Hechos 8:31 - Kashibo-Kakataibo Biblia

³¹ Cacëxun ca cacëxa: —Cana cuatiman. ¿Uni itsin ꞌë ꞌaquincëxunma carana uisaxun ꞌunánti ꞌain? Ësoquin caquin ca Felipe abë tsotia ꞌirunun quixun cacëxa.

Nukën 'Ibu Diosan ain unikama 'inan ain bana

³¹ Cacëxun ca cacëxa: —Cana cuatiman. ¿Uni itsin 'ë 'aquincëxunma carana uisaxun 'unánti 'ain? Ësoquin caquin ca Felipe abë tsotia 'irunun quixun cacëxa.

Hechos 8:31 ပူးပေါင်းရင်းမြစ်များ

2 Reyes 5:26

Kakëxunbi ka Eliseonën munuma banakin kakëxa: —Min kamina ꞌë paránima ꞌën kana Naamán axa mi kuania bitsi aín caballonën nirinkënuax ꞌibútia isan, ꞌën sinanëinshi kana anu mibë ꞌian. Usa ꞌaínbi ka bërí anun kuríki bianan a pañuti chupa bianan anun ñu ꞌapákë naë maruanan, anu uvas ꞌapákë naë bianan oveja, ꞌimainun vaca aín bënëkama bianan an ñu mëëxunti uni bianan xanuribi an ñu ꞌaxúnti biti nëtëma ꞌikën kixun ka kakëxa.

2 Reyes 5:9

Usakian kamikëxun ꞌapun xukëx ka Naamán caballonën nikinkë anu ꞌirukiani kuanx, Eliseo anu ꞌikë aín xubu xëkuënubi nirakëakëxa.

Salmos 73:22

usai ꞌikin kana bana kuakëma unisa ꞌixun ꞌënbi ꞌunánma ꞌain; ¡usa ꞌaish kana min iskëx achúshi ñuina raëkëmasa ꞌiakën!

Isaías 35:8

ꞌImainun ka anu achúshi bai cha upíira ꞌiti ꞌikën, “ax ka bai upí kakin anëkë ꞌiti ꞌikën.” Usa ꞌain ka uikamax kara aín ꞌucha sinánkin ain niti mëníokëma ꞌikë akamax a bain nitima ꞌikën; ꞌimainun ka sinánñuma unikama atúxribi anun inuti nitima ꞌikën.

Marcos 10:15

Asérabi cana ꞌën mitsu cain, uix cara tuá xuratsua an bërúancë unimi catamëcësa usaribiti ꞌëmi catamëcëma ꞌicë ax ca Nucën Papa Diosnan ꞌitima ꞌicën.

Hechos 8:30

Quia cuatíshi ca amiqui abáquiani cuancëxa. Cuanquin iscëxuan Isaíasnën cuënëo bana ꞌaia cuaquin ca cacëxa: —¿A mi iscë bana a caramina uisai cara quia quixun cuatin?

Hechos 8:32

Usaquian cacëx ꞌiruax abë tsóxun Felipenën iscëx ca a unían ꞌacë banax ësai quicë ꞌiacëxa: Unían ꞌanuxun buáncëxbi ca carnero banaima. Carnero ꞌicësaribiti ca unin ꞌanuxun buáncëx ax banacëma ꞌicën. Aín rani unin tëacëxbi ca carnero banaima. Carnero ꞌicësaribiti ca ax banacëma ꞌicën.

Romanos 10:14

¿Usa ꞌaínbi cara an Nucën ꞌIbu Diosan ca a ië́miti ꞌicë quixun sináncëma unin a ñucáti ꞌic? Ca ñucátima ꞌicën. ¿Uisaxun cara uni itsin ñuia cuacëma ꞌixun, Nucën ꞌIbu Diosan ca ꞌë ië́miti ꞌicë quixun sinánti ꞌic? Ca sinántima ꞌicën. ¿Uisaxun cara uni itsin ñuixuncëxunma cuati ꞌic? Ca cuatima ꞌicën.

1 Corintios 3:18

Uni itsían mitsu sinanamiti rabanan camina bërúancati ꞌain. Mitsun camina —ꞌënbi ñu ꞌunáncë cana ꞌai —quixun sinántima ꞌain. Usaquin sinanima camina Jesucristonën sinánmicë ꞌinux ñu ꞌunáncëma unisa ꞌiti ꞌain.

1 Corintios 8:2

An —ꞌën cana ñu ꞌunan —quixun sináncë uni an ñu ꞌunánxunbi ca asérabi uisai ꞌiti cara quixun upí oquin ꞌunánima.

Santiago 1:10

ꞌImainun ca ñuñuira ax Jesucristomi catamëti ñuñumaibi cuëënti ꞌicën. Axa ñuñuira uni ax ca ro uáxa upíira upí ꞌitancëxbi aín upí bënëtishi nëtë́cësaribi ꞌicën.

Santiago 1:21

Usa ꞌain camina ñu ꞌatima ꞌaisamaira oquinmi mitsun ꞌacë a ëanan uisa ñucama cara ꞌaisama ꞌicë ënti ꞌain. A ënquin camina ami cuacë Nucën Papa Diosan bana a mitsun nuitu mëu racanaquin upí oquin sinánti ꞌain. Mitsúnmi cuacë bana ënë́xa quicësabi oquin, Jesucristomi catamëcë ꞌixun, ꞌacë ꞌaish camina Nucën Papa Diosnan ꞌinux ië́canti ꞌain.