Hechos 8:9 - Kashibo-Kakataibo Biblia

⁹ A ëmanu ca ñubë́ ꞌia uni achúshi, Simón cacë, ax ꞌiacëxa. Usa ꞌixun ca a unin —ꞌëx cana bëtsi unicamasamaira ꞌai —quixun Samarianu ꞌicë unicama paráncëxa.

Nukën 'Ibu Diosan ain unikama 'inan ain bana

⁹ A ëmanu ca ñubë́ 'ia uni achúshi, Simón cacë, ax 'iacëxa. Usa 'ixun ca a unin —'ëx cana bëtsi unicamasamaira 'ai —quixun Samarianu 'icë unicama paráncëxa.

Hechos 8:9 ပူးပေါင်းရင်းမြစ်များ

Éxodo 7:11

Usakian ꞌakëbëtan ka ꞌapu faraónën ribi an ñu tankë ꞌimainun an ñu ꞌunánkë aín unikama kuënxun usaribikinsa ꞌanun kixun ꞌamiakëxa:

Éxodo 7:22

Usakian ꞌakëbëtan ka egipcio unibu an ñu tankë ꞌimainun an ñunshinan kushin ñu ꞌakë a unikamanribi usaribi okin ꞌakëxa, ꞌakëbëtan ka faraónën aín sinan iruarakin Moisés ꞌimainun Aarónën kakëxunbi Nukën ꞌIbun kakësokin aín bana kuaisama tankëxa.

Éxodo 9:11

Usakian Moisésnën ꞌakëbatan ka an ñunshinan ꞌamikëxun aín kushin ñu ꞌakë unikama atunribi usakin ꞌakatsi kixun sinanibi atúxribi ꞌain aintsi egipcio unibu ꞌikësaribiti aín namikamanu ankëti chanku ꞌirukë ꞌixun ꞌama ꞌikën.

Juan 7:18

Axa anbi sinanx banacë uni ax ca unían a rabinun quixun sinanishi banaia. ꞌAínbi ca an ñuiquin uni canun quixuan a xuá ashia unin rabiti cuëëncë uni an cuni cëmëquin uni paranima.

Hechos 13:6

Salaminanu ꞌicë unicama bana ñuixuntancëx ca Chipre nasícamanu cuantancëx Pafos cacë ëmanuribi bëbacëxa. Anua ca judíos uni achúshi, Barjesús caquin anëcë, ñubë́ uni a mëracëxa. Barjesús ax ca cëmëi —ꞌëx cana an Nucën Papa Dios quicë bana uni ñuixuncë uni a ꞌai —quiacëxa.

Hechos 5:36

Mitsun camina sinánti ꞌain, uni achúshi, Teudas cacë, an ca ax isa cushi ꞌicë quixun uni paráncëxa. Paráncëx ca cuatrocientos uni abë timë́acëxa. Usa ꞌicëbia a uni ꞌacancëbë ca axa abë nicë unicamax tsuáqui abati nëtë́acëxa.

Hechos 8:11

Usoquian ꞌitsa baritian an paráncë ꞌixun ca camabi unin aín bana cuacëxa.

2 Tesalonicenses 2:4

A unin ca camabi uni Nucën Papa Dios ꞌimainun atúan rabiquin, ax ca nun dios ꞌicë quixun cacë, a ñucama ënquin aishi rabinun cati ꞌicën. Canan ca anuxun Nucën Papa Dios rabiti xubunubi atsíanx —ꞌëx cana Dios ꞌai —quixun sinani tsóti ꞌicën.

2 Timoteo 3:2

Usaía ꞌicëbë ca ësa uniribi ꞌiti ꞌicën: an ainanshia ꞌinun ñu cuëëncë, curíquishi biti cuëëncë, axa rabiacati —ꞌëx cana uni itsisama ꞌai —quicë, Nucën Papa Diosmi ꞌatimati banacë, an aín tita aín papan banabi cuacëma, axa ñu ꞌináncëxbi —asábi ca —canancëma, axa Nucën Papa Diosmi sinántisama tancë.

2 Timoteo 3:5

—Uni raírinëxa ꞌicësaribiti cana ꞌëx Nucën Papa Diosmi sinani nitsi —quiquinbi ca an sinánmicëxunma aín bana quicësabi oquin ꞌatima ꞌicën. Usaía ax ꞌicë unicamami ꞌunani camina bërúancati ꞌain.

2 Pedro 2:18

Usa unicaman ca axbi cërúanan rabiacati sinánñumasa ꞌixun, an ꞌacësaribi oquian ñunshínquin ñu ꞌatima ꞌanun quixun, an ñu ꞌatima ꞌati ëinsa tancë uni raíri sinanamitëcënia.

Apocalipsis 22:15

Usa ꞌaínbi ca ꞌaisama unicamax a ëma ëmáinshi ꞌiti ꞌicën. An ñu ꞌaisama sináncë unicama, an ñu xëacë ñubë́ unicama, aín xanuma ꞌicëbi bëtsi xanu cuëëncë unicama, aín bënëma ꞌicëbi bëtsi uni cuëëncë xanucama, an uni ꞌacë unicama, an Nucën Papa Diosmabi bëtsi ñu rabicë unicama, axa uni paránti cuëëni cëmëcë unicama, acamax ca a ëmanu atsíntima ꞌicën. Ca ëmáinshi ꞌiti ꞌicën.