Hechos 9:40 - Kashibo-Kakataibo Biblia

⁴⁰ Ismicëxun anu ꞌicë xanucama ëman chiquínun catancëx ca Pedro rantin purúanx tsóbuax Nucën Papa Diosbë banacëxa. Banatancëxun, anua racácë au bësuquin isquin ca cacëxa: —Tabita, ca nirut. Cacëxëshi bëpëquiquin Pedro isi nirui ca tsóracëacëxa.

Nukën 'Ibu Diosan ain unikama 'inan ain bana

⁴⁰ Ismicëxun anu 'icë xanucama ëman chiquínun catancëx ca Pedro rantin purúanx tsóbuax Nucën Papa Diosbë banacëxa. Banatancëxun, anua racácë au bësuquin isquin ca cacëxa: —Tabita, ca nirut. Cacëxëshi bëpëquiquin Pedro isi nirui ca tsóracëacëxa.

Hechos 9:40 ပူးပေါင်းရင်းမြစ်များ

Mateo 6:6

A unicamaxa usai ꞌicëbëbi camina mitsux usai ꞌitima ꞌain. Mitsux min Papa Diosbë bananux min ꞌitinu atsínquin camina min xëcuë xëputi ꞌain. Xëputancëx camina, min Papa Diosribi ca anu ꞌicë quixun ꞌunani, abë banati ꞌain. Mitsua unin isiamabi ca min Papa Dios, an camabi ñu isanan camabi sinan ꞌunáncë, ax mixmi abë banaia cuati cuëënti ꞌicën. Cuëënquin ca mitsu upí oquin sinánxunti ꞌicën.

Mateo 9:25

ꞌUsáncëxunbi anu ꞌicë unicama xubu ëman xutancëx ca Jesús anua xu xanu ꞌicë anu atsínxun aín mëcën biacëxa. Bicë́xëshi ca tsoruacëxa.

Marcos 9:25

Ësoquian cacëbëa ꞌitsa uni anu timëtia isquin ca Jesusan ñunshin ꞌatima cacëxa: —Ñunshin ꞌatima, an uni banañuma ꞌimianan pabë ꞌimicë, mi cana cain, ënë tuánuax ca ashiti chiquit. Chiquítancëx camina amiribishi anu utëcëntima ꞌain.

Lucas 22:41

Usoquin cabiani unin nicë́xa maxax ꞌibúcë ꞌurasa cuanx ca rantin puruni, Jesús Nucën Papa Diosbë banacëxa.

Lucas 8:54

Usoquian ꞌusáncancëxunbi aín mëcënan mëínquin biquin ca Jesusan munuma banaquin xu xanu cacëxa: —Xu xanu, ca nirut.

Hechos 20:36

Ësaquin catancëx ca Pablo rantin puruni tsóbuti anu ꞌicë unicamabë Nucën Papa Diosbë banacëxa.

Hechos 21:5

Usaquian cacëbëbi cananuna a nëtëcama inúcëbë cuancën. A ëmanuax cuancëbë ca axa Jesucristomi catamëcë unicamax aín xanu ꞌimainun aín bëchicëbëbi nubë masinu cuancëxa. Cuanx cananuna rantin puruni tsóbuax masinuax Nucën Papa Diosbë banacën.

Hechos 28:8

Nux anu ꞌain ca Publionën papa ꞌinsinan ꞌianan chixutanribi ꞌi, racácë ꞌiacëxa. Usa ꞌicëa ñuia cuati ca Pablo a isi cuancëxa. Cuanxun ca Nucën Papa Diosbë banatancëxun aín mëcënan ramëquin pëxcüacëxa.

Hechos 7:60

Catancëx rantin purúnxun ca munuma banaquin Nucën ꞌIbu Jesús catëcëancëxa: —Atúxa ësari ꞌuchaiabi camina ꞌënun rabanan uisabi otima ꞌain. Ësai quíshi ca bamacëxa.