Hechos 9:31 - Kashibo-Kakataibo Biblia

³¹ Usa ꞌain ca Judea menu ꞌimainun Galilea menu ꞌimainun Samaria menuribi, axa Jesucristomi catamëcë unicama uínbi ubíocëma ꞌaish chuámarua bucüacëxa, usai ꞌi ca Jesucristomi catamëti ꞌitsarui cushiacëxa. Usaía ꞌicëbë ca raíri uniribi abë timëti Nucën ꞌIbu Diosan bana upí oquin cuati, aín Bëru Ñumshin Upitan ꞌaquincëx ꞌitsarui Jesúsmi sináncëxa.

Nukën 'Ibu Diosan ain unikama 'inan ain bana

³¹ Usa 'ain ca Judea menu 'imainun Galilea menu 'imainun Samaria menuribi, axa Jesucristomi catamëcë unicama uínbi ubíocëma 'aish chuámarua bucüacëxa, usai 'i ca Jesucristomi catamëti 'itsarui cushiacëxa. Usaía 'icëbë ca raíri uniribi abë timëti Nucën 'Ibu Diosan bana upí oquin cuati, aín Bëru Ñumshin Upitan 'aquincëx 'itsarui Jesúsmi sináncëxa.

Hechos 9:31 ပူးပေါင်းရင်းမြစ်များ

Proverbios 1:7

Uikamax kara ñu ꞌunánkëira ꞌisatania an ka Diosan bana kikësabiokin ꞌakin; uisai kara a banakama kia usabi okin ꞌati ꞌikën; ꞌaínbi ka an bana kuakëma unikama ax uisabi okin kati kuëënima ꞌianan, uisa bana upibi ꞌunámikin kaisama ꞌikën.

Proverbios 8:13

Uin kara Diosan kakësokin ꞌaia an ka ñu ꞌatimakama a timati ꞌikën. ꞌËx kana rabiakakë ꞌimainun, bëtsi unibëtan sënë́nma kana ꞌai kikë uni ami ꞌianan, ꞌatima ñu ꞌakë ꞌimainun këmëi banakë uni amiribi nishin.

Isaías 33:6

usa ꞌixun ka uisai kara xënibua ꞌaínbi an bërúankëx aín unikama bukuti ꞌikë kixun ꞌunánmiti ꞌikën. Ñu ꞌunánkë ꞌianan upiokinra ñu ꞌunánkëira an ka ñu achúshi kupíkësaira ꞌixun uni ië́mia; usa ꞌain ka Nukën ꞌIbumi rakuë́ti ax ñuñuira ꞌikë usamaira ꞌikën.

Hechos 12:24

Usa ꞌaínbi ca ꞌitsaira uni Nucën ꞌIbu Jesúsmi catamëacëxa. Usai ꞌimainun ca camabi menuxunribi ami sinánquin Jesús ñuiquin cuacocancëxa.

Hechos 16:5

Usaquian Pablobëtan Timoteonën bëtsi bëtsi ëmanu cuanquin bana ñuixuncëx ca axa ami catamëcë unicamax upiti Jesúsmi sináncëxa. Usai ꞌicëbëa camabi nëtën uni raírinëxribi ami sináncëbë ca axa Jesucristomi catamëcë unicama ꞌaisamaira ꞌiacëxa.

Hechos 2:47

Usaía ꞌia isquin ca axa atubë timë́cëma unicaman —atux ca asérabi upí nuituñu ꞌicë —quixun sináncëxa. Sinania ca uicamax cara ainan ꞌiti ꞌicë acamaxa Jesucristomi sinánun Nucën ꞌIbu Diosan ꞌimiacëxa.

Hechos 20:32

Bërí cana an bërúanun Nucën Papa Dios mitsu ñucáxunin. An ca nuibaquin mitsu ami cushinun ꞌimianan axa ami sináncë unicama ꞌimicësaribi oquin asérabi ainan ꞌaíshmi ax cuëëncësa oíshi ꞌinun mitsu ꞌimiti ꞌicën.

Hechos 5:11

Usacëbë ca axa Jesucristomi catamëcë unicama ꞌimainun an ñuicania cuacë unicamaxribi racuë́ira racuë́acëxa.

Hechos 6:7

Usa ꞌain ca amiribi amiribia, Jesús ax ca asérabi Cristo ꞌicë quixun Jerusalénuxun cuacocancëbë, ami sinani Nucën Papa Diosnan ꞌi unicamax ꞌitsacëxa. Usai ꞌicëbë ca judíos sacerdotecamaribi ꞌitsaxira Jesúsmi catamëacëxa.

Hechos 8:1

Usa ꞌain ca Saulonën Esteban bamacëbëtan —usoquin ꞌati ca asábi ꞌicë —quixun sináncëxa. Usoquian Esteban ꞌacáncë ca an Nucën Papa Diosan bana cuacë uni raírinën masá nuituti inquin Esteban bibianquin buánxun maíancëxa. Esteban usoquin rëtancëx atumi nishi tsuáquiruquin ca Jerusalénuaxa ax Jesucristomi catamëcë unicama bëtsi bëtsi ocancëxa. Usaira ocancëx ca tsuáqui Judea me ꞌimainun Samaria mecamanuribi cuanan bëtsi bëtsi ëmanu tsoti cuancëxa. Usai ꞌicëbëbi ca Jesusan aín bana ñuixunun caíscë unicamaishi Jerusalénu bërúacëxa.

Romanos 14:17

Aín ñu picë cupíma ꞌimainun aín ñu picëma cupíma ca uni Nucën Papa Diosbë upí ꞌicën. Aín Bëru Ñunshin Upitan sinánmicë cupíshi ca unin Nucën Papa Diosnan ꞌixun upí ñu ꞌanan, bëtsibë nishananíma nuibananan cuëëni upí oquin sinani tsotia.

Romanos 14:19

Usa uni ꞌixun cananuna camáxbia bëtsibë nuibananun uni raíri nuibaquin ꞌaquinti ꞌain. ꞌAquianan cananuna Cristomia upiti sinánun bëtsibë bëtsibë sinánmiananti ꞌain.

Romanos 15:13

Nucën Papa Diosan ca nu ꞌunánmia, an ca nu ꞌaquianan nux xënibua ꞌaínbi abë ꞌitioquin nu ꞌimia quixun. An mitsu ami catamëti cuëëni chuámarua ꞌaish bucunun ꞌimiti cana cuëënin. Mitsux usai ꞌiquin camina aín Bëru Ñunshin Upitan sinánmicëxun Nucën Papa Diosan ca asérabi ax quicësabi oquin ꞌaia quixun upí oquin ꞌunánti ꞌain.

Romanos 5:5

An ca —asérabi camina ꞌëbë ꞌiti ꞌai —quixun caquin nu paraníma. An ca aín Bëru Ñunshin Upí nubë ꞌinun nu ꞌinánxa. Nubë ꞌixun ca nu ꞌunánmia uisaira oquin cara Nucën Papa Diosan nu nuibatia quixun. An ca asérabi nu nuibatia quixun ꞌunánquin cananuna, nux cananuna asérabi aín nëtënu abë ꞌiti ꞌai quixun ꞌunanin.

1 Corintios 14:12

Mitsux asérabi bëtsi bëtsi ñu ꞌanun Nucën Papa Diosan Bëru Ñunshin Upitan sinánmicë ꞌiisa tanquin camina añu ꞌaquin caramina camabi uníxa Jesucristomi upiti sinani ax cuëëncësabi oi ꞌinun sinánmiti, a ñuishi ꞌati ꞌain.

1 Corintios 14:26

ꞌËn xucë́antu, timë́ax camina ësai ꞌiti ꞌain. Raírinëx camina ꞌiisa tani cantati ꞌain, raírinën camina Nucën Papa Diosan bana ñuixunti ꞌain, raírinën camina añu cara Nucën Papa Diosan mitsu sinánmiaxa a ñuiquin cati ꞌain, ꞌiisa tani camina raírinëx unin cuacëma banan banati ꞌain, raírinën camina uisai quicë cara a bana ꞌicë quixun ñuixunti ꞌain. Timë́xun caramina uisa ñu ꞌai a ꞌai camina camáxbi ami upiti sinani Jesucristo cuëëncësabi oi ꞌinun sinánmiananti ꞌain.

2 Corintios 10:8

Nucën ꞌIbu Jesucristonën ca aín bana mitsu ñuixunun ꞌë cacëxa, masá nuitumiquin ꞌuchoquin ñu caquinma ax quicësabi oquin ꞌanun mitsu ꞌunánminun quixun. Usoquin ꞌanuan Jesucristonënbi ꞌimicë ꞌaish cana ꞌitsa oquin mitsu caíbi rabiniman.

2 Corintios 12:19

Nun usaquin mitsu cacëxun oquin mitsun nu nuibanun quixun isanuna ësaquin mitsu cai quixun sapi camina sináncanin. ꞌAíshbi ca usama ꞌicën. ꞌËn nuibacë xucë́antu, cana mitsu cain, ami catamëti ax quicësabi oíshi ꞌinun cananuna Cristo cuëëncësabi oquin mitsu ꞌaquinsa tanquinshi ënë ñucama mitsu ñuixuan. Asérabi ca usa ꞌicë quixun ca Nucën Papa Diosan ꞌunania.

2 Corintios 13:10

Nucën ꞌIbu Jesucristonën, mitsu ꞌatimoquinma an iscëx upí ꞌinun ꞌaquinun ꞌë cacë ꞌixun, cana mitsu isi cuantëcënxunmashi ënë quirica mitsu buánmin, cuanxun ꞌën iscëxmi ꞌaisama ꞌicania cushin banaquin masá nuitumiquin mitsu catin rabanan.

2 Corintios 7:1

ꞌËn nuibacë xucë́antu, a banacama nun cuanun ca Nucën Papa Dios quiacëxa. A banacama ꞌunánquin cananuna nun sinanën upíira oquin sinánan nun nuituribi upí ꞌianan nun ꞌacë ñuribi upí ꞌinun camabi nëtën bërúancati ꞌain. Usai ꞌi cananuna aín bana cuati ainanshi ꞌaish ax cuëëncësabi oíshi ꞌiti ꞌain.

Efesios 4:12

Axa ami catamëcë unicaman upí oquin sinánan ax cuëëncësabi oquin ñu upíshi ꞌati ꞌaquinun ca Cristonën aín unicama bëtsi bëtsi ñu ꞌanun ꞌimia.

Efesios 4:16

Nun namicama amanu amanu ꞌaish nun mëcën, nun taë, nun pëñan, nun bëru, acama upiti tacáshquiama ꞌaish cananuna unima ꞌitsían. Usa ꞌaíshbi ca uni camabi aín namia upiti unia ꞌain, asábi ꞌicën. Usaribiti ca axa Jesucristomi catamëcë unicamax amanu amanu sinánquinma Cristonën ꞌaquincëx camaxunbi bëtsin sináncësa oquin sináncë ꞌiti ꞌicën. Usai ꞌi ca Cristonëx cuëëncësabi oi bëtsibë bëtsibë nuibanani, an sináncësaribi oquin sinani Cristosaribi ꞌia.

Efesios 4:29

ꞌAtimati banaima upitishi banaquin camina uni Jesucristomia upiti catamënun ꞌaquinti ꞌain. Mitsúxmi usai banaia cuati Jesucristomi upiti catamëtia Nucën Papa Diosan nuibaquin ꞌaquincëx ca cuëënti ꞌicën.

Efesios 5:21

Nucën Papa Diosnan ꞌaish camina bëtsibë nishananima an cacëxun aín bana cuati, uni raíribë nuibananti ꞌain.

Deuteronomio 12:10

Usa ꞌain kamina Jordán kakë baka shitákiani kuantankëxun a me anu tsónuxun, binux abë ꞌakanankin anu ꞌikë unikama maëmitankëxun an mitsu ubioti uni ꞌaíma ꞌaimi upitax anu bukukanun bitsi kuanti ꞌain,

Filipenses 2:1

Mitsux an ꞌaquincëx Cristomi cushianan an nuibacëx cuëëni, Nucën Papa Diosan Bëru Ñunshin Upíñu ꞌianan ꞌë nuibacë ꞌaish,

Colosenses 1:10

Mitsux usai ꞌi camina Nucën ꞌIbu Jesucristonan ꞌaísha uni ꞌicësai ꞌiti ꞌain. Usa ꞌaish camina ax cuëëncësabi oquinshi ꞌaquin, uisa ñu cara upí ꞌicë ashi ꞌanan, asérabi mitsun nuitu mëu upí oquin Nucën Papa Dios ꞌunánti ꞌain.

1 Tesalonicenses 5:11

Ënë ñucama sinani camina ami catamëti Jesucristomi cushicë ꞌinux upiti bëtsibë bëtsibë sinánmiananti ꞌain, mitsúxmi ꞌicësabi oi.

1 Timoteo 1:4

Usa ꞌain camina a unicama cati ꞌain, uni raírinëan nun rara tsóa ꞌimainun uisai cara nun rara ꞌiacëxa quixun ñuicë banacama a cuaxunma ꞌanun quixun. Usa banacama cuati ca uni ñancábi cuëbicanania. Usa ꞌain ca an a banacama ñuicë unicaman Jesucristomi catamëquin Nucën Papa Dios cuëëncësabi oquin ꞌanun nu ꞌaquinima.

Hebreos 4:9

Usa ꞌain cananuna ꞌunanin, Nucën Papa Diosan ca aín unicamaxa ainan ꞌaish ax cuëëncësabi oi ënë menu chuámarua ꞌitancëx aín nëtënuira chuámarua ꞌaish bucuti oquin mëníocëxa quixun.

Judas 1:20

ꞌËn nuibacë xucë́antu, ami catamëcë ꞌaish camina camabi nëtën asérabi Jesucristomi sinánti ꞌain. Ami sináncëxun ca an mitsu sinánmiti ꞌicën, an sináncësaribi oquinmi sinánun. Aín Bëru Ñunshin Upitan ꞌaquincëx camina Nucën Papa Diosbë banati ꞌain.