌëx kikësabi oisa ꞌisatania kiax kuëënkania,

Isaías 65:3

A unikamax ka ꞌën kuamainunbi nëtëtibi ꞌëmi ꞌatimati abi banakin ꞌë ꞌatima tamia; atun dioskama anua ñu ꞌapákë naënuxun ñuina xaroxuankëxa ꞌanan ka anuxun ñuina xaroti ladrillo ꞌakë anuxun sanuira ro aribi mënuakëxa.

Jeremías 15:6

Mitsux kamina ꞌën kakëxun kuaisama tani ꞌëmi manúkankën. ꞌËx Min ꞌIbu ꞌaish, kana asérabi ësai kin. Usa ꞌain kana ꞌurainra mitsu nuibati tënëxun, ꞌën ꞌakësa ꞌitanua axa mimi nishkë unikaman këñukin ꞌanun mitsu ëankën.

Jeremías 2:13

ꞌËn unikama ka ꞌiásamaira ꞌinun chaiira ꞌuchaxa: Usai ꞌikin ka ꞌën bana kikësama oi ꞌikin ꞌë manukankëxa, anua ꞌumpax ꞌikë nëminra usaribi ꞌixun na tsónun ꞌakinkëxunbi ꞌë manúakëxa, usakin ꞌë manuika anua ꞌumpax biti nëminra ꞌumpaxñuma ꞌinun ëskikë usai atux ꞌiakëxa.

Jeremías 2:17

Ësaia ꞌikan ax ka atun ꞌIbu Dios ꞌikëbi, ꞌë rakankë kupín ꞌia ꞌikën, ꞌimainun ka uisai tsóti kara kixun kuania unánmia ꞌixunbi ꞌë manukankëxa.

Jeremías 2:19

Min ñu ꞌatima ꞌai ꞌuchakë anbi mi ꞌatima oti ꞌikën, mix ꞌatimakë anbi mi ꞌatima oti ꞌikën. Usa ꞌain kamina min sinánti ꞌain, ꞌëmi ënkin rabikëma ax ka ꞌaisama ñu ꞌikë kixun isti ꞌain, ꞌëx kana min ꞌIbu Dios a ꞌain. ꞌËx Dios kamabi kushiñu ꞌaish kana usai kin.

Jeremías 2:31

(Axa bërí tsókë mitsun kamina ꞌën bana upíokin kuati ꞌain, ꞌëx kana Dios ꞌain.) Israel unikama, ¿ꞌëx karana anu uni ꞌikëma mesa mitsunan ꞌian? ¿ꞌianan karana anua me ꞌitsaira bëánkibukë chichabiantisama usaribi mitsunan ꞌian? ꞌËn unikama, ¿uisa kupín kaina: bërí kananuna uisa ñu ꞌatimabi inútima ꞌai kianan, uínsaranbi kananuna mi sinántëkëntima ꞌai kikanin?

Jeremías 2:33

¡Upiokin kamina ꞌunan uisakin kara unin aín kuëënkë xanu baria kixun! ¡Usa ꞌixun kamina anuxun ꞌatima ñu ꞌati xubu anuxun ꞌakësa ꞌinun ꞌatima ñu ꞌati ꞌunánkan!

Jeremías 2:5

Ësai ka Nukën ꞌIbu kiaxa: ¿Añu ñu ꞌatima ënua mërax, kara min chaitiokama ꞌëmi ꞌunánkëx? Atúnbi bëtsi dioskama añu ñu ꞌikëmabi rabikë kupín, atúxribi usaribi ñankáishi bërukankëxa.

Jeremías 7:19

ꞌAínbi ka ꞌëa aín banan nishmikë usamaira oi atúxa kikë bana anunbi nishia, usai ꞌika aín bana anunbi katë́ti ꞌikania. ꞌËx Min ꞌIbu ꞌaish kana ësai kin.

Jeremías 7:26

ꞌAínbi kamina mitsun ꞌën kakëxunbi kuaisamatankën, usai ꞌikamina mitsun chaitiokëkama ꞌiásamairai atiaira bana kuama ꞌain.

Daniel 9:11

Kamabi Israel unikaman ka min ꞌunanmikëxunbi min bana kuaisama tanxa, usa ꞌain ka nunu ꞌatima ñuira min uni Moisésnën usakin kana ꞌatima oti ꞌai kixun kuënëomia usaibi ꞌiaxa, nux kananuna mimi ꞌuchan usa ꞌain.

Mateo 11:28

Nucën Papa Diosan mi upí isnun quixun ꞌaisamaira ñu ꞌanan unin cacë ñuribi ꞌai bënëti atsáncë ꞌixun camina ꞌëmi catamëquin ꞌën mi ꞌaquinun ꞌë cati ꞌain. Cacëxun cana a ñucama mëníoquin ꞌënan ꞌaíshmi tanti ꞌicësaribitimi upí oquin sinani cuëënun mitsu ꞌimiti ꞌain.

Mateo 23:33

ꞌAtima ꞌixun uni paráncë ꞌaish camina mitsux runu an uni picë asa ꞌain, mitsun raracama ꞌiásaribiti camina ꞌin. Mitsúxmi usai ꞌicë cupí ca Nucën Papa Diosan asérabi mitsux bamaia anuaxmi tëmërati manë tsinu mitsu ꞌimiti ꞌicën.

Mateo 3:7

Juanën bana ñuixunia cuati ꞌitsa uni ricuatsinmainun ca ꞌitsa fariseo uni ꞌimainun ꞌitsa saduceo uniribi an nashiminun quiax anu uacëxa. Aia isquin ca Juanën cacëxa: —Mitsux ꞌatima ꞌixun uni paráncë ꞌaish camina mitsun rara ꞌiásaribiti runu, an uni picë, asa ꞌain. ¿Usa ꞌicë cara anúan Nucën Papa Diosan ꞌaisama unicama atumi nishquin masóti nëtën masócë ꞌitin rabananmi sinananun quixun uin mitsu cax?

Romanos 8:7

An ënë nëtënu ꞌicë ñuishi sináncë uni an ca Nucën Papa Dios cuëëncësabi oi ꞌiti sinanima. Usa ꞌixun ca asérabi aín bana ꞌunáncëma ꞌaish ami nishcësa ꞌixun añu ñu cara ꞌaisa tania a ñu ꞌaia. Usaquin ꞌaquin ca Nucën Papa Diosan bana cuaisama tanan a bana quicësabi oquin ꞌaima.

1 Corintios 10:22

Nucën ꞌIbu Jesús nishmiquin camina ñunshin ꞌatima rabitima ꞌain. Nuxnu cushima ꞌimainun ca axira nubë sënë́nmaira ꞌaish cushi ꞌicën.

Deuteronomio 31:16

Usai nirakëan ka anuxun Nukën ꞌIbun Moisés kakëxa: Ënuax ꞌitsama nëtë ꞌikëbë kamina mix ñuti ꞌain, usaími ꞌikëbëtan ka ënë unikaman ꞌën bana kikësabiokin ꞌakima atúan biti me anu ꞌikë unikaman rabikë dios a rabikin ꞌë rabiti ënkin achúshi ñu ꞌën manutima okin atu ꞌaxunkëkama manukin bëtsi ñu ꞌati ꞌikën.

Deuteronomio 32:19

Usokëxun isi ka Dios ꞌitsaira nishakëxa, nishkin ka mitsun bakë bëchikë bëbu ꞌimainun xanukama ꞌakinkima ëankëxa;

Deuteronomio 32:5

Israel unikama ꞌimainun kamabi unin bakë bëchikëma upíokin sinanima ñu ꞌatima ꞌai Diosmi banai kia, usai banai ka aín bëchikë ꞌisama ꞌikania:

Colosenses 1:24

Mitsux ainan ꞌinun ꞌëx tëmëracë cupí cana cuëënin. Usai ꞌi cana Cristonëan camabi uni ainan ꞌinun tëmëra ꞌain, ꞌëxribi camabi menu ꞌicë unicama a ꞌunánti cupí tëmëraíbi cuëëinra cuëënin.

Apocalipsis 18:5

Atun ꞌucha ca ꞌaisamaira ꞌicën, ñu manámi chaioruquin bucúncësa ca ax ꞌicën. Usa ꞌicë ca Nucën Papa Diosan atun ꞌuchacama manuquinma sinánxa.