Hechos 9:16 - Kashibo-Kakataibo Biblia

¹⁶ Usoquin ꞌë ñuiquin bana ñuixunquin ca ꞌunánti ꞌicën, uisairai cara ꞌënan cupí tëmëraia quixun.

Nukën 'Ibu Diosan ain unikama 'inan ain bana

¹⁶ Usoquin 'ë ñuiquin bana ñuixunquin ca 'unánti 'icën, uisairai cara 'ënan cupí tëmëraia quixun.

Hechos 9:16 ပူးပေါင်းရင်းမြစ်များ

Isaías 33:1

¡Mitsun bëtsi unikama masókin ꞌatimokë ꞌikëbi ka mitsu bëtsi unikaman masókin ꞌatimokëma ꞌikën; Mitsun kamina bëtsi unikama ꞌatimo ꞌaínbi ka bëtsi unikamanribi mitsu ꞌatima okëma ꞌikën! Uínsaran kaina bëtsi uni masókin ꞌakin këñuin, anun ka bëtsi unikamanribi mitsu masókin ꞌati ꞌikën; uínsaran kaina bëtsi unikama mi ꞌakësabi okin ꞌati sinánxun ꞌaima, anun ka bëtsi unikaman mi ꞌati ꞌikën.

Mateo 24:9

Usoquin canan ca ësaquinribi Jesusan aín ꞌunánmicë unicama cacëxa: —ꞌËmi sináncëma uni raírinën ca uni itsían mitsu bëtsi bëtsi onun ꞌinánuxun ꞌaia. ꞌInánan ca micama raíri ꞌanuxun ꞌaia. Mitsúxmi ꞌëmi catamëcë cupí ca camabi menu ꞌicë unicamax ꞌëmi sináncëma ꞌaish mitsumi ꞌi nishnuxun ꞌaia.

Mateo 5:11

Mitsun ꞌën bana cuacë upí unin mitsu ꞌatima banan canan bëtsi bëtsi onan cëmëi mitsumi manáncëxbi camina chuámarua tani cuëënti ꞌain.

Juan 15:20

ꞌËn ësaquin mitsu cacë a camina sináncanti ꞌain, “an uni ñu mëëxuncë uni an ca an a ñu mëëmicë uni inuíma”. ꞌËmi pain nishquin ca unin ꞌë bëtsi bëtsi oia. Usaribi oquin ca ꞌënan cupí mitsu unin bëtsi bëtsi oti ꞌicën. Usa ꞌaínbi ca uni raírinën ꞌën bana cuati ꞌicën. Usaribi oquin ca ꞌënan cupí uni raírinën mitsun bana cuati ꞌicën.

Hechos 14:22

A ëmacamanu ꞌiquiani cuanquin ca axa Jesucristomi catamëcë unicama cushioquin Jesucristomi catamëti ënxunma ꞌanun ꞌësëanan nux Nucën Papa Diosnan ꞌaish cananuna uni itsían bëtsi bëtsi ocë ꞌiti ꞌai quixun cacëxa.

Hechos 21:11

Bëbax nu isi uxun anun Pablo tsitëcërëquicë, a biax anun tanëacanan anun mënëacati ca quiacëxa: —Nucën Papa Diosan Bëru Ñunshin Upí ca ësari quia: Ënën ꞌibu ca ësaribi oquin nëaxun Jerusalénu ꞌicë judíos unicaman judíosma unían binun ꞌinánti ꞌicën.

Hechos 21:13

Cacëxbi ca Pablo quiacëxa: —¿Añu cupí caramina usai banai bëunan mëscúquin ꞌë masá nuitumin? Jerusalénuxuan Nucën ꞌIbu Jesúsnan cupí ꞌë nëacancëxbi cana bënë́tima ꞌain. Usoquin nëanan ꞌë ꞌacancëxbi cana asábi ꞌiti ꞌain.

Hechos 21:4

Usai Tironu bëbaxun, axa Jesucristomi catamëcë unicama mërax, cananuna mëcën achúshi ꞌimainun rabë́ nëtën atubë anu ꞌiacën. Nuxnu anu ꞌain ca Nucën Papa Diosan Bëru Ñunshin Upitan sinánmicëxun a unicaman uisai cara Pablo ꞌiti ꞌicë quixun ꞌunánquin Jerusalénu cuanxma ꞌinun quixun cacëxa.

Hechos 9:14

Usa ꞌixun ca axa minan ꞌaish mibë banacë unicama sipuanuxun buánun isa quirica ꞌaxunun quixun sacerdotenën cushicama caxa.

Hechos 9:6

Usoquian cacëxun cuati ratúirai racuëti bërëruquin ca Saulonën cacëxa: —¿Añu ñu ꞌën ꞌati caina cuëënin? Cacëxun ca Jesusan cacëxa: —Niruquiani ca Damasco ëmanu cuantan. Anuxun ca unin añu caramina ꞌati ꞌain quixun mi cati ꞌicën.

2 Corintios 6:4

Bëtsi bëtsi onan numi nishquin unin tëmëramicë ꞌianan uisa ñu cara ꞌicëbëbi bënë́quinma tanshiquin Nucën Papa Diosan bana ñuixunia isquin ca camabi unin ꞌunánti ꞌicën, nux cananuna asérabi Nucën Papa Diosan uni ꞌai quixun.

2 Timoteo 1:12

An ꞌimicëxun usoquin ꞌacë cupía bëtsi bëtsi ocancëxbi cana rabiniman. Ami catamëquin cana ꞌunanin, ax cushiira ꞌixun ca Nucën Papa Diosan, ꞌëx a ꞌinamëcë ꞌicë bërúanquin aín bana bëtsi oquin ñuiquinma upí oquinshi unicama ꞌunánminun ꞌë ꞌaquinti ꞌicën. ꞌAquianan ca anúan ax utëcënti nëtën uquin an ꞌën ꞌacë ñucama upí isti ꞌicën.

2 Timoteo 3:11

Min camina ꞌunan, axa ꞌëmi nishcë unicaman ca bëtsi bëtsi oquin ꞌaisamaira ꞌë tëmëramiaxa. Uisai carana ꞌëx Antioquía, Iconio, Listra, a ëmacamanuax ꞌia quixun camina ꞌunan. Anuax tëmërai bamati ꞌicëbia Nucën ꞌIbu Jesusan ꞌaquincëx cana ië́an.

1 Pedro 4:14

Cristonan cupía unin mitsumi nishquin ꞌatimaquin ñuicëxbi camina Nucën Papa Diosan Bëru Ñunshin Upí cushiira, axa mitsubë ꞌain, cuëënti ꞌain. Unían ꞌatimaquin ñuiabi camina mitsun Cristo rabin.

Apocalipsis 1:9

ꞌËx Juan ꞌaish cana mitsúxmi ꞌicësaribiti Jesúsnan ꞌaish mitsun xucë́nsa ꞌain. Mitsúxmi ꞌicësaribiti cana Jesucristonan cupí, unin ꞌatimocë ꞌaíshbi asérabi Nucën Papa Diosan uni ꞌain. Mitsu ꞌacësaribi oquian an cushiocëxun cana uisa ñu cara ꞌicëbëbi bënë́quin ami catamëti ëniman. Usa ꞌixun Nucën Papa Diosan bana ñuixuanan, Jesús ñui quicë banaribi uni ñuixuncë cupí cana Patmos cacë nasínu sipuacësa ꞌinun unin ëncë ꞌain.