Isaías 1:1 - Kashibo-Kakataibo Biblia

¹ Amósnën bakë bëchikë Isaías an ka namákësokin uisai kara Judá ꞌimainun Jerusalén ꞌinuxun ꞌaia kixun, ënë ꞌapukama ꞌain Diosan ismikëxun isakëxa, akamax ka ꞌiakëxa, ꞌapu Ozías, Jotam, Ahaz ꞌimainun Ezequías ënëkamax ka Judá menu bëtsix bëtsix ꞌiax chikikëbë ꞌapu ꞌiakëxa.

Isaías 1:1 ပူးပေါင်းရင်းမြစ်များ

2 Reyes 19:2

Kuanx Diosbë banatankëxun ka Eliaquim an ꞌapun xubunu ꞌikë ñukama bërúankë a ꞌimainun an kirika kuënëokë Sebná akëñun, kamabi sacerdotekama ꞌimainun uni ꞌain tukurikubukama aturibi ꞌitsaira paëkin bëtsi chupa pañubiania, an Dios kikë bana ñuikë Isaías Amósnën bakë bëchikë abë banatanun kixun xuakëxa,

Salmos 89:19

Bërámabi kamina namámikësokin minmi kaískë unikama abë banakin kakën: ꞌIanan kamina ësairibi kiakën ꞌën unikamanua kana achúshi uni rakuëma kaísun, axa raíri unisama ꞌaish sinánñuira ꞌikë ꞌakinti ꞌai kiax kamina kiakën.

Isaías 2:1

Ënëx ka usai ka Judá ꞌimainun Jerusalén ꞌinuxun ꞌaia kixun, Amósnën bëchikë Isaías a namákësa okin Diosan ká ꞌikën:

Isaías 40:9

Sión an upí banakama ñuikë, ax ka aín bashi achúshi chaxkë́ira anu kuaruti ꞌikën. Jerusalén an upí banakama ñuikë, mix kamina kushiira banati ꞌain, Judá menu ꞌikë ëmakamanu ꞌikë unikama aturibi upí bana a ñuixunti ꞌain: ¡Ënu ka mitsun Dios ꞌikë kamina iskanti ꞌain!

Isaías 6:1

A baritian ꞌapu Ozías ñukë anun kana Dios anua tsókë manainra anuxunbia; aín chupa kuëxitan anun anuxun a rabiti xubu a mapukë isan.

Isaías 7:1

Sirianu ꞌikë ꞌapu Resín kakë ꞌimainun ka Israelkaman ꞌapu Pécah Remalíasnën bakë bëchikë a rabëxun ka ꞌain suntárukamabë kuanxun Jerusalén ꞌaisa tankëxa, ꞌaínbi ka atun ꞌaisama okëxa. Ax ka ꞌiakëxa Ahaz Jotamnën bakë bëchikë ꞌianan Ozíasnën baba axa Judá ëmanu ꞌapu ꞌain.

Jeremías 23:16

Nukën ꞌIbu kamabi kushiñu ax ka ësai kiaxa: “Israel unikama mitsun kamina, an këmëkinshi uni ꞌën bana ñuixunkë unikama ax kikë a kamina kuatima ꞌain. Atúxa kikë ax atúnbi sinanx këmëishi, usai ka ꞌiti ꞌikë kiax kikë ꞌikën, ꞌën kana usai karamina kiti ꞌai kixun atu kakëma ꞌain.

Ezequiel 1:1

ꞌËx kana sacerdote Ezequiel ꞌiakën, ꞌën papax ka Buzí kakë ꞌiakëxa, usa ꞌain ka mapai achúshi baritia ꞌapu Joaquín Judá menu uankë ꞌiakëxa, anúan rabë́ ꞌimainun rabë́ ꞌuxë ꞌikë ax mapai achúshi nëtë ꞌikë anun kana ꞌëx treinta baritia ꞌiakën. Usa ꞌain kana ꞌëx ñatanbiankin Babilonianu uankë a kamabëbi Quebar kakë baka kuëbí Babilonia menu ꞌikë anu ꞌiakën, anuxun kana naíkamë ꞌëo baaki panárabëkëbëtan Dios isakën. Usa ꞌain ka Diosan anbi ꞌë kakin aín mëkën ꞌënu nankësa ꞌinun aín kushi ꞌë tamiakëxa.

Oseas 1:1

Ënëx ka Diosan Oseas Beerí kakë uni aín bakë bëchikë, a nëtëkaman Ozías Jotam Ahaz ꞌimainun Ezequías akamax Judá menu ꞌapu ꞌimainun Jeroboam Joásnën bakë bëchikë ax Israel menu ꞌapu aín ká bana ꞌikën.

Amós 1:1

Ënë banax ka Amós kakë uni an ñuina bërúankë Tecoanu ꞌikë uni a Diosan usokin ka Israel kama ꞌati ꞌikë kixun, rabë́ baritia anúan me shaíkiti ꞌisama pain ꞌain ká bana ꞌikën, usa ꞌain ka a barikaman Ozías ax Judá menu ꞌapu ꞌimainun Jeroboam Joásnën bëchikë axribi Israel menu ꞌapu ꞌiakëxa.

Amós 4:5

Mitsun kamina anun chamiti ñukëñunma ꞌakë pankama akamina asábika kakin xaroxunkanin usakin ꞌaibi kamina ꞌuchakanin, ꞌimainun kamina kamabi unin ꞌunántanun a ꞌináishiti bikë akama chaniokanin, usokin ñu ꞌati kamina mitsun kuëënkanin. Usai ka Nukën ꞌIbu asérabi kiaxa.

Miqueas 1:1

Ënë bana ka Nukën ꞌIbun Miqueas kakë uni Moréset kakë ëma chukúma anuxun namákësokin uisa kara Samaria ëma ꞌimainun Jerusalén oti ꞌikë kixun a nëtëkaman Jotam, Ahaz ꞌimainun Ezequías Judá menu ꞌapu ꞌain bana ꞌikën.

Habacuc 2:2

Usa ꞌain ka Diosan ësokin ꞌë kakëxa: Maxax paránu kamina mi kamainun bana kuënëoti ꞌain, ꞌaínbi kamina bënë́kinshi istisabi ꞌitánun ꞌaia kuaisabi ꞌati ꞌain.

Números 12:6

kuania ka Nukën ꞌIbun ësokin kakëxa: “Bërí kana mikama ësokin kain: An ꞌëx kikë bana uni ñuixunkë mitsunu ꞌikë kana ꞌën namámikësokin kanan kana namámikinribi kain;

Números 24:16

usa ꞌixun kana Diosan bëru ñunshinan ꞌunánmikëxun upíokin ꞌën an ꞌakësaribi okin ñu ꞌunánin, usa ꞌikë ka an namámikësa okin ismianan añu kara ꞌiti ꞌikë a uni ñuixunun ꞌë ꞌunánmia.

Números 24:4

usa ꞌixun kana ꞌën Diosan bëru ñunshinan ꞌë ꞌunánmikëxun upíokin unánkin ꞌaia ka Dios kushiira kushi an ꞌë namákësa okin ismianan ain banaribi ꞌunánmia.

Mateo 17:9

Usaquiani matánuax cuanquin ca Jesusan atu cacëxa: —Mitsúnmi isanan cuacë ënë ñucama camina uinu ꞌicë unibi ñuixuntima ꞌain. Uni ꞌinux Nucën Papa Diosnuax uá ꞌaish, ꞌëx bamatancëx baísquicëbëtan cuni camina ënë ñucama unicama ñuixunti ꞌain.

Hechos 10:17

Usaía ꞌicëbë ca Pedro uisa cupí cara isa namáquin iscësoquin ñu isaxa quiax sináncasmacëxa. Usaía Pedro ꞌimainun ca Cornelionën xucë unicamax uinu cara Simonan xubu ꞌicë quixun ñucábianx aín xëcuënu bëbacëxa.

Hechos 26:19

Pablonën ca ësaquinribi Agripa cacëxa: ꞌApu Agripa, cana mi cain, usaquian Jesusan naínuxun ꞌë cacëxun cana aín bana parë́quinma an cacësabi oquin ꞌacën.

2 Corintios 12:1

ꞌËx rabiacacë ꞌaíshbi ca ñancáishi ꞌiti ꞌicën. Usa ꞌaínbi cana ꞌën namáquin iscësa oquin Nucën ꞌIbu Jesucristonën ismicë ñu ꞌimainun an ꞌë sinánmicë ñu a ñuiti ꞌain.