Isaías 1:14 - Kashibo-Kakataibo Biblia

¹⁴ ꞌUxë ió ꞌikëbëtan fiesta ꞌakë ꞌimainun ñu ꞌatima ꞌakë unikamax timëkankë a kana ꞌën istisama tanin; ¡ꞌianan kana usakia ꞌakë ñukama a iskin ꞌatimakin sinanin!

Isaías 1:14 ပူးပေါင်းရင်းမြစ်များ

Isaías 43:24

ꞌIanan kamina kuríkinën tutish sanuira a maruama ꞌain, ꞌë ꞌinainshiti bëkësa obëtsinkin bënuxun, ꞌianan kamina ñuina rëxun xarokë aín xëni bikë anunbi mitsun ꞌë kuëëmiama ꞌain. Usokin ꞌakinma kamina ꞌitsaira mitsux ꞌuchakë anun ꞌë atsamiakën; usokëx kana mitsun ñu ꞌatima ꞌaimi ꞌuchakë anun ꞌëx nishakën.

Isaías 61:8

Usa ꞌain ka Nukën ꞌIbun upí ñuishi ꞌati kuëënia, ꞌianan ka mëkamanan an usai ꞌiti bana nankë a tankinma ꞌatima ñuira ꞌakin bëtsin uni ꞌakë a kuëënima. Usa ꞌixun ka ax kikësabiokin ënkinma ꞌakinkin an biti ñu upí ꞌinánti ꞌikën, ꞌianan ka ax kiásabiokin achúshi ñu këñutima okin atubëtan ꞌati ꞌikën.

Isaías 7:13

Ësai kia ka Isaíasnën kakëxa: “Ësokin mitsu kamainun kamina ꞌapu Davidtan rëbúnkikama mitsun kuati ꞌain: ¿Mitsun iskëx kara unikama anribia, ꞌën Dios ubioisa tankë akamaribi ubioti asábi it?

Oseas 2:11

ꞌËn kana kuëënkian fiestakama ꞌakë a ꞌimainun ꞌuxë ió ꞌikëbëtan akë akama ꞌianan anun ñu mëëtima nëtë́an timë́kë akama këñuan, kamabi atux a ꞌai timë́kë akamaribi këñuti ꞌain.

Oseas 5:7

Atux ka bëtsi bëtsi unibë ꞌikë xanusa ꞌiaxa, usa ꞌixun ka bëtsi dioskama rabikin ꞌë paránxa, usa atux ꞌain ka achúshi ꞌuxëinshi atun me ꞌatima okin masókë ꞌiti ꞌikën.

Amós 2:13

Usa ꞌain kana ꞌanu ñu puruti taë rabë́ okin ꞌakë anu trigo purukë ꞌain me banamibiankë usaribi mitsun xo shimú inumiti ꞌain.

Amós 5:21

ꞌËn kana mitsunmi timë́xun fiesta ꞌakë a asérabi kuëëniman; ꞌimainun kana ñu rabi timëkankë abi istisama tankin timain.

Malaquías 2:17

Nukën ꞌIbu Dios ka mitsun bana kuati atsanxa; usa ꞌaínbi kamina mitsux ñukanani kin: “¿Uisai karanuna nun bana kuatia Dios numi atsanun nukamax kian?” Mitsux kamina ësai kikan, Diosan ka ñu ꞌatima ꞌakë unikama a upí isia, ꞌimainun ka atubë kuëënia. Mitsun kamina Dios an ka ꞌupiokin ñu ꞌaima kixun sinánkanin.