Hechos 7:60 - Kashibo-Kakataibo Biblia

⁶⁰ Catancëx rantin purúnxun ca munuma banaquin Nucën ꞌIbu Jesús catëcëancëxa: —Atúxa ësari ꞌuchaiabi camina ꞌënun rabanan uisabi otima ꞌain. Ësai quíshi ca bamacëxa.

Nukën 'Ibu Diosan ain unikama 'inan ain bana

⁶⁰ Catancëx rantin purúnxun ca munuma banaquin Nucën 'Ibu Jesús catëcëancëxa: —Atúxa ësari 'uchaiabi camina 'ënun rabanan uisabi otima 'ain. Ësai quíshi ca bamacëxa.

Hechos 7:60 ပူးပေါင်းရင်းမြစ်များ

Daniel 6:10

Usokin a bana kuënëokë ka Danielnën kuakëxa, kuabiani ka aín xubunu kuankëxa, kuanx atsínxun ka anua uxkë anua ꞌikë ain xëputi chukúmakama Jerusalénmi okin xësunkin ꞌakë a xëókatankëx rantinpuruni tsóbukin Dios ñukákin rabiakëxa. Usokin ka rabë́ ꞌimainun achúshi okin achúshi nëtën nëtën an ꞌakësabiokin ꞌakëxa.

Mateo 27:52

Tuquimainun ca mapara quiniocë anu uni bamacë mëníocëcama axribi turabëacëxa. Turabëcëbë ca anuax Nucën Papa Diosnan ꞌaísha bama unicamax baísquiacëxa.

Mateo 5:44

Usai quiá ꞌaínbi cana ꞌën mitsu cain, axa mimi nishcë unicama nuibaquin ꞌaquianan camina axa mimi ꞌatimati banacë unicama ꞌimainun an mi bëtsi bëtsi ocë unicama Nucën Papa Dios ñucáxunti ꞌain.

Lucas 22:41

Usoquin cabiani unin nicë́xa maxax ꞌibúcë ꞌurasa cuanx ca rantin puruni, Jesús Nucën Papa Diosbë banacëxa.

Lucas 23:34

Suntárunëan usoquin ꞌacëxun ca Jesusan Nucën Papa Dios cacëxa: —Papan, ënë unicaman ca añu cara ꞌaia quixun ꞌunanima. Usa ꞌicë camina atun ꞌucha tërë́nquin manumiti ꞌain. Usa ꞌain ca anu uni matáscë i curúsocëcama nitsíntancëxun, suntárunën uin cara isa Jesusan chupa bëtsi bëtsi biti ꞌicë iscatsi quixun ñuratsu pain niquin tancëxa.

Lucas 6:28

Axa mimi ꞌatimati banacë unicama camina Nucën Papa Dios a ami sinánun ꞌaquinun ñucáxunti ꞌain. Ñucánan camina an mi ꞌusáncë unicamaribi Nucën Papa Dios ñucáxunti ꞌain.

Juan 11:11

Usaquin caquin ca Jesusan amiribishi aín ꞌunánmicë unicama cacëxa: —Nuxnu abë nuibanancë Lázaro ca ꞌuxaxa. A bësuni cana cuanin.

Hechos 13:36

Usaquian Davidnën cuënëo ꞌaínbi cananuna ꞌunanin, Nucën Papa Dios cuëëncësabi oquin ꞌapu ꞌixun aín menu ꞌicë unicama ꞌaquintancëx ca David bamacëxa. Bamacë ca anu aín aintsi maían anuribi maíncancëxa. Maíncëx ca chëquiacëxa.

Hechos 20:36

Ësaquin catancëx ca Pablo rantin puruni tsóbuti anu ꞌicë unicamabë Nucën Papa Diosbë banacëxa.

Hechos 21:5

Usaquian cacëbëbi cananuna a nëtëcama inúcëbë cuancën. A ëmanuax cuancëbë ca axa Jesucristomi catamëcë unicamax aín xanu ꞌimainun aín bëchicëbëbi nubë masinu cuancëxa. Cuanx cananuna rantin puruni tsóbuax masinuax Nucën Papa Diosbë banacën.

Hechos 9:40

Ismicëxun anu ꞌicë xanucama ëman chiquínun catancëx ca Pedro rantin purúanx tsóbuax Nucën Papa Diosbë banacëxa. Banatancëxun, anua racácë au bësuquin isquin ca cacëxa: —Tabita, ca nirut. Cacëxëshi bëpëquiquin Pedro isi nirui ca tsóracëacëxa.

1 Corintios 11:30

Usai ꞌuchacë cupí camina Nucën Papa Diosan ꞌimicëx raíri cushima ꞌianan ꞌinsínñu ꞌain. Usa ꞌaish ca raíriribi bamaxa.

1 Corintios 15:18

Cristo baísquiama ꞌain ca axa ami catamëti bama unicamax abëma ꞌitsíanxa.

1 Corintios 15:20

Usama ca. Bamatancëxbi ca Cristo asérabi baísquiacëxa. Cristo baísquia usaribiti ca axa ami catamëcë unicama bama ꞌaíshbi ax utëcëncëbë baísquinuxun ꞌaia.

1 Corintios 15:51

Unin ꞌunánma ñu cana mitsúnmi ꞌunánun quixun ësaquin ñuin, camáxira cananuna bamatima ꞌain. Bamacëma ꞌaíshbi cananuna camáxbi bëtsi ꞌiti ꞌain.

1 Corintios 15:6

Usai ꞌitancëx ca ꞌaisamaira, quinientos uni timë́cë acamamiribi chiquiracëacëxa. A unicamax ca raíri bamacëxa. Aín patsanëx ca bamacëma paín ꞌaish tsotia.

1 Tesalonicenses 5:10

Jesucristo ax ca nuxnu bamacëma pain ꞌaish abë ꞌianan bamatancëxbi abë tsónun nu cupí bamacëxa.

2 Timoteo 4:16

ꞌË ñuia ami uni manáncëxuan, ꞌatabaquin amia uni manáncë ꞌapun camicëx cuanxun, ꞌën usai cana ꞌi quixun chiquinaquin caiabi ca uinu ꞌicë unínbi ꞌënun rabanan ꞌapu cacëma ꞌicën. Camáxbi ca ꞌë ëbiani cuanxa. Usa ꞌë ocëbi Nucën Papa Diosan uisabi oxunma ꞌatibi ca ꞌiti ꞌicën.

2 Pedro 3:4

Cuai ca quiti ꞌicën: —Jesús ca utëcënti ꞌicë quiáxa uni quiá ꞌaínbi ca ucëma ꞌicën. Nucën raracama bamacëbëa ꞌiásabi oi ca camabi uni bamaia, ꞌimainun ca nëtë ióñua ꞌiásabi camabi ñu ꞌia.