Hechos 9:38 - Kashibo-Kakataibo Biblia

³⁸ Jopenuaxa Tabita bamacëbëtan ca anu ꞌicë axa Jesucristomi catamëcë unicaman, Pedro ca Lidanu ꞌicë quixuan ñuicania cuacëxa. Usa ꞌain ca Lida ëma axa Jope ꞌurama ꞌain bënëtishia unúan Pedro catánun rabë́ uni xuacëxa.

Nukën 'Ibu Diosan ain unikama 'inan ain bana

³⁸ Jopenuaxa Tabita bamacëbëtan ca anu 'icë axa Jesucristomi catamëcë unicaman, Pedro ca Lidanu 'icë quixuan ñuicania cuacëxa. Usa 'ain ca Lida ëma axa Jope 'urama 'ain bënëtishia unúan Pedro catánun rabë́ uni xuacëxa.

Hechos 9:38 ပူးပေါင်းရင်းမြစ်များ

Esdras 3:7

Usokin ꞌakin sënë́ontankëxun ka an xubuati ꞌunánkë unikama ꞌimainun carpinterokama kuríki ꞌinánkëxa, ꞌinánan ka atun piti ꞌimainun xëati, xëni akamaribi Tiro ꞌimainun Sidónu ꞌikë unikama Líbano menuxunbia parúmpapa bakan uanxuan kunxan tukapakë Jopenubi uanun ꞌapu Ciro kakë Persia menu ꞌikë an kirika ꞌaxun ꞌinánkëxa, ꞌinánkëxun ka usabi okin ꞌakëxa.

Jonás 1:3

Ësokin kakëxbi ka Jonás Diosan kakësabiokin ꞌaíma, uisaxira kara abáti ꞌikë kixun pain sinántankëx, anuaxa manë nunti Jope kakë ëmanu kuani chikiti anu kuankinbi ka, achúshi manë nunti ꞌuraira menu ꞌikë ëma Tarsisnu kuanti ꞌuramashi ꞌikë mërakëxa; mëraxun ka anun kuanuxun kupíokëxa, kupíotankëx ka anun kuani ꞌiruakëxa.

Hechos 10:5

Usa ꞌain camina min unicama Jope ëmanu xuti ꞌain, anu ꞌicë uni achúshi Simón ꞌicëbia Pedro caquinribi anëcë, a ënu bënun.

Hechos 10:8

Cuënxun ca ángelnëan a cacëcama ñuixuntancëxun Jopenu cuantánun xuacëxa.

Hechos 11:13

Atsinia ca ësaquin nu caxa: ꞌËn xubunu nicë cana ángel isan. Iscëxun ca ꞌë caxa: Jope ëmanu camina uni xuti ꞌain. Xucëx cuanxun ca uni achúshi Simón ꞌicëbia Pedro caquinribi anëcë, a ënu bëti ꞌicën.

Hechos 11:26

Bëax achúshi baritian anu ꞌiquin ca Saulobëtan Bernabénën axa Jesucristomi catamëcë unicamabë timë́quin atu ꞌunánmiacëxa. Usa ꞌain ca Antioquíanuxun pain uni raírinën axa Jesucristomi catamëcë unicama Cristonën uni caquin anëacëxa.

Hechos 11:5

—Jope ëmanuax Nucën Papa Diosbë banaquinbi cana namáquin iscësa oquin naí panárabëcëbëa anuax chupa cha amácasa ꞌitánun aín rëbucamanu rabë́ ꞌimainun rabë́ oquin tëcërëcacë ꞌaish ꞌë ꞌurama ubutia isan.

Hechos 9:19

Nashimicë ꞌixun pitancëx amiribishi cushitëcëni ca axa Jesucristomi catamëcë unicamabë Damasconu pain ꞌiacëxa.

Hechos 9:32

Usaía ꞌimainun ca Pedro bëtsi bëtsi ëmanu cuani Lida ëmanuribi axa Jesucristomi catamëcë unicama isi cuancëxa.

Hechos 9:36

Jesucristomi sináncamainun ca Jope cacë ëmanu ꞌicë xanu achúshi Tabita, aín anë itsi Dorcas, anribia Nucën Papa Diosan bana cuacë, ax ꞌiacëxa. A xanun ca ñu upíshi ꞌaquin usabi ocë ꞌixun ñuñuma unicama ñu ꞌináncëxa.

Hechos 9:42

Usoquin ꞌacëa cuacoia ca camabi unin Jope ëmanuxun cuacëxa. Cuati ca ꞌitsa uni Nucën ꞌIbu Jesúsmi sinani ami catamëacëxa.

Hechos 9:43

Usotancëx ca Pedro ꞌitsa nëtën Jopenu, an ñuina xacá mëníoti ꞌunáncë uni, Simón cacë, aín xubunu ꞌiacëxa.