Hechos 8:1 - Kashibo-Kakataibo Biblia

^1-2 Usa ꞌain ca Saulonën Esteban bamacëbëtan —usoquin ꞌati ca asábi ꞌicë —quixun sináncëxa. Usoquian Esteban ꞌacáncë ca an Nucën Papa Diosan bana cuacë uni raírinën masá nuituti inquin Esteban bibianquin buánxun maíancëxa. Esteban usoquin rëtancëx atumi nishi tsuáquiruquin ca Jerusalénuaxa ax Jesucristomi catamëcë unicama bëtsi bëtsi ocancëxa. Usaira ocancëx ca tsuáqui Judea me ꞌimainun Samaria mecamanuribi cuanan bëtsi bëtsi ëmanu tsoti cuancëxa. Usai ꞌicëbëbi ca Jesusan aín bana ñuixunun caíscë unicamaishi Jerusalénu bërúacëxa.

Nukën 'Ibu Diosan ain unikama 'inan ain bana

^1-2 Usa 'ain ca Saulonën Esteban bamacëbëtan —usoquin 'ati ca asábi 'icë —quixun sináncëxa. Usoquian Esteban 'acáncë ca an Nucën Papa Diosan bana cuacë uni raírinën masá nuituti inquin Esteban bibianquin buánxun maíancëxa. Esteban usoquin rëtancëx atumi nishi tsuáquiruquin ca Jerusalénuaxa ax Jesucristomi catamëcë unicama bëtsi bëtsi ocancëxa. Usaira ocancëx ca tsuáqui Judea me 'imainun Samaria mecamanuribi cuanan bëtsi bëtsi ëmanu tsoti cuancëxa. Usai 'icëbëbi ca Jesusan aín bana ñuixunun caíscë unicamaishi Jerusalénu bërúacëxa.

Hechos 8:1 ပူးပေါင်းရင်းမြစ်များ

Daniel 6:10

Usokin a bana kuënëokë ka Danielnën kuakëxa, kuabiani ka aín xubunu kuankëxa, kuanx atsínxun ka anua uxkë anua ꞌikë ain xëputi chukúmakama Jerusalénmi okin xësunkin ꞌakë a xëókatankëx rantinpuruni tsóbukin Dios ñukákin rabiakëxa. Usokin ka rabë́ ꞌimainun achúshi okin achúshi nëtën nëtën an ꞌakësabiokin ꞌakëxa.

Daniel 6:23

Usa ꞌain ka ꞌitsaira kuëënkin ꞌapun anua paru ꞌinúan ꞌikë kini anua Daniel binun kixun aín unikama kakëxa. Kakëxuan bitsia iskëxbi ka Diosmi katamëkë ꞌikëa paru ꞌinúanën uisabi aín namikama okëma isakëxa.

Mateo 22:6

Raírinën ca ꞌapúan ñu mëëmicë uni cuaniabi bixun mëëquin tënánquin rëaxa.

Mateo 23:34

ꞌËn cana unicama ꞌën bana ꞌunánquian a uni ñuixunun ꞌimianan raíriribi ꞌën bana unicama ꞌunánminun ꞌimicëbi camina raíri ꞌanan raíri i curúsocënu matásun bamaminuxun ꞌain. Raíri camina anu timë́ti xubu anuxun rishquinuxun ꞌain. Raírinëan ꞌachushi ëmanuxun bana ñuixuniami mitsun bëtsi bëtsi ocëbëa bëtsi ëmanu cuancëbë anu mitsúxribi cuanxun camina usaribi oquin ꞌatëcënuxun ꞌain.

Mateo 5:13

Ësaquinribi ca Jesusan cacëxa: —Mitsux camina ënë nëtënu ꞌaish tashisa ꞌain. Tashin ca anun tashíncëxun ñu mucoquin upí ꞌimia. Usaribi oquin camina mitsun mibë ꞌicë unicama upiti bucunun ꞌaquinin. Tashi axa aín muca nëtëtia ca unin uisaxunbi amiribishi mucotëcëntima ꞌicën. Usa ꞌaish ca a tashi mucañuma ñancáishi ꞌicën. ꞌAisama ꞌicë ca unin putia, putia unin amácëx ca nëtëtia. Mitsun upiti bucunun mibë ꞌicë unicama ꞌaquincëma ꞌaish camina a tashíxa mucañuma ꞌicësaribi ꞌiti ꞌain.

Juan 15:20

ꞌËn ësaquin mitsu cacë a camina sináncanti ꞌain, “an uni ñu mëëxuncë uni an ca an a ñu mëëmicë uni inuíma”. ꞌËmi pain nishquin ca unin ꞌë bëtsi bëtsi oia. Usaribi oquin ca ꞌënan cupí mitsu unin bëtsi bëtsi oti ꞌicën. Usa ꞌaínbi ca uni raírinën ꞌën bana cuati ꞌicën. Usaribi oquin ca ꞌënan cupí uni raírinën mitsun bana cuati ꞌicën.

Juan 16:2

Mitsúxmi ꞌënan cupí ca anua judíos unicama timë́ti xubunu atsíntëcëanxmami ꞌinun mitsu chiquíncanuxun ꞌaia. Nucën Papa Dios cuëëncësabi oquin isa ꞌaia quixun sinánquin ca unin mitsu bëtsi bëtsi oquin ꞌati ꞌicën. Usai ꞌia camina isti ꞌain.

Hechos 1:8

Usa ꞌaínbi camina Nucën Papa Diosan Bëru Ñumshin Upí mitsunu ucëbë aín cushiñu ꞌicanti ꞌain. Aín cushiñu ꞌixun camina mitsun ꞌën bana unicama ñuixunti ꞌain, Jerusalén ëmanu, Judea mecamanu, ꞌimainun Samaria menu, ꞌimainun camabi menu cuanquin.

Hechos 13:1

Antioquíanu ꞌicë axa Jesucristomi catamëcë unicama raírinëx ca an Nucën Papa Diosan sinánmicëxun bana uni ñuixuncë uni ꞌiacëxa, raírinëx ca an aín bana unicama ꞌunánmicë ꞌiacëxa. Usa ꞌain ca Bernabé ꞌimainun Simeón ꞌicëbi Tunan Uni caquinribi anëcë, a ꞌimainun Cirene menu ꞌicë uni, Lucio, a ꞌimainun Manaén, axa Galilea menu ꞌicë ꞌapu Herodes, abë canicë, a ꞌimainun Saulo, acamax Antioquíanu ꞌiacëxa.

Hechos 13:36

Usaquian Davidnën cuënëo ꞌaínbi cananuna ꞌunanin, Nucën Papa Dios cuëëncësabi oquin ꞌapu ꞌixun aín menu ꞌicë unicama ꞌaquintancëx ca David bamacëxa. Bamacë ca anu aín aintsi maían anuribi maíncancëxa. Maíncëx ca chëquiacëxa.

Hechos 2:47

Usaía ꞌia isquin ca axa atubë timë́cëma unicaman —atux ca asérabi upí nuituñu ꞌicë —quixun sináncëxa. Sinania ca uicamax cara ainan ꞌiti ꞌicë acamaxa Jesucristomi sinánun Nucën ꞌIbu Diosan ꞌimiacëxa.

Hechos 22:20

Estébanën an mi ñuiquin uni bana ñuixuncë, a maxaxan ꞌacanmainun cana ꞌëx anu ꞌixun cuëënquin an Esteban rëcë unicaman chupa bërúan.

Hechos 26:10

Usaquin sinánquin cana Jerusalénuxun a unicama bëtsi bëtsi oquin tëmëramianan, sacerdotenën cushicaman ꞌë cacësabi oquin axa Jesúsmi catamëcë uni ꞌaisamaira sipuacën. Sipuaia unin atu ꞌacëbëtan cana, asábi ca quixun sináncën.

Hechos 5:18

Nishi ami tsuáquiruxun ca Jesusan aín bana ñuixunun caíscë unicama bixun sipuacëxa.

Hechos 5:20

—Anuxun Nucën Papa Dios rabiti xubunu cuanxun camina Jesúsmi catamëcë ꞌaish ca uni Nucën Papa Diosnan ꞌiti ꞌicë quicë bana unicama ñuixunti ꞌain.

Hechos 5:33

Quia cuati nishquin ca judíos unibunën ꞌapucaman atu ꞌati sináncë́xa.

Hechos 5:40

Ësai quia cuaquin ca —asérabi ca usa ꞌicë —quixun sináncëxa. Usaquin sinánquin ca Jesusan aín bana ñuixunun caíscë unicama cuënxun rishquitancëxun, Jesús ñuiquin unicama bana ñuixuntëcënxunma ꞌanun catancëxun, cuantánun xuacëxa.

Hechos 7:38

Moisés ax ca axa anu uni ꞌicëma menuax Israel unicama nëbë́tsi ꞌianan, aín bashi Sinaí cacë a tanáinuax abë banacë ángelbë ꞌianan nucën raracamabëribi ꞌiá ꞌiacëxa. ꞌIanan ca a aín unicamax usai ꞌiti bana Nucën Papa Diosan ꞌináncë, a ꞌiacëxa. A bana, Israel unicama nun ꞌunánuan cuënëonun ca Nucën Papa Diosan Moisés usaquin cacëxa.

Hechos 7:54

Usaquían cacëxun cuati ca ꞌapucama xuamati Estebanmi nishacëxa.

Hechos 7:58

Bibianquin ca Jerusalénua buánxun maxaxan ꞌacëxa. Aín cutun pain pëxun bëná uni, Saulo cacë, an bërúanun quixun nantancëxun ca Esteban maxaxan ꞌacëxa.

Hechos 8:14

Usa ꞌain ca Samarianu ꞌicë unínribi ca Nucën Papa Diosan bana cuaxa quixuan ñuicania Jesusan aín bana uni ñuixunun caíscë unicaman Jerusalénuxun cuacëxa. Cuaxun ca Pedrocëñun Juan anua cuantánun xuacëxa.

Hechos 8:4

Usa ꞌain ca Jerusalénuaxa tsuáquicë unicama an me itsi, me itsinu cuanquin Cristo ñuiquin unicama Nucën Papa Diosan bana ñuixuancëxa.

Hechos 8:5

Usocëbëtan ca Felipenënribi Samaria menu ꞌicë ëma achúshi anu cuanxun Cristo ñuiquin unicama bana ñuixuancëxa.

Hechos 9:31

Usa ꞌain ca Judea menu ꞌimainun Galilea menu ꞌimainun Samaria menuribi, axa Jesucristomi catamëcë unicama uínbi ubíocëma ꞌaish chuámarua bucüacëxa, usai ꞌi ca Jesucristomi catamëti ꞌitsarui cushiacëxa. Usaía ꞌicëbë ca raíri uniribi abë timëti Nucën ꞌIbu Diosan bana upí oquin cuati, aín Bëru Ñumshin Upitan ꞌaquincëx ꞌitsarui Jesúsmi sináncëxa.

Romanos 1:32

Atun ca ꞌunania, Nucën Papa Diosan mëníosabi oi ca usa unicama ainanma ꞌaish xënibua ꞌaínbi abë ꞌitima ꞌicë quixun. Usaía Nucën Papa Dios quia a ꞌunánxunbi ca usa ñu ꞌaia. Atúinshi ꞌaíma ca uni itsínribia usaribi oquin ꞌaia isti cuëënia.

Filipenses 1:12

ꞌËn xucë́antu, mitsun ꞌunánun quixun cana ësaquin mitsu cain, ꞌë sipuacancë cupí ca ꞌitsa uni Jesucristomi sinania quixun.

Hebreos 11:27

—ꞌËn bërúnbi isquinmabi cana Nucën Papa Dios ca asérabi ꞌëbë ꞌicë quixun ꞌunani —quixun sinani ca Moisés ami catamëti Egipto menuax Madian cacë menu cuancëxa, racuëtima ax cuancëbëa ꞌapu nishtánunbi.