Hechos 9:18 - Kashibo-Kakataibo Biblia

¹⁸ Ësaquian Ananíasnën cacëbëshia aín bërunuax ñu xacá tínbu rëucucëbëtainshi ca Saulonën isacëxa. Usai ꞌi nirutancëx ca Saulo nashimicë ꞌiacëxa.

Nukën 'Ibu Diosan ain unikama 'inan ain bana

¹⁸ Ësaquian Ananíasnën cacëbëshia aín bërunuax ñu xacá tínbu rëucucëbëtainshi ca Saulonën isacëxa. Usai 'i nirutancëx ca Saulo nashimicë 'iacëxa.

Hechos 9:18 ပူးပေါင်းရင်းမြစ်များ

Hechos 2:38

Cacëxun ca Pedronën atu cacëxa: —ꞌAtimoquin sinánxunbi camina sinanaquin, upí oquin Nucën Papa Diosmi sinánti ꞌain. Usai ꞌitancëx camina mitsun ꞌuchacama tërë́ncë ꞌinun Jesucristomi catamëti nashimicë ꞌicanti ꞌain. Usai ꞌicëbëtan ca Nucën Papa Diosan aín Bëru Ñumshin Upí abëmi ꞌinun mitsu ꞌinánti ꞌicën.

Hechos 2:41

Usaquian Pedronën cacëxun cuaquin ca ꞌitsa unin —asérabi ca a bana ꞌicë —quixun sináncëxa. Sinani ca a nëtë́nbi nashimicë ꞌaish tres mil uniribishi axa Jesúsmi sináncë unicamabë ꞌiacëxa.

Hechos 22:13

Usa ꞌaish ca ꞌë isi uacëxa. Uxun ca ꞌë cacëxa: Saulo, mix camina ꞌën xucën ꞌain. Camina amiribishi istëncënti ꞌain. Quixuan cacëxuinshi cana a isacën.

Hechos 22:16

Usaími ꞌinúan caíscë ꞌaish camina bënëtishi nirui min ꞌuchacama tërë́nun Nucën ꞌIbu Jesúsmi catamëti nashimicë ꞌiti ꞌain.

Hechos 9:17

Usaquian Jesusan cacëx ca Ananías anua Saulo ꞌicë xubunu cuancëxa. Cuanx atsínxun ca aín mëcënan ramëquin Saulo cacëxa: —ꞌËn xucën Saulo, axa anúnmi ucë bainuax mibë banaëxancë, Nucën ꞌIbu Jesús, an ca minu unun ꞌë xuaxa, amiribishi istëcëananmi aín Bëru Ñumshin Upíñu ꞌinun.

Hechos 9:19

Nashimicë ꞌixun pitancëx amiribishi cushitëcëni ca axa Jesucristomi catamëcë unicamabë Damasconu pain ꞌiacëxa.

Hechos 9:8

Ratúmainun menuax nirui bëpë́quiquinbi ca Saulonën iscasmacëxa. Iscasmatia ca abëa cuancë unicaman mëínbianquin Damasconu buáncëxa.

2 Corintios 3:14

Israel unibunën ca uisashi oquin cara Nucën Papa Diosan atu upí ꞌimitisa tancëxunbi ꞌunánma ꞌicën. Usa ꞌaish ca bëmápucucësa ꞌiacëxa. Bërí nëtë́nribi ca a bana isquinbi cuatima. Cristomi catamëquin cuni ca unin, uisashi oquin cara Nucën Papa Diosan Moisés ꞌinan bana quicësabi oi ꞌinun aín unicama ꞌimiti ꞌicë quixun ꞌunánti ꞌicën.

2 Corintios 4:6

Nucën Papa Dios axa bëráma, “Bëánquibucë ca pëquiti ꞌicë” quiá, anbi ca Cristonëan nun nuitu mëúxun nu chuámashi tani cuëënquinu uisaira upí cara Nucën Papa Dios ꞌicë quixun ꞌunánun ꞌimiaxa.