Hechos 7:49 - Kashibo-Kakataibo Biblia

⁴⁹ Ësai ca Nucën ꞌIbu Dios quia: ꞌËx naínu ꞌicë ꞌApuira ꞌaish cushiira ꞌain ca menu ꞌicë ñucamaribi ꞌënan ꞌicën. ¿Usa ꞌëx ꞌain caramina ꞌëx anu tsónun uisa xubu ꞌë ꞌaxúnti ꞌain? ¿ꞌËx anu tantiti cara uinuira ꞌic?

Nukën 'Ibu Diosan ain unikama 'inan ain bana

⁴⁹ Ësai ca Nucën 'Ibu Dios quia: 'Ëx naínu 'icë 'Apuira 'aish cushiira 'ain ca menu 'icë ñucamaribi 'ënan 'icën. ¿Usa 'ëx 'ain caramina 'ëx anu tsónun uisa xubu 'ë 'axúnti 'ain? ¿'Ëx anu tantiti cara uinuira 'ic?

Hechos 7:49 ပူးပေါင်းရင်းမြစ်များ

1 Reyes 22:19

Kia ka Micaíasnën kakëxa: —Mix kamina usai kian, usa ꞌain kamina ꞌën ꞌIbun iskë ñu ñuikin mi kamainun upíokin kuati ꞌain: ꞌËn kana Nukën ꞌIbu anua tsótinua tsókë isan, isanan kana aín ángel naínua ꞌikë kamaribi a rapasu sëtë́kë aín mëkeu raíri ꞌimainun aín mëmiu sëtë́kë isan.

1 Reyes 8:27

ꞌAínbi kara ¿asérabi Dios ënë menu tsóti ꞌik? Naíkamë ꞌëo axbi ka chaiira ꞌaíshi mibë sënë́nma ꞌikën, ¡usa ꞌaínbi kana ꞌën unikama anuxun mi rabiti achúshi xubu ꞌaxunun ꞌamian!

Isaías 66:1

Ësai ka Nukën ꞌIbu kiaxa: “Naíkamë ꞌëo ax ka ꞌëx anu tsókë a ꞌikën, ꞌimainun ka me axribi anu ꞌën taë nankë ꞌikën. ¿Uinu kara achúshi xubu ꞌë ꞌaxunti ꞌit? ¿Uinu kara anu tantiti achúshi xubu ꞌë ꞌaxunkanti ꞌit?

Jeremías 23:24

¿Uix kara ꞌën istimaisakiax unëti ꞌik? ꞌËx kana naíkamë ꞌëonu ꞌianan kamabi menuribi ꞌain. ꞌËx min ꞌIbu ꞌaish kana ësai kin kiax ka Dios kiakëxa.

Malaquías 1:11

Kamabi me kuainakëanu tsókë unikaman ka ꞌë rabia; ꞌimainun ka kamabi menuxun ꞌë rabikin ro sanuira xaronan ñu upíirabukama aribi a isi ꞌëx kuëëntisabi okin upíokin ꞌaia.

Mateo 23:22

Axa aín bana ca asérabi ꞌicë quixun bëtsi unin ꞌunánun —naí anu Nucën Papa Dios ꞌicë a sinánquin cana asérabi mitsu cain —quicë uni ax ca anu Nucën Papa Dios ꞌicë a ꞌimainun Nucën Papa Diosribi sinani quia.

Mateo 24:2

Cacëxun ca Jesusan cacëxa: —Ënë xubu camina maxax ꞌacë ꞌaish upí isin. Usa ꞌaínbi cana mitsu cain, axa Nucën Papa Diosmi sináncëma unicaman ënë xubu camáxbi aín maxáxcamaribi rurupacëbë rurucubúti ꞌicën.

Juan 4:21

Cacëxun ca Jesusan cacëxa: —Asérabi cana mi cain, anúnmi ënë tucunuxunmabi, Jerusalénuxunmabi anumi mitsux ꞌicënuxunbi, Nucën Papa Dios rabiti nëtë ca aia.

Apocalipsis 3:21

ꞌAnan cana axa ꞌëmi catamëquin ꞌëx cuëëncësabi oi ꞌiti ëncëma unicamax ꞌëbë ꞌapu ꞌinun ꞌimiti ꞌain, ꞌëx tëmëraibi ax cuëëncësabi oi ꞌiti ëncëma ꞌicëa ꞌën Papan ꞌë abë ꞌapu ꞌinun ꞌimicësaribi oquin.