Hechos 9:15 - Kashibo-Kakataibo Biblia

¹⁵ Cacëxunbi ca Nucën ꞌIbu Jesusan Ananías cacëxa: —Racuë́axma ca cuantan. ꞌËn caíscë ꞌixun ca a unin judíos unicamaishima, bëtsi mecamanu ꞌicë unicamaribi aín ꞌapucamacëñunbi ñuixunquin ꞌë ñuiquin bana ñuixunti ꞌicën.

Nukën 'Ibu Diosan ain unikama 'inan ain bana

¹⁵ Cacëxunbi ca Nucën 'Ibu Jesusan Ananías cacëxa: —Racuë́axma ca cuantan. 'Ën caíscë 'ixun ca a unin judíos unicamaishima, bëtsi mecamanu 'icë unicamaribi aín 'apucamacëñunbi ñuixunquin 'ë ñuiquin bana ñuixunti 'icën.

Hechos 9:15 ပူးပေါင်းရင်းမြစ်များ

Jeremías 1:5

ꞌËn kana min titan puku ꞌukëmëu ꞌikëbi mi kaisakën; ꞌianan kana min titan mi bakënkë ꞌikëmashi mi kaisakën; ꞌanan kana kamabi menu ꞌikë unikama an Dios kikë bana ñuixunkëmi ꞌinun mi kaisankën.

Jeremías 1:7

ꞌAínbi ka Diosan ꞌë kaxa: Uni bëná pain kana ꞌain kamina kitima ꞌain. Mix kamina uinu kuanun karana ꞌën mi xuti anubi kuanti ꞌain, usa ꞌain kamina kuanxun ꞌën mi kakësabiokin atu kati ꞌain.

Mateo 10:18

ꞌËn bana uni ñuixuncë cupí ca unin mitsumi nishquin judíosma unibunën ꞌapunu mitsu buánti ꞌicën, ami mitsu ñui manánuxun. Usocëxunbi camina a ꞌapucama ꞌimainun judíosma uniburibi ꞌën mitsu ꞌunánmicë banacama ñuixunti ꞌain.

Juan 15:16

ꞌËx mitsun ꞌibu ꞌinúnmi ꞌë caíscancëxunmabi cana ꞌënan ꞌinun mitsu ꞌënbi caísan. Usotancëxun cana mitsúnmi ꞌën sinánsaribi ꞌixun upí ñuishi ꞌanun mitsu can, xënibua ꞌaínbia Nucën Papa Dios cuëënun. Usaquin ꞌaia ca ꞌëx cuëëncësabi oquinmi ñucácëxun mitsu ꞌaxúnti ꞌicën.

Hechos 13:2

Usa ꞌixuan achúshi nëtën timë́xun ñu piquinma Nucën ꞌIbu Dios rabicëxun ca aín Bëru Ñunshin Upitan atu cacëxa: —ꞌËn caíscësabi oquian bana ñuixunun camina Saulocëñun Bernabé cati ꞌain.

Hechos 21:19

ꞌIcë —¿uisa caina ꞌai? —quixun catancëx atubë banaquin ca Pablonën uisaira oquin cara Nucën Papa Diosan ꞌamicëxun, anua judíosma unicama ꞌicë ëmacamanuxun ñu ꞌaxa quixun ñuixuancëxa.

Hechos 22:14

Iscëxun ca ꞌë cacëxa: Nucën Papa Dios, a nucën raracamanribi rabia, an ca mi caísacëxa, añu cara ax cuëënia quixun ꞌunánanmi aín Bëchicë aín sinan upíira aribi ꞌunánan ax banaia cuanun.

Hechos 22:21

Usaquin cacëxunbi ca Nucën ꞌIbu Jesusan ꞌë cacëxa: Camina cuanti ꞌain. Cana ꞌura ꞌicë judíosma unicamami bana ñuixunun mi xuti ꞌain.

Hechos 25:22

Usaquian cacëxun ca Agripanën Festo cacëxa: —ꞌËnribi cana a unían bana ñuia cuaisa tanin. Quiáxa quia ca Festonën cacëxa: —Imë́ishibi camina axa quia cuati ꞌain.

Hechos 26:1

Festonën cacëxun ca Agripanën Pablo cacëxa: —Mixribi camina banati ꞌain. Usaquian cacëx ca camabi unin cuamainun aín mëcënan sanani ësai Pablo quiacëxa:

Hechos 26:32

Usai quiquin ca Agripanën Festo cacëxa: —Chiquíntisa ꞌaíshbi ca ënë unix Romanu ꞌicë ꞌapu, Césarnëinsa ënë ñu mëníoxunun anu cuancatsi quiaxa.

Hechos 27:24

Iscëxun ca ꞌë caxa: Pablo, camina racuë́tima ꞌain. Mi cupí ca micëñun axa mibë manë nuntinu ꞌicë unicamaribi bacamiquiti ꞌicëbi Nucën Papa Diosan ië́miti ꞌicën. Ië́micëx cuanx camina Romanu ꞌicë ꞌapu, Césarnu bëbati ꞌain.

Hechos 28:17

Romanu bëbax, rabë́ ꞌimainun achúshi nëtë ꞌitancëxun ca Pablonën judíos uni aín cushicamaxa a isi unun quixun camiacëxa. Camicëx aía timëtia ca Pablonën cacëxa: —ꞌËn aintsicama, cana mitsu cain, ꞌën cana judíos unicama uisa ocëma ꞌain, uisa oíma cana nun chaitiocëcama ꞌiásabi ꞌian. Usai ꞌiabi ca Jerusalénuxun judíos unicaman an sipuanun quixun romános unicama ꞌë ꞌinánxa.

Hechos 28:28

Camina ꞌunánti ꞌain, ꞌën mitsu ñuixuncë bana, Jesucristomi catamëtishi ca uni Nucën Papa Diosnan ꞌiti ꞌicë quiax quicë, a bana ñuixunia ca judíosma unicaman cuaxa. Usa ꞌaish ca atux a bana quicësabi oi ꞌiti ꞌicën.

Romanos 1:1

ꞌËx cana Pablo ꞌain, an Jesucristo quiásabi oquin aín bana uni ñuixuncë. Usa ꞌixun cana mitsu quirica buánmin. Nucën Papa Diosanbi ca Jesucristomi catamëquin ainan ꞌinux ië́nun unicama aín bana ñuixunun ꞌë caísacëxa.

Romanos 1:5

Jesucristo cupí ca Nucën Papa Diosan nuibaquin nun nu uni aín bana ñuixunun mëníocëxa, camabi menua an Nucën ꞌIbu Jesucristomi catamëquin an cacësabi oquin ꞌacë unicama ꞌinun.

Romanos 11:13

Anu ꞌicë judíosma unicama, cana mitsu cain, ꞌën judíosma unicama aín bana ñuixunun Jesucristonën cacë ꞌixun cana usaquin chiquíshquinma cuëënquin ꞌain.

1 Corintios 15:10

Nucën Papa Diosan nuibaquin ꞌimicëx cana ꞌëx bëráma ꞌiásama ꞌain. Ñancáma ca ꞌë aín uni ꞌimiacëxa. ꞌImicëxun cana aín ꞌunánmicë unicaman ꞌacësamaira oquin a ñuiquin unicama ñuixuan. Ñuixunquinbi cana ꞌënbi ꞌacëma ꞌain, Nucën Papa Diosan aín cushin ꞌamicëxuinshi cana ꞌan.

1 Corintios 9:16

ꞌËn Jesusan bana unicama ñuixuncë cupí cana rabiacátima ꞌain. ¡Aín bana ñuixunun Jesucristonën ꞌë cacë ꞌixunbi an cacësa oquin ꞌacëma ꞌaish carana uisai ꞌicë ꞌitsían!

Gálatas 1:1

ꞌËx cana Pablo ꞌain. Unin ca Jesucristo ñuiquin uni bana ñuixunun ꞌë caísama ꞌicën. Nucën Papa Dios, an a bamacë ꞌicëbi baísquimicë, abëtan ca Jesucristonën aín bana ñuixunun ꞌë caísacëxa.

Efesios 3:1

Mitsúxmi judíosma uni ꞌaíshbi Cristo Jesúsmi sinánun aín bana mitsu ñuixuncë cupí cana ꞌëx, Pablo ꞌaish, sipuacë ꞌain. Usa ꞌixun cana mitsu Nucën Papa Dios ñucáxunin.

1 Timoteo 2:7

Usa ꞌain cana an ꞌimicë ꞌixun judíos unicamaishima judíosma unicamaribi Jesucristomi catamëtía Nucën Papa Dios cuëëncësabi oi ꞌinun ꞌunánmin. Usaquin uni ꞌunánminun ca Nucën Papa Diosan ꞌë caísacëxa quixun ñuixunquin cana Cristonan ꞌixun cëmëquin paránquinma mi can.

2 Timoteo 1:11

Usaía Jesucristo ñui quicë banacama camabi judíosma unicama ñuixuanan aín bana quicësabi oía ꞌinun ꞌunánminun ca Nucën Papa Diosan ꞌë ꞌimiacëxa.

2 Timoteo 2:4

Suntárunën ca suntáruma unicamabëtan ñu mëëquinma atun ꞌati ñuishi ꞌaia. Usa ꞌixun ca aín comandante cuëënminuxun añu ꞌanun cara caia a ꞌatishi ꞌixun cainia. Usaribi oquin camina min ꞌIbu, Jesucristo, ax cuëëncësa oquinshi ꞌati ꞌain.

Apocalipsis 17:14

Acamax ca Carnero ꞌicësaribitia unin ꞌucha cupí bama abë ꞌacananti ꞌicën. ꞌAcananquin ca Carnero ꞌicësaribitia unin ꞌucha cupí bama, ax cushiira ꞌaish, ꞌibucaman ꞌIbu ꞌianan ꞌapucaman ꞌApu ꞌixun axa abë ꞌacanancëcama ñusmoti ꞌicën. Axa abë ꞌicëcaman ca a amia catamënun caísquin Nucën Papa Diosan sinánmicë ꞌixun uisai cara ñu ꞌicëbëtanbi a ëncëma ꞌicën. Usa ꞌixun ca Carnero ꞌicësaribitia unin ꞌucha cupí bama abë ꞌicëcaman axa abë ꞌacanancëcama ñusmoti ꞌicën.