Hechos 7:34 - Kashibo-Kakataibo Biblia

³⁴ Egipto menuaxa ꞌën unicama tëmëraia isanan cana atúxa unin bëtsi bëtsi ocëx nuibacati banaiaribi cuan. Cuaxun acama tëmëraiabi ië́mi cana uan. Ië́minuxun cana mi pain Egiptonu xutin”.

Nukën 'Ibu Diosan ain unikama 'inan ain bana

³⁴ Egipto menuaxa 'ën unicama tëmëraia isanan cana atúxa unin bëtsi bëtsi ocëx nuibacati banaiaribi cuan. Cuaxun acama tëmëraiabi ië́mi cana uan. Ië́minuxun cana mi pain Egiptonu xutin”.

Hechos 7:34 ပူးပေါင်းရင်းမြစ်များ

Génesis 11:5

ꞌAínbi ka Nukën ꞌIbun usakian ëma ꞌimainun torre unikaman ënën menma chaiorukin ꞌakë a ubuxun isakëxa.

Génesis 11:7

Usa ꞌain ka Nukën ꞌIbu Diosan atun ñu ꞌaia istisatankëx kiakëxa, bëtsi bëtsi banan bananun kananuna uni ꞌimiti ꞌain, usai ꞌi ka bëtsin kakëxunbi bëtsin bana kuakámati bënëti ꞌikën.

Génesis 18:21

usa ꞌain kana bërí anu kuanti ꞌain, asérabi kana atun ꞌucha chaiira ꞌimainun ꞌatimañuira ꞌaia kixuan ñuia kuan. Usa ꞌain kana asérabi kara unin ñuia kuakë ax usa ꞌikë ꞌunánti ꞌain.

Nehemías 9:9

Min kamina uisai kara nun chaitiokëkama Egipto menuax tëmëraia kixun isakën, usa ꞌixun kamina parúmpapa xónsa kakë a kuëbínuxuan atun mi ñukákëxun kuakën.

Salmos 105:26

Usa ꞌain ka Diosan aín uni Moisés, ꞌimainun Aarón an ꞌakintia kaískë uni a xuakëxa,

Éxodo 3:14

ꞌImainun ka Diosan kakëxa: —ꞌËx kana axa nëtë́timoi tsókë a aín. Usa ꞌain kamina israel unibu kati ꞌain: ꞌËnbi kana atunu mi xuti kixun kamina kati ꞌain.

Éxodo 4:31

ꞌAia iskin ka Israel unikaman asérabi ka kixun sinánkëxa. Sinánkin ka Nukën ꞌIbun ka nux ꞌaisamairai tëmëraia isaxa kixun sinánkankëxa, sinani ka aín bëmánanën memi bëtiki tsóbukin Dios rabikankëxa.

Isaías 64:1

Nukën Ibu Dios nux kananuna kuëënti ꞌain, mixmi naíkamë ꞌëo panárabëkë anun ukëbë aín bashikama shaíkitanun uti kuëënin,

Miqueas 6:4

ꞌËn kana mitsun chaitiokëma Egipto menuxun tëmërakin ñu mëëiabi chikiankën; usokin ꞌanan kana Moisés këñun, Aarón ꞌimainun María, an atu ꞌakinun xuakën.

Números 11:17

Anu ubútankëx kana ꞌëx mibë anuax banati ꞌain, ꞌimainun kana mi ꞌinánkë ꞌën kushi usaribi atu ꞌinánti ꞌain, ꞌinánkëxun ka atúnribi ënë unikama buánti isti mi ꞌakinti ꞌikën. Usa ꞌain kamina atun ꞌakinkëx mixi nuibakatima ꞌain.

Juan 3:13

Uinu ꞌicë unínbia anu ꞌicë ñu ꞌunáncë ꞌaímabi cana ꞌën cuni anuax uá ꞌixun ꞌunanin.

Jueces 2:18

Uínsaran kara Nukën ꞌIbu an atu ꞌakinun uni achúshi ꞌapu ꞌimia, anun ka anbi ꞌakiankëxa, ꞌakinia ka Diosan Israel an ꞌakinti kaískë unikaman ami nishkë unikaman ꞌaia nuibakin, ꞌakiankëxa, ꞌakinkin ka a unikama atunua chikínun ꞌamiakëxa.