Hechos 7:36 - Kashibo-Kakataibo Biblia

³⁶ Xucëxun ca Egiptonu cuanxun Moisésnën Israel unicama anua buáncëxa. Buánquin ca Egiptonuxun ꞌanan, parúnpapa Xonsa anuxun ꞌanun, cuarenta baritian anu uni ꞌicëma menuxunribi Nucën Papa Diosan ꞌamicëxun uni itsin ꞌacëma ñu ꞌacëxa.

Nukën 'Ibu Diosan ain unikama 'inan ain bana

³⁶ Xucëxun ca Egiptonu cuanxun Moisésnën Israel unicama anua buáncëxa. Buánquin ca Egiptonuxun 'anan, parúnpapa Xonsa anuxun 'anun, cuarenta baritian anu uni 'icëma menuxunribi Nucën Papa Diosan 'amicëxun uni itsin 'acëma ñu 'acëxa.

Hechos 7:36 ပူးပေါင်းရင်းမြစ်များ

Nehemías 9:10

ꞌImainun kamina min kushi ismikin faraón ꞌimainun an ñu ꞌaxunkë unikama ꞌimainun kamabi unikama aín menu tsókë akama ismikin ñu chaiirabu ꞌakën, min kamina uisakin kara atun Israel unikama tëmëramia kixun ꞌunánkën. Usa ꞌixun kamina bërámami ꞌása okinbi mix kamina kushiira ꞌai kixun unin ꞌunánun bëríbi ñu ꞌain.

Salmos 95:10

ꞌËx kana cuarenta baritia ꞌimi ꞌitsaira atumi nishakën, usai ꞌikin kana a unikama ꞌatimati kananuna tsóti kixuan unánun ꞌunánmiakën; ¡usai ꞌikin ka ax kikësabi oi ꞌiti ꞌën bana a tankama ꞌikën!

Salmos 95:8

mitsun nuitu kamina Meribá kakë menuxun ꞌasaribiokin iruatima ꞌain; a nëtëkaman mi anu uni ꞌikëma me Masá kakë anuxun ꞌakansaribi okin,

Éxodo 12:41

ꞌimainun ka anúan cuatrocientos treinta baritia, aín chaitiokëkama Egipto menu tsónux bëba a nëtë sënë́nkë a nëtënbi ka Israel unibu atún ꞌIbun a menua chikíankëxa.

Éxodo 14:21

Usa ꞌain ka Moisésnën aín tatsi bikin Nukën ꞌIbun kakësabiokin parúmpapami okin sanankëxa, usokëbëtainshia Diosan ꞌimikëx ka amiaxa bari urukë amiax a imë́ suñu kushi bëquinëakëxa. Usai ꞌikëbë ka parúmpapa nëbëtsi baka ënanani amo rabë́ chaiira ꞌinun panárabë́akëxa. Usakin Nukën ꞌIbun ꞌimikëbë ka me ëski rakakëxa,

Éxodo 16:35

Usakian ꞌan ka Israel unibunën cuarenta baritia ꞌimikin manáishi pií anua me sënënakëkë anu uni tsóti pëukukë anu bëbakin maná piakëxa, ax ka Canaán kakë me sënëni kuainakëkë anu ꞌiakëxa.

Éxodo 3:20

Usa ꞌaínbi kana ꞌëx kushiira ꞌixun ꞌën kushi ismikin egipcio unikama bamamikin atun isama ñu ꞌati ꞌain, usakin ꞌakin kana anun rakuë́ti ñu uínsaranbi a menuxun isama ñu ꞌati ꞌain; ꞌakëbëtan ka mikama anuaxmi kuantanun ꞌain menua faraónën mitsu chikínti ꞌikën.

Éxodo 33:1

Usotankëxun ka Nukën ꞌIbun Moisés anu kuantëkënkë kakëxa: —Ënuax kuankin kamina Egipto menuami chikínbëtsinkin bëkë unikama buánti ꞌain, ꞌën min chaitiokë Abraham, Isaac ꞌimainun Jacob akama aín rëbúnki ꞌinánuxun ká me anu kamina kuanti ꞌain.

Juan 4:48

Cacëxun ca Jesusan cacëxa: —Mitsun camina ꞌën, uni itsin ꞌacëma ñu ꞌaiashi istisa tanin. ꞌËn usa ñu ꞌacëbëtanma camina, ëx cana asérabi Nucën Papa Diosnuaxa uá a ꞌai quixun sinántisama tanin.

Hechos 13:18

Bëquin ca cuarenta baritian anu uni ꞌicëma men aia, atux ami catamëisama tancëxunbi bërúancëxa.

Hechos 7:42

Usoia ca Nucën Papa Diosan atúnbia naínu ꞌicë ñu, ꞌispa, ꞌuxë, bari acama rabinun quixun ëancëxa, an Nucën Papa Dios quicë bana uni ñuixuncë unicaman ësaquin cuënëosabi oquian ꞌanun: Israel unicama, anu uni ꞌicëma me anu cuarenta baritia ꞌiquin ꞌaracacë ñuina ꞌaquinbi camina ꞌë rabicanma ꞌain.

Deuteronomio 8:4

Usai pain cuarenta baritia ꞌimi nikëbëbi ka atun chupabi këñutima ꞌianan ꞌitsaira nikëbëbi atun taëbi ꞌuáma ꞌikën.

Hebreos 3:8

camina cuacëmasa otima ꞌain, mitsun raracama ꞌásaribi oquin. Atux ca Nucën Papa Diosan ꞌaquincëxbi an cacë bana cuaisama tani ꞌatimati banai, —Nucën Papa Diosan ca nu uisabi oima —quicësa ꞌiacëxa, anu uni ꞌicëma menuax.

Hebreos 3:9

Ësai ca Nucën Papa Dios quia: Anuax ca ꞌën cuarenta baritia atu bërúanquin ñu ꞌaxuncëxun isíbi mitsun raracama ꞌëmi sinanima ꞌatimati banacëxa.

Hebreos 8:9

A banax ca judíos unicama Egipto menua buánquin uisai cara atux ꞌiti ꞌicë quixun ꞌën Moisés cá banasama ꞌiti ꞌicën. Judíos unicama ꞌaquinsa tanquinbi cana atúan ꞌën bana cuaquin ꞌën cacësabi oquin ꞌacëma cupí atu ëancën.