Hechos 7:25 - Kashibo-Kakataibo Biblia

²⁵ Usotancëxun ca aín aintsi ꞌaquinsa tanquin Moisésnën sináncëxa, ꞌën aintsin ca ꞌunania, Nucën Papa Diosan ꞌamicëxun cana atu tëmëraiabi ië́miti ꞌai quixun. Usaquian Moisésnën sinaniabi ca aín aintsicaman ꞌunánma ꞌicën.

Nukën 'Ibu Diosan ain unikama 'inan ain bana

²⁵ Usotancëxun ca aín aintsi 'aquinsa tanquin Moisésnën sináncëxa, 'ën aintsin ca 'unania, Nucën Papa Diosan 'amicëxun cana atu tëmëraiabi ië́miti 'ai quixun. Usaquian Moisésnën sinaniabi ca aín aintsicaman 'unánma 'icën.

Hechos 7:25 ပူးပေါင်းရင်းမြစ်များ

2 Reyes 5:1

Anu ka achúshi uni Naamán kakë Sirianu ꞌikë ꞌapun suntárukaman kushi ꞌiakëxa a ka upíokin aín ꞌapun nuibakëxa, a unin ka Diosan ꞌakinkëxun Sirianu ꞌikë unikama axa ami nishkë unikaman ꞌaiabi an ira abámikin aín suntárukamabëtan ꞌakë uni ꞌiakëxa. Usa ꞌaínbi ka a unix an nami chëkimikë ꞌinsínñu ꞌiakëxa.

Éxodo 2:12

Mërakin ka unin karaisa isima kixun isbëkinkin isakëxa, iskëxunbia uínbi isiama okin anun rabanan në́ëkin ka aín aintsi an mëëkë egipcio uni ꞌaxun masinu maíankëxa.

Marcos 9:32

Usaía quiabi ca atun cuama ꞌicën. Cuatímabi ca upí oquian ñuixunun Jesús catimi racuë́acëxa.

Lucas 18:34

Jesusan usaquin cacëxunbi ca aín ꞌunánmicë unicaman uisai cara quia quixun cuama ꞌicën. Uisai qui cara usai quia quixunbi ca ꞌunánma ꞌicën.

Lucas 9:45

Usaía quiabi ca atun cuama ꞌicën. Atúan cuaxunma ꞌanun ca Nucën Papa Diosan atu cuamiama pain ꞌicën. Usa ꞌain ca upí oquian ñuixunun Jesús catimi aín ꞌunánmicë unicama racuë́acëxa.

Hechos 14:27

Usa ꞌain ca bëbaxun axa Jesucristomi catamëcë unicama timëacëxa. Timëxun ca Nucën Papa Diosan ꞌamicëxuan ꞌacë ñucama ñuixuanan —judíos unicamaxëshima, judíosma unicamaxribi ca Nucën ꞌIbu Diosan sinánmicëx Jesucristomi catamëtia —quixun ñuixuancëxa.

Hechos 15:4

Usaquin ñuixunbiani cuani ca raíribë Bernabé ꞌimainun Pablo Jerusalénu bëbacëxa. Bëbaia isquin ca axa Jesucristomi catamëcë unicamabëtan, atun cushicama ꞌimainun aín bana ñuixunuan Jesusan caíscë unicamanribi cuëë́nquin —¿caina ain? —caquin atu biacëxa. Bicëxun ca —nun nu bana unicama ñuixuncëxuan cuatia ca Nucën Papa Diosan ꞌitsa uni Jesucristomi sinánmiaxa —quixun ñuixuancëxa.

Hechos 15:7

Timë́xun sinania ꞌuran canania oi niruqiun ca Pedronën atu cacëxa: —ꞌËn xucë́antu, camina ꞌunanin, Nucën Papa Diosan ca, Jesucristomi catamëtishi ca uni ainan ꞌinux ië́ti ꞌicë quixun judíosma unicama ñuixunun micama achúshi ꞌë caísacëxa, usaquin ꞌën ñuixuncëxun cuatía atúxribi ainan ꞌinun.

Hechos 21:19

ꞌIcë —¿uisa caina ꞌai? —quixun catancëx atubë banaquin ca Pablonën uisaira oquin cara Nucën Papa Diosan ꞌamicëxun, anua judíosma unicama ꞌicë ëmacamanuxun ñu ꞌaxa quixun ñuixuancëxa.

Hechos 7:24

Cuanquin ca Egiptonu ꞌicë unin Israel uni achúshi ami mëparamëquin mëëquin ꞌatimoia mëraxun, anun rabanan nëëquin, Egiptonu ꞌicë uni ꞌacëxa.

Hechos 7:26

Usoquin ꞌonx isi cuantëcënquinbi ca aín aintsi rabë́ mëëanania mëracëxa. Mëraquin ca ënananmicasquin cacëxa: ¿Uisacatsi caramina nuibananshitima min aintsibë mëëananin?

Romanos 15:18

Judíosma unibunën Nucën Papa Diosan bana cuati ami catamënun ca Cristonën ꞌë a banacama ñuixunun ꞌaquianxa. An usaquin ꞌacë ñucamaishi cana unicama ñuixunin. ꞌË cushioquin ca Cristonën aín cushínbi ꞌën judíosma unibu upí oquin bana ñuixuanan atun aín cushi ꞌunánun uni itsin ꞌacëma ñuribi ꞌanun ꞌë ꞌimiaxa.

1 Corintios 15:10

Nucën Papa Diosan nuibaquin ꞌimicëx cana ꞌëx bëráma ꞌiásama ꞌain. Ñancáma ca ꞌë aín uni ꞌimiacëxa. ꞌImicëxun cana aín ꞌunánmicë unicaman ꞌacësamaira oquin a ñuiquin unicama ñuixuan. Ñuixunquinbi cana ꞌënbi ꞌacëma ꞌain, Nucën Papa Diosan aín cushin ꞌamicëxuinshi cana ꞌan.

1 Corintios 3:9

Nucën Papa Dios cuëëncësabi oquin cananuna nucaman mitsu Jesucristomi sinánun aín bana ñuixuancën, unían ñu bëru ꞌapácësaribi oquin. Usa ꞌain ca Nucën Papa Diosan unían ꞌapácë ñu bërua comicësaribi oquin Jesucristomi upiti catamënun mitsu ꞌimia. ꞌImainun ca ësa ꞌicën: Xubuoquin ca unin amia cushiti itácama pain nitsíntancëxun i puruia. Usotancëxun ca aín mascuáncama ꞌaia. Usoquian ꞌacëx ca xubu upí ꞌia. Usaribi oquin ca Nucën Papa Diosan mitsu upí oquin ꞌacë xubu achúshisa ꞌinun ꞌimia.

2 Corintios 6:1

Nucën Papa Diosan bana cuënëo ca ësai quia: Anúnmi ꞌë ñucácë nëtën cana min bana cuan. Cuaquin cana anúnmi ꞌënan ꞌinux ië́ti nëtën mi ië́mian. A bana quicësabi oi ca bëríribi anúan mitsun ñucácëxun cuati nëtë a ꞌicën, bëríbi ca anúan mitsu ainan ꞌinun ië́miti nëtë ꞌicën. Usa ꞌain cananuna Nucën Papa Diosbëtan mitsu cain, an mitsun bana cuanan ꞌaquinsa tancëxun camina an mitsu ꞌaquinun axa cuëëncësabi oquin a ñucáti ꞌain.

Colosenses 1:29

Usaía aín unicama ꞌinun quixun cana Cristonën ꞌë cushiocëxun ënquinma aín bana ñuixunin.

Jueces 15:12

Usakin kakëxunbi ka atunribi kakëxa: —Nukamax kananuna mi filisteo unikama ꞌinánti ñatankin bitsi uan. Kakëxunbi ka Sansónnën kakëxa: —ꞌË kamina sinanátëkëntimokin mitsun kamina ꞌë rëtëtima ꞌai kixun kati ꞌain.

1 Samuel 14:45

ꞌAínbi ka usai kiabi kamabi uni kaman Saúl kakëxa: —¡Uisai ꞌiax kara Jonatán bamati ꞌikën, an ka Israel kama nunnu filisteo unibu ꞌanun nu ꞌamiaxa! ¡Usakin ꞌakë a kupíma! ¡Nukën ꞌIbu ka ax ñukëma ꞌaish tsóxun isia, usa ꞌain ka Jonatán menu pakëanan. Aín bu achúshirabi nipakëtima ꞌikën! Usakian bërí ꞌakë ax ka Diosan ꞌakinkëxun ꞌakë ꞌiaxa. Ësakin ꞌakin ka Israel kama raírinën Jonatán ꞌakë ꞌiti ꞌikëbi ië́miakëxa.

1 Samuel 19:5

an ka filisteo uni achúshi axa ꞌakánanti ꞌunánkë ꞌikëbi ꞌakëmasa okinshi Goliat an ira ꞌaisa ꞌixunbi ꞌaxa, usakin ka Israel unikama ꞌakinun Nukën ꞌIbun ꞌamiaxa, ꞌaia kamina minbi isan isi kamina ꞌitsaira kuëan. ¿Usa ꞌain kamina ñu ꞌaisama ka ꞌakëma ꞌikë David ꞌati sinántima ꞌain?