Hechos 8:39 - Kashibo-Kakataibo Biblia

³⁹ A nashimitancëx caman ꞌiruiaishia Nucën Papa Diosan Bëru Ñumshin Upitan buáncëx nëtëtia ca a unin Felipe istëcëanma ꞌicën. Istëcënímabi cuëënquiani ca aín menu cuancëxa.

Nukën 'Ibu Diosan ain unikama 'inan ain bana

³⁹ A nashimitancëx caman 'iruiaishia Nucën Papa Diosan Bëru Ñumshin Upitan buáncëx nëtëtia ca a unin Felipe istëcëanma 'icën. Istëcënímabi cuëënquiani ca aín menu cuancëxa.

Hechos 8:39 ပူးပေါင်းရင်းမြစ်များ

1 Reyes 18:12

Usa ꞌaínbi ka bërí ꞌëx mi ëbiani kuankëbëtan Diosan bëru ñunshinan anua ꞌën mi ꞌunántima menu buánti ꞌikën. Usa ꞌain ka mi ñuikin kakëx ukinbi mi mërakinma Ahabnën ꞌë rëtëti ꞌikën. An mi ñu mëëxunti uni ënën ka bëná ꞌixunbi Dios kuëënkësa okinshi ñu ꞌakëxa.

2 Reyes 2:16

ꞌikin ka ësokin kakankëxa: —Ka kuat, ënu kananuna an mi ñu ꞌaxúnti cincuenta uni ain sinan kushibu ꞌain. Usa ꞌain kamina an mi ñu ꞌunánmikë uni a baritanun nukama xuti ꞌain, Diosan bëru ñunshina atuma buánxun aín bashinu niananbi me sapanubu nia istánun. ꞌAínbi ka Eliseonën ësai kiabi atu kakëxa: —Usama ka uibi kamina mitsun a baritanun xutima ꞌain.

Salmos 119:111

Min banakama ꞌën ꞌunánkë ax ka këñutima ꞌikën, a bana kaman ka chuáma tani kuëënun ꞌë ꞌimia.

Isaías 61:10

¡Uisai karana ꞌëx Nukën ꞌIbumi chuámarua tani kuëënti ꞌain! Diosan ka kuëëira kuëënun ꞌë ꞌimiaxa, usa ꞌixun ka, ¡kamabi ñu kanankin ꞌanun ꞌë ꞌamiaxa! Usa ꞌain kana an xanu biti unían mëníokakin mañuti mañukësa ꞌianan, achúshi xanun birakanuxun mëníokin ain ñu ꞌupíikama pañukë usaribi ꞌain.

Ezequiel 37:1

Nukën ꞌIbu Diosan aín mëkën ꞌënu nankësa okin ꞌaia ka aín kushin chikínbiankin buántankëxun, me sapan anua xo ëskikë ꞌaisamaira bukukiankë anu ꞌë bëbamiakëxa.

Mateo 13:44

Catancëxun ca Jesusan ësaribi oquin aín ꞌunánmicë unicama cacëxa: —Nucën Papa Dios naínu ꞌicë an cara ainan ꞌiti unicama uisoquin ainan ꞌimiti ꞌicë quixun ñui cana ꞌaisamaira cupícë ñu ñui ësai quin: Achúshi unin ca ꞌaisamaira cupícë ñu, me ꞌucë mëu uni itsían unëa, mëraxa. Mëraquin ca —ꞌënan ca ꞌiti ꞌicë —quixun sinani cuëënquin maputëcëanxa. Mapubiani cuanquin ca aín ñucama anun a me maruti curíqui binuxun maruaxa. Marutancëx curíqui bëi utëcënquin ca a me ainan ꞌinun maruaxa. Usaribiti ca uni bëtsi ñu cuëëncësamaira oi Nucën Papa Diosnan ꞌiti cuëënia.

Mateo 3:16

Usoquin Juanën nashimicëx ca Jesús bacanuax ꞌiruquiani cuancëxa. Cuanquinbi ca Jesusan naí panárabëcëbëtan isquin anuax numacuru tinax uáxa Nucën Papa Diosan Bëru Ñunshin Upí anu ꞌiruia isacëxa.

Marcos 1:10

Usoquin Juanën nashimicëx, bacanuax ꞌiruquian Jesusan iscëxbi ca naí panárabëacëxa. Usacëbëtan ca ñumacuru tinax uaxa Nucën Papa Diosan Bëru Ñunshin Upí anu ꞌiruia isacëxa.

Hechos 13:52

Cuanbi ca Antioquía ëmanu ꞌicë axa Jesucristomi catamëcë unicama aín Bëru Ñunshin Upíñu ꞌaish chuámashirua tani cuëëancëxa.

Hechos 16:34

Usa ꞌixun ca an sipuacë unicama bërúancë unin aín xubunu buánxun Pablocëñun Silas pimiacëxa. Usocëx ca a unibë aín xubunua ꞌicë aín aintsi ꞌibucamaxribi Nucën Papa Diosmi catamëti ainan ꞌaish, chuámashirua tani cuëëancëxa.

Hechos 8:29

Isia mëraia ca Felipe Nucën Papa Diosan Bëru Ñumshin Upitan cacëxa: —A carronu ca cuantan.

Hechos 8:38

Usaquin caxun, aín carro nitsinamitancëx ca a rabëtaxbi ꞌibúquiani bacanu cuancëxa. Cuanx bacanu nixun ca Felipenën Etiopíanu ꞌicë uni nashimiacëxa.

Hechos 8:8

Usaía ꞌicëbë ca a ëmanu ꞌicë unicama chuáma tani cuëëinra cuëëancëxa.

Romanos 5:2

Jesucristomi catamëcë cupíshi cananuna uisaira oquin cara Nucën Papa Diosan nu nuibaquin nu ainan ꞌinun ꞌimia quixun ꞌunanin. Usoquin ꞌunani cuëënquin cananuna, nux cananuna Nucën Papa Diosnan ꞌaish aín nëtënu abë ꞌiti ꞌai quixun ꞌunanin.

Filipenses 3:3

Atúxa judíos uni ꞌicë ꞌunántiocë ꞌaínbi cananuna nux asérabi Nucën Papa Diosan uni ꞌain, aín Bëru Ñunshin Upitan ꞌimicëx. Usa ꞌixun cananuna a rabianan Cristo Jesúsmi catamëcë ꞌixun cuëënquin ꞌunanin, nux ꞌunántioracacë cupíma Cristo Jesúsmi catamëcë cupíshi cananuna Nucën Papa Diosan uni ꞌai quixun.

Filipenses 4:4

Mitsux camina Nucën ꞌIbu Jesucristonan ꞌai quixun sinani camina camabi nëtën uisa ñu cara ꞌicëbëbi chuámarua tani cuëënti ꞌain. Usai ꞌinun caxunbi cana mitsu catëcënin, chuámarua ca ꞌican.

Santiago 4:16

Usa ꞌaínbi camina mitsux —ꞌënbi cana usaquin ñu ꞌati ꞌai —quiax cërúanan rabitin. Usai ꞌiti ca ꞌaisama ꞌicën.