Hechos 8:27 - Kashibo-Kakataibo Biblia

²⁷ Angelnën cacësabi oi ca Felipe cuancëxa. Cuaníbi ca bainuax Etiopía menu ꞌicë uni achúshibë mëranancëxa. A unix ca Etiopía menu ꞌicë ꞌapu, Candaces cacë xanu, a ñu ꞌaxuanan aín ñucamaribi bërúanxuncë ꞌiacëxa. Usa ꞌaish ca Nucën Papa Dios rabi Jerusalénu cuancë a uni ꞌiacëxa.

Nukën 'Ibu Diosan ain unikama 'inan ain bana

²⁷ Angelnën cacësabi oi ca Felipe cuancëxa. Cuaníbi ca bainuax Etiopía menu 'icë uni achúshibë mëranancëxa. A unix ca Etiopía menu 'icë 'apu, Candaces cacë xanu, a ñu 'axuanan aín ñucamaribi bërúanxuncë 'iacëxa. Usa 'aish ca Nucën Papa Dios rabi Jerusalénu cuancë a uni 'iacëxa.

Hechos 8:27 ပူးပေါင်းရင်းမြစ်များ

1 Reyes 10:1

Xanu achúshi Sabá menu ꞌapu ꞌiti anëkë an ka aín kushi ꞌinánkin ꞌakinkëxua Salomónnën Diosmi sinani ami kushikin ñu ꞌaia unikaman ñuikania kuakëxa, kuabiani ka an kuaisama ꞌimainun an ꞌunántisama banakama ñukákin tanti sinanx Jerusalén ëmanu kuankëxa. Kuanx ka aín suntárunën kushikaman bëararamainun aín camellokamanu ro sanuira ñusutinu ꞌaruxun camellokamanan nankë akama këñun ꞌaisamaira kuri këñunbi maxá chabáchabákikë upíirabu akama uanx bëbakëxa. Anu bëbaxun ka usakin ñukatia sinánbëtsinkë banakama a banabi Salomón ñukákëxa,

Salmos 87:4

Ësai ka Dios kiaxa, an ꞌë ꞌunánkë ëmakama raírinua kana ënë uni raíri kaísan, akamax ka ꞌikën, Egipto, Babilonia, Filistea, Tiro, ꞌimainun Etiopía, ënë ëmakama ka Jerusalénnu ꞌikë unikaman ka ꞌunánxa.

Isaías 43:6

ꞌËn kana aín tsipumiu ꞌikë axa mitsumi nishkë unikama: mitsun menubi kuantëkëntanua mitsu xunun kati ꞌain. ꞌImainun kana aín rëbumiu ꞌikë axa mimi nishkë unikamaribi: ꞌanubi mitsu ꞌimixuma ꞌanun kati ꞌain. ꞌËn bakë bëchikë bëbukama ꞌianan, ꞌën ꞌini bëchikë kamina bëti ꞌain, uinu kara me kuainakëaxa anu ꞌaish ꞌura ꞌikëbi,

Isaías 45:14

Ësakin ka Diosan Israel unikama kaxa: “Egipto menua ꞌikë naënu ꞌikë unikama, ꞌimainun an ñu marukë Etiopíanu ꞌikë unikama, ꞌianan Sabánu ꞌikë unikama, atux ka nënkëirabu ꞌikën akamina, mitsunu ꞌinamëtia ñu mëëmiti ꞌain; usokëx ka manë risin tëkërëkakë ꞌaish mitsu kaxú, kuani mitsu bëtanain rantinpurunkin mitsu kati ꞌikën: Asérabi ka Diosan mitsu ꞌakinia, usa ꞌain ka bëtsi dios ꞌaíma ꞌikën.”

Isaías 60:3

Usai ꞌikëbë ka bëtsi bëtsi ëmanu ꞌikë unikama Dios kuëënkësabi oí tsóti tirínu ꞌikësa ꞌiti ꞌikën, ꞌimainun ka bëtsi bëtsi ëmanu ꞌikë ꞌapukama atúxribi ichu ichukikë an pë́kakësanu ꞌiti ꞌikën.

Isaías 60:6

Usa ꞌain kamina atúxa ꞌitsaira ꞌaish atun camellonën ëma tsitsibëtsini Madián ꞌimainun Efá amiax ꞌaia isti ꞌain; usai ukin ka Sabánu ꞌikë unikama an kuri ꞌimainun sanuira ñu aín camellonën bëi ukin an upíokin ñu ꞌaia kixun Dios a rabiti ꞌikën.

Jeremías 38:7

Usokin ꞌakë ꞌain ka achúshi etíope uni Ébed-mélec kakë ꞌiakëxa, ax ka ꞌapun uni an unikama ꞌësëti aín xubunu nankë ꞌiakëxa, an ka Jeremías ka me kinikë ꞌukëmëu nipakë ꞌikë kixun ñuia kuakëxa. Usa ꞌain ka a nëtën ꞌapu bana mënioi Benjamínën xëkuë kakë a ꞌurama timë́kankë ꞌiakëxa.

Mateo 12:42

Salomón cacë uni, axa ꞌapu ꞌianan ꞌitsa ñu ꞌunáncë ꞌain, ca ꞌura menu ꞌicë ꞌapu xanu ax aín bana cuati cuancëxa. Cuanx bëbatancëxun ca cuëënquin aín bana cuacëxa. Salomón ꞌiásamaira cana ꞌëx ꞌain. ꞌËx usa ꞌicëbi ca ënë nëtënua bucucë unicaman ꞌën bana cuaisama tania. Usa ꞌain ca anúan Nucën Papa Diosan camabi unin ñu ꞌacë isti nëtën, a xanu ꞌapu an Salomonën bana cuacë ꞌixun, ënë nëtënu bucucë unicaman ꞌën bana ñuixuncëxunbia cuacëma ꞌicë, ꞌuchoti ꞌicën.

Juan 12:20

Judíos unicamax Pascua anun carnero ꞌati nëtën Jerusalénu cuanmainun ca griego banan banacë unicama raírinëxribi atubë Nucën Papa Dios rabi cuancëxa.

Hechos 8:28

Usa ꞌixun ca Jerusalénuax aín carro, caballonën buáncë, anun aín nëtënu cuantëcëni tsóxun an Nucën Papa Dios quicë bana uni ñuixuncë uni Isaíasnën cuënëo bana isacëxa.

Deuteronomio 30:13

ꞌImainun ka a banax parúmpapa ꞌukëmanan ꞌikën, mitsux ësai kinuma: ¿Uin kara parúmpapa sikarakëtankëxun ꞌunánbëtsini uxun ënë bana kikësabiokin kananuna ꞌati ꞌai kixun ꞌunánmikin nu kati ꞌik?

Hebreos 11:8

Bërámaribi ca Abraham cacë uni aribi ami catamëcë ꞌicë Nucën Papa Diosan cacëxa: —Camina min me ëbiani, bëtsi me ꞌura ꞌicë, anu ꞌi cuanti ꞌain. Min rëbúnquicamanan ca a me ꞌiti ꞌicën. Cacëx ca Abraham uinu cara a me ꞌicë, uisa me cara quixun ꞌunánxmabi, aín me, Ur cacë, anuax cuancëxa, Nucën Papa Diosan ca an cacësabi oquin ꞌati ꞌicë quixun ꞌunani.