Isaías 1:27 - Kashibo-Kakataibo Biblia

²⁷ ꞌËn kana asérabi ꞌëx kikësabiokin an uni ië́mikë a ꞌain, usa ꞌixun kana Jerusalénnu tsókë unikama axa ꞌëmi sinántëkënkë akama ꞌiëmitëkënti ꞌain;

Isaías 1:27 ပူးပေါင်းရင်းမြစ်များ

Isaías 35:10

a unikamax ka Nukën ꞌIbun ainan ꞌinun bitëkënkë unikama ꞌiti ꞌikën; usa ꞌaish ka Jerusalén ëmanu atsini kantai kuëënkanti ꞌikën, usai ꞌika anu kuëëni xënibua ꞌaínbi tsóti ꞌikën. Usai kuëëni chuámarua tani anu tsókëbë ka uínsaranbi masá nuituti inkë ax atunu ꞌitëkëntima ꞌikën.

Isaías 35:9

Anu ka paru inuán ꞌianan raëkëma ñuinakama axribi ꞌutima ꞌikën. Usa ꞌain ka bai an ië́mikë Israel unikama aín menubi an ꞌimikëx riküatsintëkënun Diosan ꞌimiti ꞌikën;

Isaías 52:3

Ësai ka Nukën ꞌibu kiaxa: ꞌËn kana achúshi kuríkirabi axa mitsumi nishkë unikaman, mitsu tëmëramikin ñu mëëminuxun buántanun biama ꞌain, usa ꞌain kana bërí achúshi kuríkirabi ꞌën mitsu chikínbëtsinkin bënuxun atu ꞌinántima ꞌain.

Isaías 54:14

Usa ꞌain ka ñu ꞌatima ꞌaíma upiti tsókë an mi kushioti ꞌikën, usai ꞌia uínbi mi uisabi okëma ꞌaish kamina rakuë́tima ꞌain, usai ꞌi kamina rakuë́tan bamati sinántëkënima upitax tsóti ꞌain.

Isaías 63:4

ꞌËn kana bëráma sinánkë ꞌiakën, achúshi nëtën kana ꞌëmi nishkë unikama tëmërakin ꞌati ꞌai kixun; usa ꞌain kana a nëtë ꞌikëbëtan ꞌën unikama bitëkënkin ië́miti ꞌain.

Oseas 2:19

ꞌËn kana Israel unikama ꞌën xanusa xënibua ꞌaínbi ꞌinun ꞌimiti ꞌain, usokëx ka asérabi a tanti bana unin ka xanu biti ꞌikë ꞌëx kia usaibi ꞌiti ꞌikën, ꞌën kana a ꞌitsaira nuibatin.

Miqueas 6:5

ꞌËn unikama bërí kamina sinánkanti ꞌain uisakin kara Balac Moabnu ꞌikë ꞌapu an sinánkëxa kixun, ꞌimainun kara Balaam Beornën bakë bëchikë an uisakin ribi a kamiakëxa kixun. ꞌImainun kamina Sitimnuax, Guilgalnu kuania kara Diosan mitsun ꞌunánun uisokëxa kixun aribi sinánkanti ꞌain.

1 Corintios 1:30

Nucën Papa Diosan ꞌimicëx camina ami catamëti Cristo Jesúsbë ꞌianan an sinánmicë ꞌain. Usa ꞌaish camina Cristo Jesús cupía, ax cuëëncësabi oquinshimi ꞌanun Nucën Papa Diosan ië́micë ꞌain.

2 Corintios 5:21

Cristo axa añu ꞌuchañumabi ꞌicëbi ca nun ꞌuchacama tërë́ncë ꞌinúan, nun ꞌucha bitsi ꞌuchañuirasa ꞌinun Nucën Papa Diosan ꞌimiacëxa, nux an iscëx ꞌuchañuma ꞌinun. Nuxnu abë ꞌimainuan Cristo axribi nubë ꞌicëbëtanu ax cuëëncësabi oquin ꞌanun ca Nucën Papa Diosan nun ꞌuchacama a ꞌináncëxa.

Tito 2:14

Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.