Hechos 9:21 - Kashibo-Kakataibo Biblia

²¹ Usoquian Saulonën bana ñuixunia cuati ca unicama ratuti a ñui quiacëxa: —Ënë unix ca an Jerusalénuxun ami catamëquin a ië́minun Jesús ñucácë unicama tëmëramicë, a ꞌicën. Ax ca sacerdotenën cushicamanu buánuxun ënu ꞌicë unicamaribi bitsi uaxa. ¿Usa cat?

Nukën 'Ibu Diosan ain unikama 'inan ain bana

²¹ Usoquian Saulonën bana ñuixunia cuati ca unicama ratuti a ñui quiacëxa: —Ënë unix ca an Jerusalénuxun ami catamëquin a ië́minun Jesús ñucácë unicama tëmëramicë, a 'icën. Ax ca sacerdotenën cushicamanu buánuxun ënu 'icë unicamaribi bitsi uaxa. ¿Usa cat?

Hechos 9:21 ပူးပေါင်းရင်းမြစ်များ

Salmos 51:13

usakin ꞌakëxun kana ꞌën uni ꞌatimakama a atun ñu ꞌatima ꞌakë ëni kara uisai tsóti ꞌikë kixun ꞌunánmiti ꞌain, ꞌimainun ka usakin ꞌën ꞌunánmikëx uni ꞌuchañukama ax minan ꞌiti ꞌikën.

Isaías 8:18

ꞌË ꞌimainun ꞌën bëchikëkama Nukën ꞌIbu Diosan ꞌë ꞌinánkë a kamabë kana unin ꞌunánun unitsin ꞌakëma ñusa Israel unikamanan ꞌain, Nukën ꞌIbu Dios kamabi kushiñuira axa aín bashi Siónnu ꞌikë an nankë kananuna nux ꞌain.

Números 23:23

Jacobnën rëbúnki Israel unibukama ka ñunshinan aín kushin ꞌanun ꞌamikëxunbi uisabi otima ꞌikën; Israel unibu ka ñubë́ unikaman uisabi oima. ¡Usa ꞌaish ka bërí Israel unikama ësakin kaisa ꞌikën Uiti ñu upí ishi kara Diosan mitsu ꞌaxuanxa kixun!

Hechos 2:12

Usai ꞌicëbë ca camáxbi ratuti sináncasmai canancëxa: —¿Uisa ꞌaish cara usa ꞌiti ꞌic?

Hechos 2:6

A unicamax ca xubunu bucüaxa bëtsi bëtsi banan axa Jesucristomi catamëcë unicama banaia cuabiani a xubunu timë́nux riquiancëxa. Riquiani bëbai timëcamëꞌëoquin a xubunu ꞌicë unicamaxa banaia, atun banasabi camaxunbi cuati ca ratuti sináncasmacëxa.

Hechos 3:10

Isi ca, ënë unix ca an anuxun Nucën Papa Dios rabiti xubu xëcuë Upíira cacë, anu tsóxun uni curíqui ñucácë a ꞌicë quixun ꞌunani atun bëmánan pëqui ratúcancëxa.

Hechos 4:13

Usa ꞌain ca Pedrobëtan Juanën quirica ꞌunáinracëma ꞌianan ꞌapuma ꞌixunbi racuë́quinma unicama bana ñuixunia isi judíos ꞌapucamax ratúacëxa. Usai ꞌiquin ca —ënë uni rabëtax ca axa Jesúsbë nicë a ꞌicë —quixun sináncëxa.

Hechos 7:59

Maxaxan ꞌacëxun ca Estebanën Nucën ꞌIbu Jesús cacëxa: —ꞌËn ꞌIbu Jesús, mibë ꞌinun ca ꞌë bit.

Hechos 8:3

Usa ꞌain ca Saulonën Jesucristomi catamëcë unicama cëñutisa tanquin xubucama oi atsínquin bëbu ꞌimainun xanuribi nirínbianquin sipuanuxun buáncëxa.

Hechos 9:22

Quicancëbëtanbi ca Saulonën aín bana cushiira ꞌixun Damasconu ꞌicë unicama sináncasmamiquin —Jesús ax ca asérabi Cristo, axa ënë menu uti judíos unicaman caíncë a ꞌicë —quixun bana ñuixuancëxa.

2 Tesalonicenses 1:10

Usai ca ꞌiti ꞌicën, a nëtë anúan Nucën ꞌIbu Jesucristo uti, aín unicaman —upíira ca Nucën ꞌIbu Jesucristo ꞌicë —quixun ami sinani cuëënquin a rabinun. Mitsúnribi nun aín bana ñuixuncëxun cuati ami catamëcë ꞌixun camina aín unicamabëtanbi cuëënquin a rabiti ꞌain.

1 Juan 3:1

Nux cananuna Nucën Papa Diosan bëchicë ꞌain, an cacësabi oi. An aín bëchicë ca quixun nu cacë cupí cananuna ꞌunánti ꞌain, uisaira oquin cara an nu nuibatia quixun. Usa ꞌaínbi ca an ënë menu ꞌicë ñuishi sináncë unicaman ainanma ꞌixun Nucën Papa Dios ꞌunáncëma cupí, nux cananuna aín bëchicë ꞌai quixun ꞌunanima.