Hechos 8:13 - Kashibo-Kakataibo Biblia

¹³ Usaía ꞌicëbë ca Simónribi a bana cuaxun, asérabi ca ax ꞌicë quixun sinani nashimicë ꞌaish Felipebë niacëxa. Abë nitsi ca Felipenëan uni itsin ꞌacëma ñu ꞌaia isi ratuti sináncasmacëxa.

Nukën 'Ibu Diosan ain unikama 'inan ain bana

¹³ Usaía 'icëbë ca Simónribi a bana cuaxun, asérabi ca ax 'icë quixun sinani nashimicë 'aish Felipebë niacëxa. Abë nitsi ca Felipenëan uni itsin 'acëma ñu 'aia isi ratuti sináncasmacëxa.

Hechos 8:13 ပူးပေါင်းရင်းမြစ်များ

Habacuc 1:5

Ësokin kakëxun ka Diosanribi kakëxa; Israel unikama mitsun kamina axa mitsu rapasu ꞌikë unikama uisai kara atux ꞌia a isi rakuëkanti ꞌain. Usa ꞌain kana ꞌën mitsunu usaribi ñukama inumiti ꞌuramashi ꞌain, usakin ꞌaia bëtsi unikaman ñuixunkëxunbi kamina mitsun usa ka kixun sinánkantima ꞌain.

Mateo 3:6

Cuanxúan atun ꞌuchacama chiquinatia ca Juanën Jordán bacanuxun nashimiacëxa.

Marcos 16:17

Axa ꞌëmi catamëcë unicaman ca Nucën Papa Diosan cushin uni itsin ꞌacëma ñu ësoquin ꞌati ꞌicën: ꞌënan ꞌixun ca ꞌën cushin uninua ñunshin ꞌatima chiquínti ꞌicën. Chiquíanan ca bëtsi banan banati ꞌicën.

Lucas 8:13

Maparañu me bëxbánua ñu bëru nipacëcë usaribi ca raíri uni ꞌicën. A unicaman ca Nucën Papa Diosan bana cuati cuëënquin —a bana quicësabi oi cana ꞌiti ꞌai —quixun aín nuitunën sinania. Sinánquinbi ca maparañu menu nipacëcë ñu bëru tapun ꞌitsañuma usaribi ꞌixun, Nucën Papa Diosan bana ꞌacë cupí ami cuaianan ami nishquin unin ꞌatimocëxun, tënëquinma a bana manuquin ënia.

Juan 5:20

ꞌËn Papan ca ꞌëxira aín Bëchicë ꞌicë nuibaquin an ꞌacë ñucama ꞌë ismia. An ca mitsúnmi iscësamaira ñu, a isími mitsux ratúti, a ꞌë isminuxun ꞌaia.

Juan 7:21

Cacëxun ca Jesusan cacëxa: —Anun ñu mëëtima nëtën ꞌën uni pëxcucë a camina sinanin.

Hechos 13:44

Usai ꞌiixan Pablobëtan Bernabénën anun ñu mëëtima nëtën Nucën Papa Diosan bana ñuixuntëcënia cuati ca a ëmanu ꞌicë unicamax camáxëshi timë́cësa ꞌinun timë́acëxa.

Hechos 19:11

Cuacëbëtan ca Pablonën anuxun Nucën Papa Diosan ꞌamicëxun uni itsin ꞌacëma ñu ꞌacëxa.

Hechos 3:10

Isi ca, ënë unix ca an anuxun Nucën Papa Dios rabiti xubu xëcuë Upíira cacë, anu tsóxun uni curíqui ñucácë a ꞌicë quixun ꞌunani atun bëmánan pëqui ratúcancëxa.

Hechos 8:21

Nucën Papa Diosan iscëx ca min nuitu upíma ꞌicën. Usa ꞌain camina min añu ñubi nubëtan ësoquin ꞌatima ꞌain.