Isaías 1:18 - Kashibo-Kakataibo Biblia

¹⁸ Ësai ka Dios kiaxa: “Bërí kamina uisai kaina ꞌikanti ꞌai kiax ënë bana mëníonanti timë́ti ꞌuti ꞌain: Mitsun ꞌuchakamaxa uvas baka chininkë chëxëira iskësa ꞌikëbi kana, axa matsi irukë uxuira uxu iskësa ꞌitánun mitsu mëníoxunti ꞌain; atun ꞌuchakamaxa chupa bëtsi bëtsi ñun pukukë iskësaribi ꞌikëbi kana, ꞌën xapu uxuira uxu iskësa ꞌitánun mëníokin tërënxunti ꞌain.

Isaías 1:18 ပူးပေါင်းရင်းမြစ်များ

Salmos 51:7

ꞌËn ꞌuchakë ꞌë mënioxunkin hisopo kakë i pëñan anun ꞌakësa ꞌitánun ꞌë mëniokëx kana upíira bërúti ꞌain; usokin min ꞌë mëniokëx kana matsi uxua iskësamaira ꞌimainun xapu tunkikë usaribi ꞌinun ꞌën nuitu mëniokati upíira ꞌiti ꞌain.

Salmos 51:9

ꞌËn ꞌuchakëkama a kamina istima ꞌain ꞌianan kamina ꞌën ñu ꞌatima ꞌati sinánkë a ꞌë tërënxunti ꞌain.

Isaías 1:23

Mitsun ꞌapukamax ka bana kuakëma ꞌianan, an unin ñu bainu bëaraxun mëkamakë unikamabë ꞌunánankë ꞌikën. Usa ꞌixun ka akaman kuríkinën kupíokëxun an ñu ꞌupima ꞌakëma unibi ꞌatima ñu isa ꞌaxa kixun kanan ñu ꞌinainshiti akamaribi baria. ꞌIanan ka papañuma ꞌimainun titañuma tuákamaribi uisakin kara ꞌakinti ꞌikë usakin ꞌakinima ꞌianan, xanu kasunamëkë akamaribi tëmërai tsótiabi ꞌakinima.

Isaías 41:1

“Ësai ka Dios kiakëxa, axa parúmpapa nëbëtsi ꞌikë nasínu bukukë unikama an ka nëtë́xun ꞌëx kia kuati ꞌikën. Bëtsi bëtsi menu tsókë unikamax ka kushi mëníokati ꞌikën. Uisai kaina mitsux tsóti anu banakin mëníonun kamina timë́kanti ꞌain; bërí kananuna timë́xun uisakin karanuna mëníoti ꞌai kixun isti ꞌain.

Isaías 41:21

ꞌApuira Jacobnën rëbúnkikaman ꞌIbu ax ka ësai kiaxa: “A rabinuxun unin bëtsi ñukama tankin uniokë akamax ka uisakin kara ñu ꞌaia kixun ꞌë ñuixuni ukanti ꞌikën.

Isaías 44:22

ꞌËn kana ꞌatima ñu ꞌaimi mitsux ꞌuchakëkama a nëtënxuan mitsun ꞌuchakama tërënxunkin naínu ꞌikë nëtë kuin ꞌikësaia nëtë́nun ꞌimian. Usa ꞌain kamina ꞌëmi sinanatëkënti ꞌain ꞌën kana mi ië́mian.”

Isaías 50:8

ꞌË ꞌurama ka an ꞌë ꞌakinkin bërúankë ax ꞌikën: ¿Uix kara ꞌën isana usakin ñu ꞌa kiax ꞌëmi këmëi banati ꞌik? ¡Usa ꞌain ka uix kara ꞌëmi ꞌatimati banaia ax ka ëbëtan ꞌapunuxun bana mënioi kuanti ꞌikën! ¿Uin kara ꞌën isana ñu ꞌatima ꞌa kiax këmëishi ꞌëmi manánti sinanin? ¡Uin kara usakin sinania an ka ꞌutankëxun usakin kamina ñu ꞌa kixun ꞌë kati ꞌikën!

Isaías 55:7

Uni ꞌatimakama an ñu ꞌatima ꞌati sinánkin ꞌakë an ka ñu ꞌatima ꞌakë a ënti ꞌikën, ꞌimainun ka uni bana kuakëmakama atúnribi ꞌatimakian sinánkë akama ënti ꞌikën; ëni ami katamëtia ka Nukën ꞌIbun mitsu nuibati ꞌikën, ꞌimainun kamina Diosan nuibanankëira ꞌixun an mitsun ñu ꞌatima ꞌakëkama mëníoxunun ami sinánkin rabikanti ꞌain.’

Jeremías 2:5

Ësai ka Nukën ꞌIbu kiaxa: ¿Añu ñu ꞌatima ënua mërax, kara min chaitiokama ꞌëmi ꞌunánkëx? Atúnbi bëtsi dioskama añu ñu ꞌikëmabi rabikë kupín, atúxribi usaribi ñankáishi bërukankëxa.

Ezequiel 18:27

Usa ꞌaínbi ka ui unin kara ꞌatima sinánkin ñu ꞌatima ꞌakë ꞌixunbi, a ënkin ñu upí ꞌaia ax kuni ië́ti upiti tsóti ꞌikën.

Ezequiel 33:16

Usakin ñu upí ꞌai bërí upiti tsókëbëtan kana, an ñu ꞌatima ꞌai ꞌuchakama achúshirabi sinántëkëntima ꞌain.

Miqueas 6:2

Bashikama ꞌimainun an me tuinkë akaman ka kuati ꞌikën: Nukën ꞌIbu ka aín unikama ꞌatima oti sinania, usa ꞌaish ka Israel unikamami nishia.

Hechos 17:2

Usa ꞌain ca rabë́ ꞌimainun achúshi semana anu ꞌi, Pablo axa ꞌicësabi oi anun ñu mëëtima nëtë ꞌicëbë ꞌicëbë, anua judíos unicama timë́ti xubunu atsínxun, anua timëtia unicama cuënëo bana ꞌunánmiquin, Jesús ax ca asérabi Cristo ꞌicë quixun cai atubë canancëxa.

Hechos 18:4

Usoquin ꞌanan ca anun ñu mëëtima nëtëcaman anua judíos unicama timë́ti xubunu cuanxun —Jesús ax ca asérabi Cristo, axa utia judíos unicaman caíncë, a ꞌicë —quixun bana ñuixuancëxa. Ñuixuncëxun ca judíos unicama raíri ꞌimainun judíosma unicama raírinënribi —Jesús ax ca asérabia Nucën Papa Diosan xuá a ꞌicë —quixun ꞌunánquin sináncëxa.

Hechos 24:25

Camicëx uxuan, Jesucristomi catamëtia uni, aín ꞌuchacama tërë́ncë ꞌaish Nucën Papa Dios cuëëncësabi oi ꞌiti bana ñuixuanan ꞌatima ñu ꞌatëcëinsa tanquinbi tënëti banaribi ñuixuanan aín ñu ꞌatima ꞌacë cupía unin paë tanquin tëmërati bana ñuixuncëxun cuati ratúquin ca Felixnën Pablo cacëxa: —Camina cuanti ꞌain. A ꞌën ꞌati ñu ꞌaíma ꞌain cana amiribishi mi camitëcënti ꞌain.

Romanos 5:20

Unían —nux cananuna ꞌuchañuira ꞌaish upíma ꞌai —quixun ꞌunánun ca Nucën Papa Diosan uisai cara uni ꞌiti ꞌicë quicë bana Moisés cuënëomiacëxa. ꞌUchañuira ꞌicëbi uni nuibairaquin ca Nucën Papa Diosan atun ꞌuchacama tërë́ncë ꞌinun mëníocëxa.

Apocalipsis 7:14

Cacëxun cana can: —ꞌËn cana ꞌunaniman. Min camina ꞌunanin. Cacëxun ca ꞌë caxa: —ꞌËnë unicaman ca ami sináncë cupí ꞌaisamaira tëmëraquinbi Nucën Papa Diosmi catamëti ëncëma ꞌicën. Atux ca Carnero ꞌicësaribitia unin ꞌucha cupí aín imi ꞌapati bama, ami catamëti aín ꞌuchacama tërë́ncë ꞌaish aín nuitu upí ꞌaish chucacësa ꞌicën, aín chupa uxuira axa chuañumasa ꞌinun.

1 Samuel 12:7

Usa ꞌain kamina bërí mëníokakanti ꞌain, ꞌën kana Nukën ꞌIbun ismainunbi mitsu uisakin kara an mitsu ꞌakianxa kanan, uisakin kara nun chaitiokë ꞌakiankëxa akama mitsu ñuixunti ꞌain.