Hechos 8:12 - Kashibo-Kakataibo Biblia

¹² Usa ꞌaínbi ca Felipenën —Jesucristomi catamëti ca uni Nucën Papa Diosnan ꞌiti ꞌicë —quixun ñuixuncëxun cuati —a banax ca asérabi ꞌicë —quixun sinani ꞌitsa uni ꞌimainun ꞌitsa xanuribi nashimicë ꞌiacëxa.

Nukën 'Ibu Diosan ain unikama 'inan ain bana

¹² Usa 'aínbi ca Felipenën —Jesucristomi catamëti ca uni Nucën Papa Diosnan 'iti 'icë —quixun ñuixuncëxun cuati —a banax ca asérabi 'icë —quixun sinani 'itsa uni 'imainun 'itsa xanuribi nashimicë 'iacëxa.

Hechos 8:12 ပူးပေါင်းရင်းမြစ်များ

Mateo 28:19

Usa ꞌain camina mitsun camabi menu cuanquin anu ꞌicë unicama ꞌëmi catamënun sinánmiti ꞌain. Usoquin sinánmiquin camina, ëmi ca catamëtia quixun ꞌunántioquin ꞌën Papa Diosmi sinani, ꞌëmiribi sinánan aín Bëru Ñunshin Upími sinania, nashimiti ꞌain.

Lucas 9:2

Usoquin catancëxun ca —Nucën Papa Diosan ca ꞌëmi catamëcë unicama ainan ꞌimiti ꞌicë —quixun unicama ñuixuanan ꞌinsíncëcama pëxcunun quixun aín ꞌunánmicë unicama xuacëxa.

Lucas 9:60

Quia ca Jesusan cacëxa: —Axa Nucën Papa Diosmi sinántisama tancë uni, an bamacë uni maínun ëanan camina min, ꞌëmi catamëtia ca Nucën Papa Diosan uni ainan ꞌimia quixun unicama ñuixuni cuanti ꞌain.

Hechos 1:3

Usoquin ñu ꞌatancëx bamaxbi ca baísquiacëxa. Usai ꞌitancëxun ca, ax ca asérabi baísquiaxa quixuan an caíscë unicaman ꞌunánun, ꞌuxë achúshi ꞌimainun mëcën rabë́ nëtën nëtë́ax nëtë́ax atumi chiquiracëacëxa. Usai ꞌiquin ca uisairai cara uni Nucën Papa Diosnan ꞌiti ꞌicë quixun atu ꞌunánmiacëxa.

Hechos 11:20

Ñuixunmainun ca Chipre ꞌimainun Cirene menuaxa Jesucristomi catamëcë uni raíri anribishi Antioquía ëmanu cuanx bëbaxun, Nucën ꞌIbu Jesúsmi catamëti ca uni Nucën Papa Diosnan ꞌiti ꞌicë quixun, judíosma uniribi bana ñuixuancëxa.

Hechos 18:8

Usa ꞌain ca anua judíos unicama timë́ti xubunu ꞌicë ꞌapu, Crispo, abë aín xubunu ꞌicë aín aintsi ꞌibucamaxribi ami sinani Nucën ꞌIbu Jesúsmi catamëacëxa. Usai ꞌimainun ca Pablonëan bana ñuixunia cuati, ꞌaisamaira Corintonu ꞌicë unicamaxribi ami sinani Nucën ꞌIbu Jesúsmi catamëti nashimicë ꞌiacëxa.

Hechos 19:5

Usaía Pablo quia cuati ca Nucën ꞌIbu Jesúsmi catamëti a unicamax nashimicë ꞌiacëxa.

Hechos 2:38

Cacëxun ca Pedronën atu cacëxa: —ꞌAtimoquin sinánxunbi camina sinanaquin, upí oquin Nucën Papa Diosmi sinánti ꞌain. Usai ꞌitancëx camina mitsun ꞌuchacama tërë́ncë ꞌinun Jesucristomi catamëti nashimicë ꞌicanti ꞌain. Usai ꞌicëbëtan ca Nucën Papa Diosan aín Bëru Ñumshin Upí abëmi ꞌinun mitsu ꞌinánti ꞌicën.

Hechos 2:41

Usaquian Pedronën cacëxun cuaquin ca ꞌitsa unin —asérabi ca a bana ꞌicë —quixun sináncëxa. Sinani ca a nëtë́nbi nashimicë ꞌaish tres mil uniribishi axa Jesúsmi sináncë unicamabë ꞌiacëxa.

Hechos 20:21

Ñuixunquin cana judíos unicama ꞌimainun judíosma unicamaribi Nucën Papa Dios cuëëncësa oi ꞌinux sinanatía Nucën ꞌIbu Jesucristomi catamënun quixun can.

Hechos 20:25

Usaquin sinánquinbi cana ꞌunanin, uicama carana Nucën Papa Diosan uni ꞌinun bana ñuixuan acaman ca ꞌë istëcënuxunma ꞌaia quixun.

Hechos 28:31

Biquin ca uisari cara uni Nucën Papa Diosnan ꞌiti ꞌicë quixun ñuixuanan uisai cara Nucën ꞌIbu Jesucristomi catamëti ꞌiti ꞌicë quixun ñuixuancëxa, uinu ꞌicë unínbia ubíocëma ꞌixun.

Hechos 5:14

Usaía ꞌimainun ca bëtsi unicamaxribi ꞌitsaira, xanubëbi bëbucamaxribi Nucën ꞌIbu Jesúsmi catamëacëxa.

Hechos 8:4

Usa ꞌain ca Jerusalénuaxa tsuáquicë unicama an me itsi, me itsinu cuanquin Cristo ñuiquin unicama Nucën Papa Diosan bana ñuixuancëxa.

Romanos 10:10

Nun nuitu mëu, asérabi ca nun ꞌucha tërë́nti ꞌicë quixun sinani Jesucristomi catamëtia, ca Nucën Papa Diosan nun ꞌucha tërë́nquin nu upí isia. Usoquin an iscë́xnu —Jesucristo ax ca asérabi ꞌën ꞌIbu ꞌicë —quia ca Nucën Papa Diosan ainan ꞌinun nu ië́mia.

1 Corintios 11:11

Usa ꞌaínbi ca axa Jesucristomi catamëcë unicaman ësaquin ꞌunánti ꞌicën, bëbu uni ashi ꞌixunbi ca camabi ñu aín cuëëncësa oquin ꞌatima ꞌicën. Usaribiquin ca xanun ashi ꞌixunbi camabi ñu aín cuëëncësa oquin ꞌatima ꞌicën.

Gálatas 3:28

Judíos unicama ꞌimainun axa griego banan banacë judíosma unicama, an uni ñu mëëxuncë unicama ꞌimainun an uni ñu mëëxuncëma unicama, bëbu ꞌimainun xanu, acamáxbi camina Jesucristonan ꞌaish Nucën Papa Diosan iscëx bëtsisaribi ꞌaish achúshisa ꞌain. Jesucristonan ꞌixun camina camaxunbi bëtsin sináncësaribi oquin sinanin.

1 Pedro 3:21

Nucën Papa Diosan sinánmicëxa Noé manë nuntinu ꞌiruax ië́asa, usaribiti cananuna nuxribi Nucën Papa Diosmi catamëti ꞌunpaxan nashimicë ꞌaish iëtin. Nun namia chuañuma ꞌinun cananuna nashimicë ꞌitima ꞌain. Usai ꞌíma cananuna —Jesucristo baísquia cupía Nucën Papa Diosan nu upí ꞌimicë ꞌaish cananuna nun ꞌuchacama tërë́nce ꞌaish an iscëx upí ꞌai —quixun sinani nashimicë ꞌain.