Hechos 7:30 - Kashibo-Kakataibo Biblia

³⁰ Usaquin catancëxun ca ësaquinribi Estebanën ꞌapucama cacëxa: —Cuarenta baritia Madián menu ꞌitancëx ca Sinaí cacë aín bashi ꞌurama, anu uni ꞌicëma me, anu Moisés ꞌiacëxa. Anu ꞌixun ca imaxu anuax tsi rëquirucë mëúcüa ángel achúshi isacëxa.

Nukën 'Ibu Diosan ain unikama 'inan ain bana

³⁰ Usaquin catancëxun ca ësaquinribi Estebanën 'apucama cacëxa: —Cuarenta baritia Madián menu 'itancëx ca Sinaí cacë aín bashi 'urama, anu uni 'icëma me, anu Moisés 'iacëxa. Anu 'ixun ca imaxu anuax tsi rëquirucë mëúcüa ángel achúshi isacëxa.

Hechos 7:30 ပူးပေါင်းရင်းမြစ်များ

1 Reyes 19:8

Usakian kakëx bësui niruxun ka Elíasnën pianan xëakëxa. A pitia pikë an ka cuarenta nëtë ꞌimainun cuarenta ñantan nikiani kuanxa aín bashi Horeb kananbi Diosan bashi kakëribi anu bëbati kushiñua ꞌinun ꞌakiankëxa.

Salmos 66:12

Usakin ꞌakin kamina bëtsi unikamanbia atun kuëënkësa okin nu tëmëraminun ëankën, usokëx kananuna bakan sikánan tsi rëkirukë iskësa anun nu inúmiakën, usakin pain abëtsinkin kamina anua piti ꞌaisamaira ꞌikë me upí ënu nu bëakën.

Éxodo 3:6

Kakin ka ësokinribi kakëxa: —ꞌËx kana min chaitiokë aín Dios ꞌain ꞌimainun kana Abraham, Isaac Jacob akaman rabia Dios a ꞌain. Usakian kakëxun kuati ka Moisés aín chupan Dios istisamatani rakuë́ti bëmápuakëxa,

Éxodo 7:7

Usa ꞌain ka a nëtë́an ꞌapu faraónbë banai kuankë anu, Moisés ochenta baritiañu ꞌiakëxa, ꞌimainun ka Aarón axribi ochenta ꞌimainun tres baritiañu ꞌiakëxa.

Isaías 43:2

Mitsux ꞌumpaxan ꞌinúkëbëbi kana ꞌëxribi anu ꞌiti ꞌain, usa ꞌain kamina bakaribi sikatibi bakami kitima ꞌain, ꞌianan ka tsi rëkirukënën anun inutiabi mi chuxtima ꞌikën, ꞌianan ka ꞌain rëkirukë anbi mi xanotima ꞌikën.

Isaías 63:9

kamabi atun tëmërakë anuabi. Usa ꞌixun ka bëtsi uni an ië́minun xukinma, Nukën ꞌIbunbi ka ië́miakëxa. An ka bitëkëánkëxa nuibanairakë ꞌixun; aín pëñanën birukësa ꞌinun ꞌakiankëxa. Usakin ka bërámabi ꞌa ꞌixun ꞌakiankëxa.

Daniel 3:27

usai ꞌikëbë ka a menu ꞌikë ꞌapukama anua timë́kë ax uisa karaisa a unikama tsin oxa iskatsi kiax atu ꞌurama rikuatsiankëxa, rikuatsinxun iskinbi ka tsi rëkirukënëan atun nami uisabi okëma iskankëxa, usa ꞌikë ka aín bu achúshirabi tsin sarakakëma ꞌianan atun pañukë chupabi tsin uisabi okëma ꞌaish tsin mënukë ꞌishakëbi xëkëma ꞌiakëxa.

Malaquías 3:1

Nukën ꞌIbu kamabi kushiñu ax ka ësai kia: “ꞌËn kana an ꞌën bana ñuiti uni xutin, usa ꞌixun ka unikama ꞌën bana ñuixunkëx bai mëniokësa ꞌitánun sinanamikin ñuixunti ꞌikën. Nukën ꞌIbu Dios ami mitsun kainkë ax ka ënuax basimashi anuxun a rabiti xubunu bëbati ꞌikën. ¡A mitsun kainkë uni ax ka uisai kikë kara achúshi ñu ꞌakë kikë bana ax ꞌikë kixun, anbi mitsu ñuixuni aia!”

Marcos 12:26

Mitsúnmi —bama ꞌaish ca uni baísquitima ꞌicë —quixun sinania cana mitsu cain, ca usama ꞌicën. ¿Caramina Moisésnëan imaxu nëëmëtia isa ñui quicë bana iscëma ꞌain? Imaxu rëquirucënuax banaquin ca Nucën Papa Dios Moisés ësaquin cacëxa: “ꞌËx cana Abraham, Isaac, Jacob acaman rabicë Dios, a ꞌain”.

Lucas 20:37

Uni bama ꞌaish ca baísquiti ꞌicë quixun nun ꞌunánun ca Moisésnën imaxu nëëmëtia iscë ñuiquin ësaquin cuënëocëxa, Nucën ꞌIbu Dios ax ca Abraham, Isaac, Jacob acaman rabicë Dios ꞌicë quixun.

Hechos 7:17

Usaquin catancëxun ca ësaquinribi Estebanën cacëxa: —Jacob, aín anë itsi Israel, a ꞌimainun aín bëchicëcama Egiptonuax cëñúa ꞌaínbi ca aín rëbúnquicama anubi bucüacëxa. A nëtën Egiptonuax cuanti Nucën Papa Diosan Abraham ñuixuan, a nëtë ꞌurama ꞌain ca Jacobnën bëchicënën rëbúnquicama nucën rara ꞌiá, atux ꞌaisamaira ꞌinun uati bucüacëxa.

Hechos 7:31

Usai ꞌia isi ratutia —uisa cara —quixun ñachaquin isnux a ꞌurama cuaniabi ca Nucën ꞌIbu Diosan ësaquin Moisés cacëxa:

Hechos 7:32

“ꞌËx cana min raracama aín Dios ꞌain. Abraham, Isaac, Jacob acaman Dios cana ꞌëx ꞌain”. Ësai quia cuati racuëti bërëruquin ca Moisésnën istisama tancëxa.

Hechos 7:35

A aín aintsin titicaquin —¿uin cara nun ꞌapu ꞌixunmi nun ꞌacë ñucama mëníonuxun isnun mi cax? —quixun cacë, a Moisésbi ca Nucën Papa Diosan atun cushi ꞌixuan aín aintsicama tëmëraiabi ië́minun xuacëxa. Usoquin ca imaxunuax abë banaquian Moisés canun aín ángel camiacëxa.

Gálatas 4:25

Aín bashi Sinaí ax ca Arabia menu ꞌicën. Aín bashi Sinaínuxuan abë banaquin Nucën Papa Diosan Moisés, usai ca aín unicama ꞌiti ꞌicë quixun cá bana ꞌacë cupí cana Nucën Papa Diosan uni ꞌai quixun sináncë unicamax ca Jerusalénu ꞌicë unicamasa ꞌicën. Usaquin sináncë unicamax ca Agarnën tuá ꞌiásaribi ꞌicën. Usa ꞌaish ca ësa ꞌicën. Nucën Papa Diosan, min xanun ca mi tuaxunuxun ꞌaia cá bana sinánquinma ca Abrahamnën bëchicëñu ꞌiti cuëënquinshi Agar cacë xanumi bëchiacëxa. Usa ꞌaish ca a tuá a Nucën Papa Diosan Abraham ñuixuan, ama ꞌiacëxa.

Deuteronomio 33:16

usa ꞌain ka ain menu ꞌapákëxun a piti ñun ꞌaisamaira ꞌitánun upíokin tuati ꞌikën, ꞌimainun ka axa tsi rëkirukësari i pëñanakëkënu mërakin aín unikama ꞌakinun ꞌë ká anbi ka aín xukë́nkama kaiskima José aín xukë́antun ꞌapu ꞌiti kaisakëxa.

Deuteronomio 4:20

Usokin a ñukama unio ꞌixun ka Nukën ꞌIbun mitsu Egipto menuax ꞌaisamaira ñu mëëi anuxun manë xaroti ꞌakë anuax ꞌikësai tëmëraiabi Diosan chikínxun ain uni ꞌinun mitsu ꞌimiakëxa, usa ꞌikë ka ain uni ꞌinun nu ꞌimiaxa.