Hechos 8:5 - Kashibo-Kakataibo Biblia

⁵ Usocëbëtan ca Felipenënribi Samaria menu ꞌicë ëma achúshi anu cuanxun Cristo ñuiquin unicama bana ñuixuancëxa.

Nukën 'Ibu Diosan ain unikama 'inan ain bana

⁵ Usocëbëtan ca Felipenënribi Samaria menu 'icë ëma achúshi anu cuanxun Cristo ñuiquin unicama bana ñuixuancëxa.

Hechos 8:5 ပူးပေါင်းရင်းမြစ်များ

Hechos 1:8

Usa ꞌaínbi camina Nucën Papa Diosan Bëru Ñumshin Upí mitsunu ucëbë aín cushiñu ꞌicanti ꞌain. Aín cushiñu ꞌixun camina mitsun ꞌën bana unicama ñuixunti ꞌain, Jerusalén ëmanu, Judea mecamanu, ꞌimainun Samaria menu, ꞌimainun camabi menu cuanquin.

Hechos 21:8

Anuax pëcaratëcëncëbë cuanx cananuna Cesárea ëmanu bëbacën. Bëbax cananuna Felipenën xubunu abë ꞌi cuancën. Felipe ax ca an Jesús ñuiquin unicama bana ñuixuncë ꞌianan mëcën achúshi ꞌimainuan rabë́ uni Jerusalénuxun an piti mëtícanun caíscan acama achúshi ꞌiacëxa. A Felipebë cananuna ꞌiacën.

Hechos 5:42

Cuanxun ca ꞌapucaman ñuixuntëcënxunma ꞌanun cacëxunbi ënquinma camabi nëtën anuxun Nucën Papa Dios rabiti xubunuxun ꞌanan anua atux ꞌicë xubucamanuxunribi, Jesús ax ca Cristo axa uti nun caíncë, a ꞌicë quixun uni bana ñuixuancëxa.

Hechos 6:5

Ësoquian cacëx ca camáxbi cuëëni —cananuna caísti ꞌai —quiax canancëxa. Canantancëxun ca Esteban, Nucën Papa Diosmi catamëcë ꞌicëa aín Bëru Ñumshin Upitan sinánmicë, acëñun Felipe, Prócoro, Nicanor, Timón, Parmenas, ꞌimainun Nicolás, Antioquíanu ꞌicë uni ꞌixunbia an judíos unicamabëtan Nucën Papa Diosan bana ꞌunáncë, acama caísacëxa.

Hechos 8:1

Usa ꞌain ca Saulonën Esteban bamacëbëtan —usoquin ꞌati ca asábi ꞌicë —quixun sináncëxa. Usoquian Esteban ꞌacáncë ca an Nucën Papa Diosan bana cuacë uni raírinën masá nuituti inquin Esteban bibianquin buánxun maíancëxa. Esteban usoquin rëtancëx atumi nishi tsuáquiruquin ca Jerusalénuaxa ax Jesucristomi catamëcë unicama bëtsi bëtsi ocancëxa. Usaira ocancëx ca tsuáqui Judea me ꞌimainun Samaria mecamanuribi cuanan bëtsi bëtsi ëmanu tsoti cuancëxa. Usai ꞌicëbëbi ca Jesusan aín bana ñuixunun caíscë unicamaishi Jerusalénu bërúacëxa.

Hechos 8:26

Usaía ꞌian ca Nucën ꞌIbu Diosan xucëxun ángelnën Felipe cacëxa: —Jerusalénuax anun Gaza cacë ëmanu cuanti bai anu camina cuanti ꞌain. Usoquian ángelnën anu cuantánun quixun cacë bai ax ca anun anu uni ꞌicëma menu cuanti bai ꞌiacëxa.

Hechos 8:30

Quia cuatíshi ca amiqui abáquiani cuancëxa. Cuanquin iscëxuan Isaíasnën cuënëo bana ꞌaia cuaquin ca cacëxa: —¿A mi iscë bana a caramina uisai cara quia quixun cuatin?

Hechos 8:40

Usobiania cuancë ca unin Azote cacë ëmanua Felipe mëracëxa. Anuax cuanxun, ëma itsi ëma itsinu cuanquin —Jesucristomi catamëti ca uni Nucën Papa Diosnan ꞌiti ꞌicë —quixun unicama ñuixunbianx ca Cesárea ëmanu bëbacëxa.

Hechos 8:6

Ñuixuncëbë timë́quin ca camabi unin —asérabi ca usa ꞌicë —quixun sinánquin aín bana cuacëxa. Cuanan ca Felipenëan uni itsin ꞌacëma ñu ꞌaiaribi isacëxa.

Hechos 9:20

Anu ꞌixun ca anua judíos unicama timë́ti xubucamanuxun, Jesús ax ca asérabi Nucën Papa Diosan Bëchicë ꞌicë quixun unicama ñuixuancëxa.

1 Corintios 1:23

A unicamaxa usa ꞌaínbi cananuna nun i curúsocënu matáscë Cristo, a ñuiquin unicama bana ñuixunin. A bananu nun unicama ñuixuncëbë ca judíos unicamax rabini, uisa ꞌaish caraisa Cristo i curúsocënu bamati ꞌicë quixun sinani, ami catamëisama tania. Usaía judíos unicama ꞌimainun ca judíosma unicaman —Diosan Bëchicë ca i curúsocënuax bamacëxa —quixun ñuiquin ꞌusania.

1 Corintios 2:2

Mitsubë ꞌixun cana bëtsi bana ñuixunti sinánquinma, Jesucristo, unin i curúsocënu matáscë, ashi mitsu ñuixunti sinan.

1 Corintios 3:11

Unían bëtsi bana ñuixuncëxbi ca ꞌën a ñuiquin ñuixuncë banaishi cuati Jesucristomi catamëti uni Nucën Papa Diosnan ꞌiti ꞌicën.