Hechos 9:36 - Kashibo-Kakataibo Biblia

³⁶ Jesucristomi sináncamainun ca Jope cacë ëmanu ꞌicë xanu achúshi Tabita, aín anë itsi Dorcas, anribia Nucën Papa Diosan bana cuacë, ax ꞌiacëxa. A xanun ca ñu upíshi ꞌaquin usabi ocë ꞌixun ñuñuma unicama ñu ꞌináncëxa.

Nukën 'Ibu Diosan ain unikama 'inan ain bana

³⁶ Jesucristomi sináncamainun ca Jope cacë ëmanu 'icë xanu achúshi Tabita, aín anë itsi Dorcas, anribia Nucën Papa Diosan bana cuacë, ax 'iacëxa. A xanun ca ñu upíshi 'aquin usabi ocë 'ixun ñuñuma unicama ñu 'ináncëxa.

Hechos 9:36 ပူးပေါင်းရင်းမြစ်များ

Esdras 3:7

Usokin ꞌakin sënë́ontankëxun ka an xubuati ꞌunánkë unikama ꞌimainun carpinterokama kuríki ꞌinánkëxa, ꞌinánan ka atun piti ꞌimainun xëati, xëni akamaribi Tiro ꞌimainun Sidónu ꞌikë unikama Líbano menuxunbia parúmpapa bakan uanxuan kunxan tukapakë Jopenubi uanun ꞌapu Ciro kakë Persia menu ꞌikë an kirika ꞌaxun ꞌinánkëxa, ꞌinánkëxun ka usabi okin ꞌakëxa.

Jonás 1:3

Ësokin kakëxbi ka Jonás Diosan kakësabiokin ꞌaíma, uisaxira kara abáti ꞌikë kixun pain sinántankëx, anuaxa manë nunti Jope kakë ëmanu kuani chikiti anu kuankinbi ka, achúshi manë nunti ꞌuraira menu ꞌikë ëma Tarsisnu kuanti ꞌuramashi ꞌikë mërakëxa; mëraxun ka anun kuanuxun kupíokëxa, kupíotankëx ka anun kuani ꞌiruakëxa.

Mateo 25:17

Usaribi oquin ca an ꞌitsatani, rabë́ mil curíqui bicë uni an bëtsi rabë́ mil curíquiribi biaxa.

Juan 15:5

ꞌËx cana uvas aín i rarasaribi ꞌain. Aín pëñánsaribi camina mitsux ꞌain. Usa ꞌaish camina ꞌëmi catamëanan ꞌëmi upiti sinánan ꞌëx mibë ꞌain, min sinan ꞌën sinánsaribi ꞌaish ꞌëx cuëëncësabi oquin ꞌanan ꞌën bana quicësabi oi ꞌiti ꞌain. ꞌËx mitsubëma ꞌain camina ꞌëx cuëëncësa oi ꞌitima ꞌain.

Juan 15:8

Mitsun ꞌën sinánsaribi ꞌixun upí ñu ꞌaia isquin ca unin ꞌunánti ꞌicën, mitsux camina asérabi ꞌën uni ꞌai quixun. Usa ꞌixun ca mitsu cupí unin Nucën Papa Dios rabiti ꞌicën.

Hechos 10:23

Ësaquian cacëxun atsínmicëx ca a unicamax Pedrobë a xubunu ꞌiacëxa. ꞌInëti pëcaracëbë ca Pedro mëníocaquiani, axa a buani ucë unicama a ꞌimainun Jopenuaxa Jesúsmi sináncë uni raíricamabëribi Cesárea ëmanu cuancëxa.

Hechos 10:31

Niracëquin ca ꞌë caëxanxa: Cornelio, mixmi abë banacëcama ca Nucën Papa Diosan cuaxa. Cuanan ca minmi ñuñuma uni ñu ꞌináncë acamaribi ꞌunanx cuëënquin manuima.

Hechos 10:8

Cuënxun ca ángelnëan a cacëcama ñuixuntancëxun Jopenu cuantánun xuacëxa.

Hechos 11:13

Atsinia ca ësaquin nu caxa: ꞌËn xubunu nicë cana ángel isan. Iscëxun ca ꞌë caxa: Jope ëmanu camina uni xuti ꞌain. Xucëx cuanxun ca uni achúshi Simón ꞌicëbia Pedro caquinribi anëcë, a ënu bëti ꞌicën.

Hechos 11:5

—Jope ëmanuax Nucën Papa Diosbë banaquinbi cana namáquin iscësa oquin naí panárabëcëbëa anuax chupa cha amácasa ꞌitánun aín rëbucamanu rabë́ ꞌimainun rabë́ oquin tëcërëcacë ꞌaish ꞌë ꞌurama ubutia isan.

Hechos 9:38

Jopenuaxa Tabita bamacëbëtan ca anu ꞌicë axa Jesucristomi catamëcë unicaman, Pedro ca Lidanu ꞌicë quixuan ñuicania cuacëxa. Usa ꞌain ca Lida ëma axa Jope ꞌurama ꞌain bënëtishia unúan Pedro catánun rabë́ uni xuacëxa.

Hechos 9:42

Usoquin ꞌacëa cuacoia ca camabi unin Jope ëmanuxun cuacëxa. Cuati ca ꞌitsa uni Nucën ꞌIbu Jesúsmi sinani ami catamëacëxa.

Efesios 2:10

Cristo Jesús nubë ꞌinúan an ꞌimicëxun ñu upíshi ꞌanan nun sinan bëtsi ꞌinun ca an mëníosabi oquin nu ꞌimiaxa.

Filipenses 1:11

Jesucristonën ꞌaquincëxunmi mitsun ñu upíshi ꞌaia isquin ca unin —Nucën Papa Dios ax ca asérabi upí ꞌicë —quixun caquin a rabiti ꞌicën.

Colosenses 1:10

Mitsux usai ꞌi camina Nucën ꞌIbu Jesucristonan ꞌaísha uni ꞌicësai ꞌiti ꞌain. Usa ꞌaish camina ax cuëëncësabi oquinshi ꞌaquin, uisa ñu cara upí ꞌicë ashi ꞌanan, asérabi mitsun nuitu mëu upí oquin Nucën Papa Dios ꞌunánti ꞌain.

1 Tesalonicenses 4:10

Usai ꞌiti ꞌunani camina mitsux Macedonia menu ꞌicë axa Jesucristomi catamëcë unicamabë nuibananin. Usa ꞌicëbi cananuna mitsux ꞌicësamairaimi camabi nëtën upitiira nuibananun quixun mitsu cain.

1 Timoteo 5:10

Upí oquian ñu ꞌaia unin ꞌunáncë ca ꞌiti ꞌicën. Cara aín tuá upí oquin canioxa, cara uni ꞌimainun xanu a isi aia upí oquin biaxa, cara axa Jesucristomi catamëcë unicama ꞌaquianxa, cara axa tëmëracë unicama chuámarua ꞌinun ꞌaquianxa, ꞌimainun cara uisa ñu upíribi ꞌaxa quixun ꞌunáncë ꞌaish ca aín anë ꞌacë ꞌiti ꞌicën.

Tito 2:14

Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.

Tito 2:7

ꞌImainun camina minribi min ꞌaia isquian usaribi oquin unin ꞌanun upí ñuishi ꞌati ꞌain. Atu ꞌësëquin camina amanu amanua sinánquinma upí oquin Nucën Papa Diosan bana quicësabi oquin ꞌunánmiti ꞌain.

Tito 3:8

Ënë banacamax ca asérabi upí ꞌicën. Usa ꞌaían ax quicësabi oi camabi uni ꞌiti ca asábiira ꞌicën. Usa ꞌain camina axa ami catamëcë unicama Nucën Papa Dios cuëëncësabi oi ꞌiquian ënquinma ñu upíshi ꞌanun upí oquin ꞌësëti ꞌain.

Hebreos 13:21

anbia an iscë́xmi upí ꞌinun ꞌimianan ax cuëëncësabi oquinmi upí ñuishi ꞌanun mitsu ꞌimiti cana cuëënin. ꞌIanan cana an, Jesucristo cupí, ax cuëëncësabi oquin nu ꞌimiti cuëënin. A ca aín unicaman xënibua ꞌaínbi ënquinma rabiti ꞌicën. Usaquin ca ꞌati ꞌicën.

Santiago 1:27

An Nucën Papa Dios cuëëncësabi oquin ꞌacë unin ca ësaquin ꞌati ꞌicën: Papañuma titañuma tuácama ꞌimainun casunamëcë xanucamaribi ꞌaquinsa ꞌianan masá nuitutia isquin ca ꞌaquinti ꞌicën. ꞌAquianan ca an Nucën Papa Diosmi sinánquinma ënë menu ꞌicë ñuishi sináncë unin ꞌacësaribi oquin ñu ꞌaisama ꞌatima ꞌicën.