Hechos 9:24 - Kashibo-Kakataibo Biblia

²⁴ A ꞌacatsi quiáxa ꞌësë́nancania ñuia ca Saulonën cuacëxa. Usa ꞌain ca chiquitia ꞌanuxun nëtë́nbi ꞌanan imë́bi Damasconën cënë xëcuëcamanuxun bëaraquin caíancëxa.

Nukën 'Ibu Diosan ain unikama 'inan ain bana

²⁴ A 'acatsi quiáxa 'ësë́nancania ñuia ca Saulonën cuacëxa. Usa 'ain ca chiquitia 'anuxun nëtë́nbi 'anan imë́bi Damasconën cënë xëcuëcamanuxun bëaraquin caíancëxa.

Hechos 9:24 ပူးပေါင်းရင်းမြစ်များ

Hechos 20:19

ꞌËx mitsubë ꞌixun cana mitsúnmi ꞌë rabiti sinánquinma axa cuëëncësabi oi ꞌiquin Nucën ꞌIbu Jesucristo ñuiquin uni bana ñuixuan. Usoquin ꞌai cana bëunan mëscúanan judíos unicaman ꞌë bëtsi bëtsi ocëx ꞌaisamaira tëmëran.

Hechos 20:3

Cuanx bëbax ca anu rabë́ ꞌimainun achúshi ꞌuxë ꞌiacëxa. Anu ꞌaish ca manë nuntin Siria menu cuanti sinánquinbi, judíos unicamaxa ami ꞌësë́nania ñuia cuati sinanacëxa. Sinanabiani ca Macedonia anu pain bain cuancëxa.

Hechos 23:30

Judíos unicamaxa a ꞌacatsi quiax ami ꞌësë́nania ñuia cuaquin cana bënë́nquinshi minua cuanun Pablo xutin. Xuanan cana axa ami manáncë unicamaribi añu cupí cara ami ꞌësë́nania quixuan mi canun quixun minu xutin. Ënëishi cana mi cain”.

Hechos 25:11

Axa quicësabi oquin nun ꞌati bana quicësa oquin ꞌacëma ꞌicëa unin ꞌë bamamiti ca asábi ꞌitsíanxa. Usa ꞌaínbi ca uisa ñubi ꞌuchacëma ꞌicë atúxa ꞌë ñui quicë bana asérabima ꞌain, uinu ꞌicë unínbi atúan ꞌanun judios unicama ꞌë ꞌinántima ꞌicën. Usa ꞌain cana Romanu ꞌicë ꞌapu Césarnënbia uisa cupí cara uni ꞌëmi manania quixun isti cuëënin.

Hechos 25:3

ësaquin, —Nux cuëëncësabi oquin camina Pabloa Jerusalénu min unin bënun camiti ꞌain. Bain aia ꞌacatsi quiax ꞌësë́nanxun ca Pabloa bënun quixuan caminun quixun judíos unicaman Festo usaquin cacëxa.

Hechos 9:25

Caíncania ꞌunánquin ca axa Jesucristomi catamëcë unicaman Saulo, caquí chanu ꞌaruxun, cënë manámia ꞌicë xëcuën, imë́ nanpácancëxa. Nanpácëx ca ꞌibúquiani Saulo Jerusalénu cuancëxa.

2 Corintios 11:32

ꞌËx Damasconu ꞌain ca an Aretas cacë ꞌapu ñu mëëxuncë unin a ꞌapun suntárucama ꞌëa chiquitia binun quixun, a ëma aín cënën xëcuëcama bëaramiacëxa.