Hechos 7:35 - Kashibo-Kakataibo Biblia

³⁵ A aín aintsin titicaquin —¿uin cara nun ꞌapu ꞌixunmi nun ꞌacë ñucama mëníonuxun isnun mi cax? —quixun cacë, a Moisésbi ca Nucën Papa Diosan atun cushi ꞌixuan aín aintsicama tëmëraiabi ië́minun xuacëxa. Usoquin ca imaxunuax abë banaquian Moisés canun aín ángel camiacëxa.

Nukën 'Ibu Diosan ain unikama 'inan ain bana

³⁵ A aín aintsin titicaquin —¿uin cara nun 'apu 'ixunmi nun 'acë ñucama mëníonuxun isnun mi cax? —quixun cacë, a Moisésbi ca Nucën Papa Diosan atun cushi 'ixuan aín aintsicama tëmëraiabi ië́minun xuacëxa. Usoquin ca imaxunuax abë banaquian Moisés canun aín ángel camiacëxa.

Hechos 7:35 ပူးပေါင်းရင်းမြစ်များ

Éxodo 14:19

Usai israel unibu kuani parúmpapa abu kikiani kuankëbë ka Diosan ángel rëkuë́nkiankë ax atu kaxú tsianakëxa, tsianakëbë ka usaribiti nëtë kuin rëkuë́nkiankë axribi suntárukama a bëarati Israelkama kaxú tsianakëxa.

Éxodo 14:24

ꞌaínbi ka pëkarakuatsínkëbëtan Nukën ꞌIbun egipcio suntárukama nëtë kuin tsi rëkirukësa anuxun iskin aín caballonën nikinkë akamaxa chakanani masónanun ꞌimiakëxa;

Éxodo 2:14

Usakian kakëxunbi ka an bëtsi mëkë hebreo unin kakëxa: —¿Uin kara mi nun ꞌapu ꞌianan nun kushi ꞌinun mi ꞌimiax? ¿Min kaina egipcio unimi ꞌakësokin ꞌë ribi ꞌati sinanin? Ësokian kakëxun kuati ka Moisés rakuë́akëxa, rakuë́kin ka ꞌën egipcio uni rëonkë a ka ꞌunánxa kixun sinánkëxa.

Éxodo 32:34

Usa ꞌain kamina ënë unikama a me ꞌinánnuxun mi kakë anu uanti ꞌain. ꞌËn ángel kana an mi rëkuë́n obianun xuti ꞌain. ꞌImainun kana uínsaran kara uni ꞌaisamaira tëmëramiti nëtë ꞌia a nëtën, kana atun ꞌucha kupín ꞌën ꞌaisamaira tëmëramikin ꞌatima oti ꞌain.

Éxodo 33:2

ꞌËn ángel kana an mitsu kuania rëkuëonxun buánti xuti ꞌain. ꞌImainun kana ꞌën a menua ꞌikë ëmakama cananeos, amorreokama, hititas, ferezeos, heveos ꞌimainun jebuseos akaman menumi mitsux bukunun chikínti ꞌain.

Isaías 63:9

kamabi atun tëmërakë anuabi. Usa ꞌixun ka bëtsi uni an ië́minun xukinma, Nukën ꞌIbunbi ka ië́miakëxa. An ka bitëkëánkëxa nuibanairakë ꞌixun; aín pëñanën birukësa ꞌinun ꞌakiankëxa. Usakin ka bërámabi ꞌa ꞌixun ꞌakiankëxa.

Números 20:16

usakin ꞌakëxun kananuna Nukën ꞌIbu nu ꞌakinun kixun sharákin ñukákën, ñukákëxun kuankin ka aín ángel achúshi Diosan xuakëxa, xukëxun ka Egipto menua nu chikíankëxa. Usa ꞌain kananuna bërí, Cadés kakë ëma anua min me sënënakëkë anu ꞌain.

Marcos 12:26

Mitsúnmi —bama ꞌaish ca uni baísquitima ꞌicë —quixun sinania cana mitsu cain, ca usama ꞌicën. ¿Caramina Moisésnëan imaxu nëëmëtia isa ñui quicë bana iscëma ꞌain? Imaxu rëquirucënuax banaquin ca Nucën Papa Dios Moisés ësaquin cacëxa: “ꞌËx cana Abraham, Isaac, Jacob acaman rabicë Dios, a ꞌain”.

Lucas 19:14

Usaquin catancëxa cuanbi ca a menu ꞌicë unicama ami nishcë ꞌixun, —a uni cananuna nun ꞌapu ꞌiti cuëënima —quixuan ꞌapu catánun quixun uni xuquin camiaxa.

Juan 18:40

Cacëxunbi ca amiribishi munuma cuëncëni banaquin judíos unicaman cacëxa: —A ꞌaxunma ca Barrabásëshi chiquin. Barrabás, ax ca an ñu mëcamacë uni ꞌiacëxa.

Juan 19:15

Cacëxun ca cuëníshoquin cacëxa: —Ca bamati ꞌicën, ca bamati ꞌicën. I curúsocënu ca matas. Cacëxun ca Pilátonën cacëxa: —¿ꞌËn carana mitsun ꞌapu i curúsocënu matásmiti ꞌain? Quia ca sacerdotenën cushicaman cacëxa: —Nun ꞌapu itsi ca ꞌaíma ꞌicën. Césarnëxëshi ca nun ꞌapu ꞌicën.

Hechos 2:36

Usa ꞌain camina mitsux Israel unicama ꞌixun asérabi ꞌunánti ꞌain, mitsúnmi i curúsocënu matásmicë, a Jesúsbi ca Nucën Papa Diosan nucën ꞌIbu ꞌimianan axa utinu nun caíncë, Cristo, a ꞌimiaxa.

Hechos 3:22

Moisésnën ca bëráma nucën rara judíos unicama ësaquin cacëxa: “An ꞌë ꞌimicësaribi oquin ca Nucën ꞌIbu Diosan mitsun rëbúnqui achúshi an ax quia bana unicama ñuixunti ꞌimiti ꞌicën. ꞌImicëxuan an atu cacësabi oi ca mitsun rëbúnquicama ꞌiti ꞌicën.

Hechos 5:31

Usotancëxun ca abëa aín mëqueu ꞌApu ꞌinun ꞌimiaxa. ꞌImianan ca axa atun ꞌApu ꞌaían a cupíshi sinanati Israel unicama atun ꞌucha tërë́ncë ꞌaish ië́cë ꞌinun ꞌimiaxa.

Hechos 7:30

Usaquin catancëxun ca ësaquinribi Estebanën ꞌapucama cacëxa: —Cuarenta baritia Madián menu ꞌitancëx ca Sinaí cacë aín bashi ꞌurama, anu uni ꞌicëma me, anu Moisés ꞌiacëxa. Anu ꞌixun ca imaxu anuax tsi rëquirucë mëúcüa ángel achúshi isacëxa.

Hechos 7:51

Usaquin caxun ca ësaquinribishi Estebanën cacëxa: —Mitsux camina bana sinanima, nuituñuma ꞌaish pabíñumasa ꞌiá ꞌaish usabi ꞌain, Nucën Papa Dios ꞌunáncëma unisaribi ꞌaish. Camabi nëtë́an Nucën Papa Diosan Bëru Ñumshin Upitan mitsu sinánmicë ꞌitsíanxbi camina an sinánmicë ꞌiisama tanin. Mitsun rara ꞌiásaribiti camina mitsux ꞌin.

Colosenses 1:15

Uinu ꞌicë unínbia Nucën Papa Dios istima ꞌaínbi ca unían uisa cara Nucën Papa Dios ꞌicë quixun ꞌunánun asaribi ꞌaish aín Bëchicë ënë menu uacëxa. Añu ñubi unitisama ꞌain ca axira pain aín Papabë ꞌiacëxa.

Hebreos 2:2

Bëráma ca ángelcaman ꞌaquinmainun Nucën Papa Diosan nucën raracama ñuixunun quixun, Moisés aín bana ꞌináncëxa. Usa ꞌain ca raírinën a bana quicësabi oquin ꞌamainunbia an a bana quicësabi oquin ꞌacëma unicama, a Nucën Papa Diosan atun ꞌucha cupíbi castícancëxa.

Apocalipsis 15:3

Anuax ca Nucën Papa Dios rabi cantaxa. Moisés, an Nucën Papa Diosan cacësabi oquin ꞌá, a sinánan Carnero ꞌicësaribitia unin ꞌucha cupí bama, an Nucën Papa Dios cuëëncësabi oquin ꞌá, aribi sinani ca Nucën Papa Dios rabi cantaxa. Ësai quicë ca a canta ꞌiaxa: Minmi ꞌacë ñucamax ca upíira ꞌicën, unin sináncësamaira oquin sinánquin camina ñu ꞌacën. Mix camina Nucën ꞌIbu Dios ꞌain. Min cushix ca chaira ꞌaish bëtsi cushisama ꞌicën. Mix cushiira ꞌaish camina camabi menu ꞌicë unicaman ꞌApu ꞌain. Usa ꞌaish camina sinánñuira ꞌixun paránquinma atúxribia upí ꞌinun ꞌiminux atun ꞌApu ꞌain.

1 Samuel 10:27

ꞌAínbi ka Israel uni aín patsan axa ñu upí kuëënkëma ax ami ꞌatimati banai ësai kikankëxa: —“¿Ënëx kara an nu ië́miti a ꞌik? Ësai kanankin a timai ka ax ka nun ꞌapu ꞌikë kisama tankankëxa; usai kikaniabi ka Saúlnën atu kuakëmasa okëxa.

1 Samuel 12:8

Jacob ꞌimainun aín aintsikamaxa Egipto menu tsóti kuankë ka a menuxun egipcio unikaman nun chaitiokëma ꞌaisamaira okin ñu mëëmikëx Diosan ꞌakinun kiax kikankëxa, usai ꞌikëbëtan ka Nukën ꞌIbun Moisés ꞌimainun Aarón an atu Egipto menua chikínun kixun ꞌamiakëxa, usakin ꞌakëx ka utankëx anunu bërí nux tsókë ënë menu atux pain tsókankëxa.