Hechos 9:34 - Kashibo-Kakataibo Biblia

³⁴ Mëraquin ca Pedronën cacëxa: —Eneas, Jesucristonën ca mi pëxcuia. Ca nirut, niruxun ca min anu ꞌuxti mëníot. Cacëxëshi ca niruacëxa.

Nukën 'Ibu Diosan ain unikama 'inan ain bana

³⁴ Mëraquin ca Pedronën cacëxa: —Eneas, Jesucristonën ca mi pëxcuia. Ca nirut, niruxun ca min anu 'uxti mëníot. Cacëxëshi ca niruacëxa.

Hechos 9:34 ပူးပေါင်းရင်းမြစ်များ

Mateo 8:3

Cacëxun aín mëcënan ramëquin ca Jesusan ꞌinsíncë uni cacëxa: —Cana mi ꞌati ꞌain. Min nami ca upí ꞌitëcëni motia. Usaquian cacëxëshi moti ca aín ñucë nëtë́acëxa.

Mateo 9:6

Nucën Papa Diosan cushínbi ꞌën ënë uni pëxcuia isquin camina asérabi ꞌunánti ꞌain, uni ꞌinux Nucën Papa Diosnuax uá ꞌën cana unin ꞌucharibi tërë́nti ꞌai quixun. Caquin ca Jesusan racábucë uni cacëxa: —Niruquiani ca min bacë́ti bibiani min xubunu cuantan.

Juan 2:11

Usoquin ca Jesusan Galilea menu ꞌicë ëma, Caná, anuxun aín sinanëinshi ꞌatabaquin uni itsin ꞌacëma ñu ꞌacëxa, uni itsin cushisamaira ca aín cushi ꞌicë quixuan unicaman ꞌunánun. Usaquian ñu ꞌaia isi ca aín ꞌunánmicë unicama ami catamëacëxa.

Hechos 16:18

Usai quiquin ca ꞌitsa nëtën nu nuiacëxa. Usoquin ꞌuran ubíocëx cuainacë́quin ca Pablonën ñunshin ꞌatima cacëxa: —Jesucristonëan quimicëxun cana mi cain, ënë xanunuax ca chiquit. Quixuan cacëxëshi ca bënëtishi ñunshin ꞌatima chiquíacëxa.

Hechos 3:12

Usaria isquin ca Pedronën anu timë́cëcama cacëxa: —Israel unicama, ¿uisacatsi caramina ënë isi ratutin? ¿Uisacasquin caramina nu ñachaira ñachain? Nun cushínbi isanuna ꞌa quixun sapi camina sináncanin. Nux upí ꞌixun isanuna ënë uni nimia quixun sapi camina sináncanin.

Hechos 3:16

Usa ꞌain ca nux asérabi ami sináncë ꞌixun —Jesusan ca ënë uni pëxcuti ꞌicë —quixunu nun sináncëbë, mitsúnmi a iscë ꞌixun ꞌunáncë uni ënëx upiti pëxcúaxa. Jesucristonëan pëxcutisa tancëbëtan nun ꞌaquincëx ca upitiira pëxcúaxa quixun camina iscanti ꞌain.

Hechos 3:6

Caíncëxunbi ca Pedronën cacëxa: —Curíquiñuma cana ꞌain. Usa ꞌaínbi cana bëtsi ñun mi ꞌaquinti ꞌain. Jesucristo, Nazaretnu ꞌicë, an ꞌë ꞌamicëxun cana mi cain, niruquiani ca cuantan.

Hechos 4:10

Usa ꞌain cananuna Israel unicaman ꞌunánun mitsu cain, Jesucristo, Nazaretnu ꞌicë mitsúnmi i curúsocënu matásmicëx bamacëbia Nucën Papa Diosan baísquimicë, an ꞌimicëx ca mitsúnmi iscë ënë uni pëxcúonxa.

Hechos 9:33

A ëmanuxun ca uni achúshi, Eneas cacë, ñuá ꞌaish nirucuaínquinbi tancëma ꞌaísha ocho baritia aín anu ꞌuxtinubi racácë, a mëracëxa.

Hechos 9:35

Usai ꞌiáxa Eneas nitsia isi ca Lida ëma ꞌimainun Sarona menu ꞌicë unicama, usama ꞌaíshbi sinanati Nucën ꞌIbu Jesucristomi catamëacëxa.