Hechos 9:4 - Kashibo-Kakataibo Biblia

⁴ Usoquian pëcacëx menu nipacëquin ca ësaía quia cuacëxa: —Saulo, Saulo, ¿uisati caramina ꞌë bëtsi bëtsi oin?

Nukën 'Ibu Diosan ain unikama 'inan ain bana

⁴ Usoquian pëcacëx menu nipacëquin ca ësaía quia cuacëxa: —Saulo, Saulo, ¿uisati caramina 'ë bëtsi bëtsi oin?

Hechos 9:4 ပူးပေါင်းရင်းမြစ်များ

Génesis 16:8

anua mërakin ka ñukákëxa: —Agar, mix kamina Sarainën ñu mëëmikë aín, ¿uinuax kaina aín, ꞌimainun kaina uinu kuanin? —ꞌËx kana an ꞌë ñumëmikë xanu Sarai anuax abatin —kixun ka an kakëxa.

Génesis 22:11

nukën ꞌIbu ángelnën kuënkin naínuxun kakëxa: —¡Abraham! ¡Abraham! ësokian kakëxun ka. —Ënu kana ꞌain ꞌën ꞌIbu —kixun an kakëxa.

Génesis 3:9

ꞌAínbi ka Nukën ꞌIbu Diosan kuënkin uni kakëxa: —¿Uinu kaina ꞌain?

Éxodo 3:4

Sinánbiani kuankian ꞌurama obianiabi ka Nukën ꞌIbun Moisés i pëñanakëkë rëkirukë a mëuxun kuëëankëxa: —¡Moisés! ¡Moisés! —Kakian aín anën kuënkëxun ka ënu kana ꞌai ꞌËn ꞌIbu —kixun Moisésnën kakëxa.

Isaías 6:8

Ësai kia kuatankëxun kana Dios ësai kikë aín banaribi kuan: “¿Uinu ꞌikë uni karana xuti ꞌain? ¿Uix kara nukamax kikë bana uni ñuixunkë ꞌiti ꞌik?” Kia kana ꞌën kan: “Ënu kana ꞌëx ꞌain ꞌë kamina xuti ꞌain.”

Isaías 63:9

kamabi atun tëmërakë anuabi. Usa ꞌixun ka bëtsi uni an ië́minun xukinma, Nukën ꞌIbunbi ka ië́miakëxa. An ka bitëkëánkëxa nuibanairakë ꞌixun; aín pëñanën birukësa ꞌinun ꞌakiankëxa. Usakin ka bërámabi ꞌa ꞌixun ꞌakiankëxa.

Mateo 25:40

Cacëxun cana ꞌëx ꞌApuira ꞌixun ꞌën unicama cati ꞌain: ꞌËn cana asérabi mitsu cain, mitsun ꞌën xucë́ncama achúshi, uni raíribë sënë́nmara ꞌicëbi ꞌaquinquin camina ashi ꞌaquincëma ꞌain, camina ꞌëribi ꞌaquian.

Lucas 10:41

Cacëxun ca Jesusan cacëxa: —Marta, Marta, mix camina ꞌitsa ñu ꞌati sinani bënëtin.

Juan 18:6

—ꞌËx cana ami mitsun baricë a ꞌai —quixun Jesusan cacëx ca caxutan titiqui camáxbi menu nipacëacëxa.

Juan 20:16

Cacëxun ca Jesusan cacëxa: —María —ësaquinshi. Cacëx cuainacëquin ca Maríanën ratúquin, hebreo banan —Raboni —cacëxa. A banax ca an uni ñu ꞌunánmicë qui quicë ꞌicën.

Juan 21:15

Pia sënë́ncë ca Jesusan Simón Pedro cacëxa: —¿Jonásnën bëchicë, Simón, min ñucama sináncësamaira oi caramina ꞌëmi sinánquin ꞌë nuibatin? Cacëxun ca cacëxa: —ꞌËn ꞌIbu, min camina ꞌunanin, ꞌën cana mi nuibatin. Quia ca cacëxa: —ꞌËn carnero bacë ca piminuxun ꞌat.

Hechos 5:10

Cacëxëshi ca Pedro tanáin nipacëti bamacëxa. Usai ꞌia ca bëná unicama atsínquinbi bamacë mëraxun bibianquin buánxun aín bënë rapasu maíancëxa.

Hechos 9:5

Ësai quia ca cacëxa: —¿Ui caramina ꞌain, Nucën ꞌIbu Dios sapi camina ꞌain. Cacëxun ca cacëxa: —ꞌËx cana Jesús, ami bëtsi bëtsi ocë, a ꞌain. Ami tatíqui chacati nishquin i tapun, taën ꞌaquinmi paë tancësa, usaribiti camina mibi ꞌin.

Romanos 11:22

Usa ꞌain camina ꞌunánti ꞌain, ax upí ꞌixun ca Nucën Papa Diosan unicama nuibaquin upí ꞌimianan axa aín ꞌucha ëni ami catamëcëma uni uisa cara oti ꞌicë usoquin ꞌati ꞌicën. Usa ꞌixun ca mitsúxmi a ëníma ax quicësabi oquin ꞌai, ami catamëtia oquin nuibaquin ꞌaquinia. Usai mitsux ꞌicësabi camina ꞌiti ꞌain. Usai ꞌima camina mitsúxribi judíos unibu ꞌicësaribiti ainanma ꞌiti ꞌain.

1 Corintios 12:12

Ënëx ca ësa ꞌicën. Aín taë, aín mëcën, aín xo, aín pucu, aín bëru, aín pabí acamaxa ꞌitsa ꞌaínbi ca uni achúshishi ꞌicën. Usaribiti ca Cristo achúshishi ꞌicën.

1 Corintios 4:7

¿Uin cara mitsu raíri, bëtsi unicama ꞌicësamaira oími upí ꞌinun ꞌimiaxa? Nucën Papa Diosan ꞌimicëxma camina upí ꞌitsianma. Nucën Papa Diosan ꞌimicëx upí ꞌixun ¿caramina uisa cupí —ꞌëxbi cana upí ꞌai —quixun rabíquin sinanin?

Efesios 5:30

Nux asérabi ainan ꞌaish ax cuëëncësabi oi ꞌianan ami catamëti abë achúshisa ꞌicë ca usoquin nu bërúanquin ꞌaquinia.