Hechos 8:7 - Kashibo-Kakataibo Biblia

⁷ Ñunshin ꞌatima cuëncëni anuax chiquícë uni isanan ca uni raíri aín xon nicëma ꞌimainun raíri aín niti bëtsicë acamaribi pëxcutia iscancëxa.

Nukën 'Ibu Diosan ain unikama 'inan ain bana

⁷ Ñunshin 'atima cuëncëni anuax chiquícë uni isanan ca uni raíri aín xon nicëma 'imainun raíri aín niti bëtsicë acamaribi pëxcutia iscancëxa.

Hechos 8:7 ပူးပေါင်းရင်းမြစ်များ

Isaías 35:6

ꞌimainun ka uni ꞌain niti bëtsikë akamax chaxu abati ꞌikësai churunti ꞌikën, ꞌimainun ka banakëma unixi munuma banati ꞌikën. ꞌIanan ka anu uni ꞌikëma me ëskikë anuax kushiira ꞌinun ꞌumpax ꞌitsaira ax bënëtishi shióbuti chikiti ꞌikën.

Mateo 10:1

Usa ꞌain ca Jeusasan aín ꞌunánmicë uni mëcën rabë́ ꞌimainun rabë́ a timëxun cacëxa: —ꞌËn cushi cana mitsu ꞌinanin. Anun camina ñunshin ꞌatima uninua chiquíanan uni ꞌinsíncëcamaribi pëxcuti ꞌain.

Mateo 11:5

Cuanxun camina cati ꞌain: Bëxuñu unínbi ca bërí isia, aín niti bëtsicë uníxribi ca bërí upiti nitsia, an aín nami chëquímicë ꞌinsínñu unix ca pëxcutia, pabë unin ca bana cuatia, bamacë uníxbi ca baísquia, ñuñuma unínribi ca anun Nucën Papa Diosnan ꞌinux ië́ti bana cuatia.

Mateo 4:24

Usoquian ꞌaia Jesús chanioia cuaquin ca Siria nëtënu ꞌicë unicaman axa ñucëcama Jesusan pëxcunun quixun anu buáncancëxa. Bëtsi bëtsi ñucëcama ꞌimainun ñunshin ꞌatimanën ꞌibuacë unicama ꞌimainun uni ñucë nirucuainquinbi tancëma, ꞌimainun aín nami nimëti saquiquicë acama anu buáncëxun ca Jesusan pëxcüacëxa.

Marcos 9:26

Cacëx ca ñunshin ꞌatima munuma cuëncëni amiribishi a tuá aín nami nimë́miquin bërërumi bamacësa ꞌitánun nipacëmi chiquíacëxa. Usocëxa racácë isi ca —ca bamaxa —quicáncëxa.

Lucas 10:17

Bana ñuixunuan xucëxun ca a setenta unicaman ñuixunbëtsini utancëxun Jesús usoquian ñu ꞌacëcama ñuixunquin ësaquin Jesús cacëxa: —Minmi nu xucë ca ñunshin ꞌatimanënbi nun bana cuaxa, nun nu —ca chiquít —cacëx ca uninuax chiquíaxa.

Juan 14:12

Asérabi cana ꞌën mitsu cain, ꞌëx Nucën Papa Diosnu cuancë cupí ca axa ꞌëmi catamëcë uni, an ꞌën ꞌacë ñuribi ꞌati ꞌicën, ꞌanan ca ꞌën ꞌacësamaira oquin ñu ꞌati ꞌicën.

Hechos 5:16

Usomainun ca Jerusalén ꞌurama ꞌicë ëmanu ꞌicë unicamanribi uni ꞌinsíncë ꞌimainun uni ñumshin ꞌatimañu a camabi bëacëxa. Bëcëx ca pëxcúcancëxa.

Hechos 8:6

Ñuixuncëbë timë́quin ca camabi unin —asérabi ca usa ꞌicë —quixun sinánquin aín bana cuacëxa. Cuanan ca Felipenëan uni itsin ꞌacëma ñu ꞌaiaribi isacëxa.

Hebreos 2:4

A unicama ca Nucën Papa Diosan uni itsin ꞌacëma ñu ꞌanun ꞌamiacëxa, an aín bana ñuixunia cuacë unicaman, asérabi ca aín bana ꞌicë quixun ꞌunánun. ꞌImianan ca atu bëtsi bëtsi ñua ꞌanun aín Bëru Ñunshin Upí ꞌináncëxa, ax cuëëncësabi oquin.