Hechos 7:46 - Kashibo-Kakataibo Biblia

⁴⁶ David an ca nucën rara Jacobnëan aín rëbúnquicamabëtan rabia Nucën Papa Dios, ami sinánquin ax anu ꞌinun xubu chaira upí oquin ꞌaxunti sináncëxa.

Nukën 'Ibu Diosan ain unikama 'inan ain bana

⁴⁶ David an ca nucën rara Jacobnëan aín rëbúnquicamabëtan rabia Nucën Papa Dios, ami sinánquin ax anu 'inun xubu chaira upí oquin 'axunti sináncëxa.

Hechos 7:46 ပူးပေါင်းရင်းမြစ်များ

2 Samuel 6:21

Kixuan kakëxunbi ka Davidnën kakëxa: —Asérabi kana ꞌëx unin ismainun ransan ax ka ꞌëbi usai ꞌisatani ꞌikëma ꞌikën. ꞌËx kana Dios an ꞌë kaisa a rabi usai ꞌian, an ka min papa ꞌianan min aintsikama ꞌakinma Israel kaman ꞌapu ꞌinun ꞌë ꞌimiakëxa. Usa ꞌain kana a rabi usai ransai ꞌian.

Hechos 13:22

Cuarenta baritia ꞌicëbëtan Saúl chiquíntancëxun ca Nucën Papa Diosan David Israel unicaman ꞌapu ꞌimiacëxa. David ñui ca Nucën Papa Dios quiacëxa: “ꞌËn iscëx ca Isaínën bëchicë, David, ax ꞌën sinánsaribi ꞌicën. Usa ꞌixun ca ꞌëx cuëëncësabi oquin ꞌati ꞌicën”.

1 Samuel 13:14

Usa ꞌaínbi ka mi ꞌimainun min rëbúnkikama uínsaranbi ꞌapu ꞌinuxuma ꞌaia. Usa ꞌain ka Nukën ꞌIbun achúshi uni an kuëënkësabi okin an ꞌati barixun aín unikama ꞌapu ꞌinun ꞌimiti ꞌikën, min kamina an kakësokin ain bana kuaisama tan.

1 Samuel 15:28

Usokin ꞌakëxun ka Samuelnën Saúl kakëxa: —Minmi ꞌën tari tukakin bikë ësaribiokin ka Nukën ꞌIbun ka mix Israel kaman ꞌapu ꞌikëbi. Mi ꞌimikinma bëtsi uni kaístakëxun, an Israel unikama min ꞌakësamaira okin atu ꞌakinun ꞌimiti ꞌikën.

1 Samuel 16:1

Achúshi nëtën ka Nukën ꞌIbun Samuel kakëxa: —¿Uínsaran kaina Saúl sinani mix masá nuitukë a ënti ꞌain? ꞌËx kana abia Israel kaman ꞌapu ꞌiti kuëënima. Usa ꞌain kamina ñuina manchan anu ꞌaruti ꞌakë anu xëni ꞌarubiani kuanti ꞌain, Jesé Belénnu ꞌikë ain xubunu, ꞌën kana ꞌain bakë bëchikë achúshi axa ꞌapu ꞌinun kaísan.