Isaías 1:10 - Kashibo-Kakataibo Biblia

¹⁰ ꞌApukama Sodomanu ꞌiása mitsun kamina ësaia Dios kikë aín bana kuati ꞌain; ꞌimainun Gomorranu ꞌia unikamasa mitsunribi kamina ꞌupiokin nun Diosan bana bëmë́kin kuati ꞌain, nukaman Diosan ka mitsu ꞌunánmisa tania.

Isaías 1:10 ပူးပေါင်းရင်းမြစ်များ

Génesis 13:13

anuxun ka kamabi unin ꞌatima ꞌixun ꞌaisamairai Nukën ꞌIbumi ꞌuchakin bëtsi bëtsi ñu akëxa.

Isaías 28:14

Mitsux ꞌapu ꞌixun kamina Nun Ibu bana kuati ꞌain, bana kuakëma unibu, mitsux kamina Jerusalénnu ꞌikë unikaman ꞌapu ꞌain.

Isaías 30:9

Ënë unikamax ka bana kuaisama tankë unibu ꞌikën, usa ꞌixun ka ꞌën bana kuaisama tania, usa ꞌain ka ꞌën ꞌunánmikë banakama kuaisama tani ꞌëmi sinanima.

Isaías 33:22

Usa ꞌain ka Nukën ꞌIbu ax an bana nu mëníoxunkë ꞌixun a tanti banakama nukama ꞌaxunia, ꞌimainun ka ax nukaman ꞌapu ꞌikën, usa ꞌixun ka an nu ië́miti ꞌikën. Axa numi nishkë unikaman atun nunti anun tëkërëkakë itsikaman ka churukukë ꞌixun ami tëkërëkakë i a tuinima, usa ꞌain ka ami tëkërëkakë chupa ax pënimëtima. Usai ꞌikëbëtan kananuna numi nishkë unikaman atun ñu kupíkë bikuanti ꞌain, bimainun ka bëxuñu unikama ꞌimainun aín taëmi ñukë unikamanribi atun ñu kamabi atima onan numi nishkë unikaman ñu bikuanti ꞌikën.

Isaías 8:20

kati ꞌikë kixun ñukáti ꞌit?” Ësai ka atux sinanimaishi banati ꞌikën, ꞌaínbi ka axa këmëishi kikë ꞌikën.

Jeremías 23:14

ꞌËn kana Jerusalénnu ꞌikë an ꞌën bana uni ñuixunkë unikama ꞌatima ñu an ꞌë ꞌaisama ꞌimikë ñuira ꞌaia isan: usakin ka atun aín xanuma bëtsi xanu aín nami ꞌanan, bëtsi unikama këmëkin paránia, usakin ꞌakin ka uni ꞌatima sinánñukama, a uínbia ꞌain ñu ꞌatima ꞌakë ënxuma ꞌanun kixun sinánmia. Usa ꞌain ka atu ꞌimainun a ëmanu tsókë unikamax Sodoma ꞌimainun Gomorranu ꞌikë uni tsóasaribi ꞌën iskëx ꞌikën.

Amós 3:1

Israel unikama mikaman kamina ësai ka Dios kia kuati ꞌain, an ka aín uni ꞌikë Egipto menua chikíankëxa:

Amós 3:8

Uínsaran kara paru ꞌinúan kuëruia anun kara ¿uix rakuë́ti bërëima ꞌiti ꞌik? Ka rakuë́ti ꞌikën. ¿Uin kara Dios kamabi kushiñu axa kuërukësa ꞌinun banakëbëtan tënëti ꞌik? Uínbi ka ꞌatima ꞌikën.

Amós 9:7

Ësai ka Dios kia: “¿Mitsun kaina upí unibuisamina ꞌai kixun sinánkanin? Israel kama mitsux kamina, etíope unikamasaribi ꞌain. ꞌËn kana Egipto menua mitsu bëakën, usaribi okin kana Creta menua filisteo unikama bëanan, Quir kakë anuaribi arameo unikamaribi bëakën usa ꞌaínbi kamina mitsux atukamasama ꞌain.”

Miqueas 3:1

Bërí kamina an bana mëníokë ꞌapukama ꞌimainun, Israel unikaman kushibu mitsun ësai kia küakanti ꞌain, ¿mitsun mi ꞌunántima kara unin ñu ꞌatima ꞌaia mëníoxunti ax ꞌik?

Romanos 9:29

Ësairibi ca Isaíasnën cuënëo bana quia: Nucën ꞌIbu Dios, ax ꞌApuira ꞌixun, Israelnën rëbúnquicama aín raíri ië́micëma ꞌain cananuna Sodoma ꞌimainun Gomorra anu ꞌicë unicama ꞌiásaribiti camáxbi ꞌaíma ꞌitsían.

Deuteronomio 32:32

Atux ka ñu ꞌapákë ꞌatimanën ꞌatimokin tuákësa ꞌikën, usa ꞌaish ka Sodoma ꞌimainun Gomorra ëmanu tsóa unikaman rëbúnkinëan uvas muka ꞌimainun a pi këñuti ꞌapákë usaribi ꞌikën;

Apocalipsis 11:8

Bamamicë ꞌaíshbi maíncëma ꞌaish ca a ëma cha, anu Nucën ꞌIbu Jesús i curúsocënu matása, Jerusalén, anu ꞌicë bainu racáti ꞌicën. A ëmax ca Sodoma ꞌimainun Egipto caquin anëcëribi ꞌicën, anu ꞌicë unicamaxa Sodoma ꞌimainun Egiptonu ꞌicë uníxa ꞌiásaribiti Nucën Papa Diosmi sináncëma ꞌain.