Isaías 1:30 - Kashibo-Kakataibo Biblia

³⁰ Mitsux kamina i aín pëchi ëskikë usaribi, ꞌianan naë anu ñu ꞌapákë ꞌumpaxñumasa ꞌain ëskikë usaribi ꞌinuxun ꞌain.

Isaías 1:30 ပူးပေါင်းရင်းမြစ်များ

Génesis 12:6

bëbakiani kuani ka Abram a mekama inubiani kuanx Siquem, anua i chaiira nikë Moré kakë anu bëbakëxa. A menu ka cananeo unikamax tsóakëxa.

Isaías 5:6

usokin ꞌaxun kana rakanti ꞌain. Rakanxun kana chuku ꞌiruiabi mëníokin ëchimitima ꞌain, usokëx ka muxa ꞌirumainun chuku ꞌaisamaribi anu ꞌiruti ꞌikën. Usokin ꞌatankëxun kana nëtë kuínuaxa, ꞌuí a chabói ꞌibúnun ꞌimitima ꞌain.

Isaías 58:11

Usokin ꞌaia kana ꞌën ënkinma mitsu kuania buánti ꞌain, anu uni ꞌikëma me anua ꞌumpax ꞌaíma anuxunbi kana ꞌitsaira piti mitsu ꞌinánti ꞌain, mitsu ꞌinánkëxun pi kamina mitsun nami kushiti ꞌain, usai ꞌi kamina unin aín ꞌikë ꞌurama naë chukúma ꞌapáxun chabókë usaribi ꞌianan, xëxá upí aín ꞌumpax uínsaranbi ëskikëma usaribi ꞌikanti ꞌain.

Isaías 64:5

Min kamina uin kara upíokin ñu ꞌaia a asábi ka kuëënkin kain, kakëxun ka min kuëënkësabi okin ꞌati sinania. Mix kamina nukamax ꞌuchakë anun nishan; usa ꞌain ka ꞌitsa baritia anun mi masá nuitumikin ñuikë ꞌikën.

Isaías 64:6

Kamabi nux kananuna uni achúshi upíma chuakë usaribi ꞌain; kamabi nun ꞌakë ñu upíkama ax ka chupa chua usaribi ꞌikën; ꞌimainun kananuna nukamax pëi chushitankëx rëukubukë usaribi ꞌain, ꞌianan ka nun uni rëtëkë ax ka nun ñu ꞌatimaira ꞌakin, a tanti bana kikësokin ꞌakinma uni ꞌakë ax suñun kuainkin pëi pukë usaribi ꞌinun nu ꞌimia.

Jeremías 31:12

Usakian chikinkëx utankëx ka kuëëni kantai Jerusalénnu ꞌikë matákamanuax kuëënti ꞌikën, usai ꞌia Nukën ꞌIbun ꞌakinkin ñu ꞌinánkëx ka: ꞌitsaira kuëënkanti ꞌikën kuëënika, trigo ꞌimainun uvas baka ꞌakë vino ꞌimainun xëni ꞌianan, ovejakama ꞌimainun vacakamañu ꞌiti ꞌikën. Usa ꞌain ka a unikamax an ië́mikëx amiribishi ꞌain ꞌIbu Diosmi katamëti aín menu tsókë ꞌaish unin aín xubu rapasu ꞌapáxun ꞌupiokin ñu bërúankësa usaribi ꞌaish, amiribishi ñusmatëkënima kushi ꞌikanti ꞌikën.

Mateo 21:19

Pananquiani cuanquin ca higuera cacë i, bai cuëbí nicë, isbiani anu cuanquinbi tuáñuma ꞌaísha aín pëchishi ocëxa. Usa ꞌicë isquin ca Jesusan cacëxa: —Min camina tuatëcëntima ꞌain. Usaquian cacëxëshi ca higuera i chushi xanáncëxa.