Hechos 9:17 - Kashibo-Kakataibo Biblia

¹⁷ Usaquian Jesusan cacëx ca Ananías anua Saulo ꞌicë xubunu cuancëxa. Cuanx atsínxun ca aín mëcënan ramëquin Saulo cacëxa: —ꞌËn xucën Saulo, axa anúnmi ucë bainuax mibë banaëxancë, Nucën ꞌIbu Jesús, an ca minu unun ꞌë xuaxa, amiribishi istëcëananmi aín Bëru Ñumshin Upíñu ꞌinun.

Nukën 'Ibu Diosan ain unikama 'inan ain bana

¹⁷ Usaquian Jesusan cacëx ca Ananías anua Saulo 'icë xubunu cuancëxa. Cuanx atsínxun ca aín mëcënan ramëquin Saulo cacëxa: —'Ën xucën Saulo, axa anúnmi ucë bainuax mibë banaëxancë, Nucën 'Ibu Jesús, an ca minu unun 'ë xuaxa, amiribishi istëcëananmi aín Bëru Ñumshin Upíñu 'inun.

Hechos 9:17 ပူးပေါင်းရင်းမြစ်များ

Génesis 45:4

ꞌAínbi ka Josénën aín xukë́nkama kakëxa: —ꞌË ꞌurama kamina ukanti ꞌain. Usakin kakëxa a rapasu ꞌaia, ka Josénën kakëxa: —ꞌËx kana mitsun xukë́n José ami Egipto menu ukë unikama marua a ꞌain;

Mateo 19:13

Usa ꞌain ca ainsa sinánxunquin ramëquin Nucën Papa Dios ñucáxunun quixun tuáracama Jesúsnu bëcancëxa. Bëiabi ca Jesusan ꞌunánmicë unicaman an bëcëcama ñu caquin —tuá xuracama ënu bëxunma ca buántan —quixun cacëxa.

Marcos 5:23

tsóbuquin ca Jesús cacëxa: —ꞌËn ini bëchicë ca bamaia. Usa ꞌain camina min mëcënan ramëquin pëxcuxuni ꞌëbë cuanti ꞌain.

Marcos 6:5

Usaquian ax quicësabi oquin aín bana cuatiama ca Jesusan, uni itsían ꞌacëma ñu anu ꞌicë unicama ꞌaxuanma ꞌicën. Uni ꞌinsíncë ꞌitsama, ashi cuni ca aín mëcënan ramëquin pëxcüacëxa.

Lucas 1:41

Usaquin Marianën cacëxuan Elisabetnën cuacëbëshi ca aín pucunuax aín tuá ubíacëxa. Usai ꞌicëbëtan ca Nucën Papa Diosan Bëru Ñunshin Upitan upí oquin Elisabet sinánmiacëxa.

Lucas 1:67

Usai quimainun ca a tuacën papa, Zacarías, ax aín Bëru Ñunshin Upíñu ꞌaish, Nucën Papa Diosan sinánmicëx cuëëni quiacëxa:

Lucas 1:76

Usa ꞌain cana mixmi ꞌën bëchicëratsu ꞌicë, mi cain, mi ñui ca unicamax, Nucën Papa Dios manámi ꞌicë an aín bana unicama ñuixunun xucë camina mix ꞌai quiax quiti ꞌicën. Min camina, a Nucën ꞌIbu Diosan xuti ax ucëma pan ꞌain, mix pain rëcuë́ncuatsincë ꞌixun, aín bana cuanun quixun Israel unicama sinánmiti ꞌain.

Lucas 15:30

Usa ꞌixunbi camina an min curíquicama xanu ꞌaisamabë ꞌiquin cëñucë min bëchicë ënë́xa uan vaca bacë rëracacë rëmian.

Lucas 15:32

Min xucën —ca bamaxa —quixun ꞌën sináncëbëbi ca ꞌëmi bëbaxa. Usa ꞌaish ca nëtë́a ꞌaíshbi bërí nubë ꞌicën. Usa ꞌaían cuëënquin picánti ca asábi ꞌicën.

Lucas 2:11

Ënë nëtën ca bacë́anxa anuax David bacë́an ëmanuax an camabi uni aín ꞌucha tërë́ncë ꞌaish Nucën Papa Diosnan ꞌinun ië́miti. Ax ca Nucën ꞌIbu Cristo, a ꞌicën.

Hechos 10:36

Nucën Papa Diosan ca Israel unicama aín bana ñuixunquian Jesucristo ax ca camabi unin ꞌibu ꞌixun an nu chuámarua ꞌimiti a ꞌicë quixun ñuixunun aín unicama xuaxa.

Hechos 13:3

Usaquian cacëxun piquinma Nucën Papa Dios ñucáxuntancëxun atun mëcënan ramëquin ca axa Jesucristomi catamëcë unicaman Bernabécëñun Saulo, Nucën Papa Diosan bana uni ñuixunia bërúanx cuantánun caxun xuacëxa.

Hechos 13:52

Cuanbi ca Antioquía ëmanu ꞌicë axa Jesucristomi catamëcë unicama aín Bëru Ñunshin Upíñu ꞌaish chuámashirua tani cuëëancëxa.

Hechos 19:6

Usa ꞌain ca a unicama Pablonën aín mëcënan ramë́cëbë atunu Nucën Papa Diosan Bëru Ñunshin Upí uacëxa. Usaría ꞌicëbë unin ꞌunáncëma banan bananan ca a unicaman, usaquian Nucën Papa Diosan sinánmicë bana unicama ñuixuancëxa.

Hechos 2:4

Usacëbëshi ca Nucën Papa Diosmi cushii aín Bëru Ñumshin Upitan ꞌimicëx anu ꞌicë unicamax bëtsi bëtsi banan banacëxa.

Hechos 21:20

Usaquian Pablonën ñuixuncëxun ca —asábi ca —quixun caquin Nucën Papa Dios rabiacëxa. Rabitancëxun ca Pablo ësaquin cacëxa: —Asábi ca. Usa ꞌaínbi camina ꞌunanin, ꞌaisamaira judíos unicamax ca Jesúsmi sinánxa. Sinánxunbi ca ësaquinribi sinania, Moisésnëan usai judíos unicama ꞌiti cuënëo bana quicésabi oi cananuna ꞌiti ꞌai quixun.

Hechos 26:15

Ësai quia cana cacën: “¿Ui caramina ꞌain? Nucën ꞌIbu Dios sapi camina ꞌain”. Cacëxun ca ꞌë cacëxa: “ꞌËx cana Jesús, ami bëtsi bëtsi ocë, a ꞌain.

Hechos 4:31

Usaquin abë banaquin Nucën Papa Dios catancë́xa sënë́ncancëbë ca anua bucucancë xubu ax shaíquiacëxa. Usaía ꞌicëbëshi aín Bëru Ñumshin Upí atunu ucëbëtan ca an quimicëxun racuë́quinma Nucën Papa Diosan bana unicama ñuixuancëxa.

Hechos 6:6

Caístancëxuan bëia ca Jesusan aín bana ñuixunun caíscë unicaman, mëcënan ramëquin, Nucën Papa Dios ñucáxuancëxa.

Hechos 8:17

Ñucáxunquian Pedrobëtan Juanën aín mëcënan ramëcëx ca atux Nucën Papa Diosan Bëru Ñunshin Upíñu ꞌicancëxa.

Hechos 9:18

Ësaquian Ananíasnën cacëbëshia aín bërunuax ñu xacá tínbu rëucucëbëtainshi ca Saulonën isacëxa. Usai ꞌi nirutancëx ca Saulo nashimicë ꞌiacëxa.

Romanos 15:7

Cristonën nu ainan ꞌinun bicë ꞌixun cananuna a sinánquin nunribi axa ami catamëcë raíri uniribi nubë timë́tisa tania biti ꞌain. Usaquin nun ꞌati ca Nucën Papa Dios cuëënia.

1 Corintios 15:47

A pain unio uni ax ca me ꞌacë ꞌiacëxa. A caxua ucë ax ca me ꞌacëma, naínuaxa ucë, Nucën ꞌIbu Jesucristo, ꞌiacëxa.

1 Corintios 15:8

Acamami chiquiracëtancëx ca ꞌëmiribi chiquiracëacëxa. ꞌËx aín ꞌunánmicë uni ꞌicëmabi ca an ꞌë ami sinánun sinanamiacëxa. Usa ꞌain ca acamami pain chiquiracëa ꞌaish ꞌëmiribi chiquiracëacëxa.

1 Corintios 9:1

Nucën ꞌIbu Jesusan aín bana uni ñuixunti caísa cana ꞌëx ꞌain. An caíscë unicaman ꞌacësaribi oquin cana ꞌënribi Nucën ꞌIbu Jesús isacën. ꞌËn aín bana ñuixuncë cupí camina mitsúxribi ami catamëtin. Usa ꞌain camina mitsúnbi ꞌunánti ꞌain, ꞌëx cana asérabi a usaquin ꞌanúan Nucën Papa Diosan caísa ꞌain.

1 Timoteo 4:14

Axa Jesucristomi catamëcë unicamaxa timë́cë ꞌaían atun cushicaman aín mëcën minu nanxun, Nucën Papa Diosan sinánmicëxun mi cá bana a camina manutima ꞌain. Atúan cacësabi oquinmi ꞌanun ca Nucën Papa Diosan mi cushioti ꞌicën.

1 Timoteo 5:22

Upí oquin aín nuitu ꞌunánxunmaishi camina uni axa Jesucristomi catamëcë unicaman cushi ꞌimitima ꞌain. Upí oquin pain uisa uni cara quixun istancëxun camina min mëcën anu nanquin anëti ꞌain. Isunmabi upíma uni anëaxbi camina usaribiti upíma ꞌiti ꞌain. Usaquin ñu ꞌati rabanan camina bërúancati ꞌain.

2 Timoteo 1:6

Usa ꞌain cana manúaxmami ꞌinun mi cain, ꞌën mëcën minu nancëbëtan ca Nucën Papa Diosan aín bana ñuixunun aín cushi mi ꞌináncëxa. A cushia minuax nëtë́nunma camina bënamëbutibia tsi rëquirutëcëncësa ꞌinuxun, ami catamëquin aín bana ñuixunti ꞌain.

Filemón 1:16

Min ñu mëëmicë unishi ꞌiá ꞌaíshbi ca bërí Onésimo Jesucristomi catamëcë ꞌaish min xucë́nsa ꞌiti ꞌicën. ꞌËn cana a nuibatin. Usa ꞌicëbi camina miinra ꞌën ꞌacësamaira oquin a nuibati ꞌain, min ëmanu ꞌicë cupishima, Jesucristomi catamëcë ꞌaísha min xucë́nsa ꞌicë.

Hebreos 6:2

ꞌimainun Jesús sinani nashimicë ꞌiti, ꞌimainun Jesúsnan ꞌixun axa ami catamëcë uni itsinu nun mëcën nanquin Nucën Papa Dios ñucáxunti, ꞌimainun camabi uníxa baísquia ca Nucën Papa Diosan an ꞌacë ñucama ꞌunánquin uisa cara oti ꞌicë quixun cati, acama.

2 Pedro 3:15

Camina ꞌunánti ꞌain, axa ainan ꞌiticama camabi aín ꞌucha tërë́ncë ꞌinun ami catamënun quixun ca Nucën ꞌIbu Jesucristonën cainia. Nucën Papa Diosan sinánmicësabi oquin ca abë́nu nuibanancë nucën xucën, Pablonënribi quirica buánmiquin, usaribi oquin mitsu caxa.