Isaías 1:29 - Kashibo-Kakataibo Biblia

²⁹ Usokin ꞌakëbë kamina anuxunmi mitsun dios rabikankë ñu ꞌapákë naëkama anu buküax kuëënkimi dios rabikankë anuax rabinkanti ꞌain.

Isaías 1:29 ပူးပေါင်းရင်းမြစ်များ

Isaías 31:7

Uisa nëtën kaina kamabi mitsun, kuëënkima timakanin unínbia kuri manë uxua ꞌakë akama, mitsun mëkën ꞌuchañu kaman ꞌakë,

Isaías 42:17

Uikamax kara unínbia a rabinuxun ꞌakë achúshi ñu ami katamëtia, ꞌianan ka an unioxun ñukama an ësokin kakë: mitsux kamina nun dioskama ꞌain kixun, kakë akamax ka ꞌaisamaira katë́ti ꞌuri kikë ꞌiti ꞌikën.

Isaías 45:16

Kamabi an uniotankëxun bëtsi ñukama rabikë unikama ax atumia unikama kuaikëbë katë́ti rabinkë anunbi ñuumara ꞌiti ꞌikën.

Isaías 65:3

A unikamax ka ꞌën kuamainunbi nëtëtibi ꞌëmi ꞌatimati abi banakin ꞌë ꞌatima tamia; atun dioskama anua ñu ꞌapákë naënuxun ñuina xaroxuankëxa ꞌanan ka anuxun ñuina xaroti ladrillo ꞌakë anuxun sanuira ro aribi mënuakëxa.

Jeremías 2:20

Bërí ka ꞌitsabaritia anun mitsun ꞌën bana kuaisamatani ꞌikan ꞌikën, usai ꞌi kamina ꞌëbë ënanankësa ꞌiakën, ꞌianan kamina ꞌë rabitisama tani ꞌikankën. Usai ꞌikin kamina ꞌë kakën: Bërí kananuna min kakësokin ꞌatima ꞌai kixunribi ꞌë kakankën. ꞌIanan ka kamabi aín bashi manámi ꞌikë ꞌimainun i pëñanakëkëkama tëmúxun, xanun uni aín nami ꞌami ꞌikësaishi niakën.

Ezequiel 36:31

ꞌImainun ka uínsaran kara atux ꞌatimati tsóanan ñu ꞌatima ꞌai, ꞌuchaxa akama sinania anun rabinkanti ꞌikën, usai ꞌikin ka ꞌatimai ñu ꞌai ꞌuchai tsókë a sinánkanti ꞌikën.

Oseas 14:3

Asiria unikamax ka nu ië́misama ꞌikën, usa aín caballokama anbi nu abáti kuania ꞌabákintisama ꞌikën. Usa ꞌain kananuna mix kamina nun Dios ꞌai kixun nunbi uniokë ñukama anëtëkëntima ꞌain, axa ꞌibuñumakë unikaman ka ꞌain, Dios ꞌixun min nuibakëxun ꞌunania.”

Oseas 14:8

Usa ꞌain ka Israel unikama kiti ꞌikën: ¿Uisati karana a rabinuxun ꞌakë ñukama ꞌën kuëënti ꞌain? ¡ꞌËx kana an ꞌën unikama ꞌakianan bërúankë ꞌain! ꞌËx kana pino kakë ꞌi paxaira ꞌain pëchi usaribi ꞌain, usa ꞌain ka atux ꞌën ꞌakinkëx upiti tsóti ꞌikën, kiax ka Dios kiakëxa.

Oseas 4:13

Usa ꞌain ka aín bashi manan kuaruxun aín rëbu anuxun sanuira ro a xaronan ꞌaímai këñutanun ñuinaribi xaroia, ꞌimainun ka i roble kakë pëñanakëkë ꞌianan álamos kakë i ꞌimainun muxañu ikama aín tupën tëmúxun ñuina xaroia. Usa ꞌain ka mitsun ini bëchikëkaman bëtsi bëtsi uni aín nami ꞌamia, ꞌimainun ka mitsun bakë bëchikënën xanu min piakakamaribi atun bënë ëanx bëtsi unibë ꞌia.

Oseas 4:19

¡Usakin atun ñu ꞌakë ax ka suñu bëkikin nuámikësa ꞌiti ꞌikën, usa ꞌaish ka atun ñu rabikë anubi katë́kë ꞌiti ꞌikën!

Romanos 6:21

Ñancábi camina usa ñu ꞌacën. Mitsúxmi usai ꞌiá sinani camina bërí rabinin. Usa ñucama ꞌati an ëncëma unix ca usabi ꞌaish ashiti Nucën Papa Diosbë ꞌitimoi bamati ꞌicën.