Hechos 7:2 - Kashibo-Kakataibo Biblia

² Cacëxun ca Estebanën cacëxa: —ꞌËn aintsicama ꞌimainun caniacëcë unicama nun cushibu, ꞌën mitsu camainun ca cuat. Nucën rara Abrahamnëx ca Harán cacë menu ꞌiisama pain ꞌaish Mesopotamia menu ꞌiacëxa. Anua ꞌicë ca ax upíira ꞌixun nucën rara Abraham Nucën Papa Diosan cacëxa:

Nukën 'Ibu Diosan ain unikama 'inan ain bana

² Cacëxun ca Estebanën cacëxa: —'Ën aintsicama 'imainun caniacëcë unicama nun cushibu, 'ën mitsu camainun ca cuat. Nucën rara Abrahamnëx ca Harán cacë menu 'iisama pain 'aish Mesopotamia menu 'iacëxa. Anua 'icë ca ax upíira 'ixun nucën rara Abraham Nucën Papa Diosan cacëxa:

Hechos 7:2 ပူးပေါင်းရင်းမြစ်များ

Génesis 11:31

Usa ꞌain ka Térah ax Ur kakë ëma anuax Canaán kakë menu kuani kuankëxa, kuankin ka Abramkëñun aín xanu Sarai aín piaka akëñun aín xuta Lot a Buánkëxa. ꞌAínbi ka Haram kakë ëma anu, bëbatankëx anu tsóti bërúakëxa.

Génesis 12:1

Usa ꞌain ka Nukën ꞌIbun achúshi nëtë ꞌikëbëtan Abram kakëxa: min menuax ka kuantan, min aintsikama ëbiani kamina ënë menuax kuanti ꞌain, bëtsi menu kamina kuanti ꞌain, ꞌën mi ismimainun.

Génesis 12:5

Kuankin ka aín xanu Sarai këñun aín piaka Lot buánkëxa, ꞌimainun ka aín ñuina aín ñukama ꞌimainun aín ñumëmikë unikama Harán kakë me anuxuan bikë akama buánkëxa. Buani kuanx ka Canaán menu bëbakëxa,

Génesis 15:7

Ësakinribi ka kakëxa: —ꞌËx kana min ꞌIbu ꞌain; usa ꞌixun kana ꞌën mi Ur kakë me anua caldeo unibu tsókë anua chikiankën, ënë me xënibua ꞌaínbi minanbi ꞌinun ꞌinánuxun.

Génesis 29:4

Usakian ꞌakëbë anu nukúkin ka Jacobnën an ñuina bërúankë unikama ñukákëxa: —¿Uinu ꞌikë kaina, mitsux ꞌain? Kakëxun ka: —Nux kananuna Haránnu ꞌikë ꞌain —kixun atun kakëxa.

Nehemías 9:7

Usa ꞌain ka anu ꞌikë ꞌispakamanribi mi rabia, Dios min kamina min uni ꞌiminuxun Abraham kaisakën usa ꞌixun kamina Ur kakë caldeokaman, ëma anua chikíntankëxun Abraham kakin minbi anëakën.

Salmos 24:10

¿Ui kara ꞌapuira ꞌianan kushiira ënëx ꞌik? ¡Ax ka Dios kamabi kushiñu a ꞌikën! ¡Ax ka Dios ꞌapuira a ꞌikën!

Salmos 24:7

¡Ax irapain ꞌia Jerusalénnu ꞌikë xëputi chaiirakama ka xëókiti ꞌikën! ¡Xëókia anun atsían xëkuë ax mërakëbë ka anun ꞌapuira ax atsínti ꞌikën, ax ka kamabi unin ꞌapu ꞌiti ꞌikën!

Isaías 6:3

Usai ꞌika bëtsibë bëtsibë kánani ësai kiaxa: “Nukën ꞌIbu kamabi kushiñu ax ka upíira upí, upíira upí ꞌikën; kamabi an menu unio ñukaman ka ax ka kushiira ꞌikë kixun ꞌunania.”

Mateo 6:13

Ñunshin ꞌatimanën ꞌapúan nu ñu ꞌatima ꞌamixunma ꞌanun camina nu bërúanti ꞌain. Nun ñu ꞌatima ꞌati ꞌicëbi camina nu usa ñu ꞌaxunma ꞌanun nu ië́miti ꞌain. Mix cushiira ꞌaish xënibua ꞌaínbi ꞌApu ꞌicë ca camabi unin mi rabiti ꞌicën. Usai ꞌinun min ꞌimiti cana cuëënin.

Lucas 2:14

—¡Naínu ꞌicë Nucën Papa Dios rabinun ca ꞌat! ¡Ënë nëtënuaxa Nucën Papa Diosbë upí ꞌicë unicamax ca chuámashirua ꞌican!

Juan 1:14

Nucën Papa Diosan Bana a ca bëtsi tuásaribi ꞌinun xanun bacë́ancëxa, uni ꞌinun. Nucën Papa Diosan sinánsaribi ꞌixun ca ënë menu ꞌicë unicama abë ꞌixun nuibacëxa. Ax aín Bëchicë Achúshi ꞌaish aín Papa Diossaribi ꞌaish aín sinan upíira upí cananuna isacën.

Juan 12:41

Ësaquin ca Isaíasnën cuënëocëxa, an Nucën Papa Diosan ꞌimicëxun Jesusan usoquin ñu ꞌati isanan bana ñuixunti iscë cupí.

Hechos 22:1

ꞌËn aintsicama ꞌimainun caniacëcë unicama, uisai carana ꞌia quixun ꞌën asérabi mitsu ñuixunmainun ca cuat.

Hechos 23:7

Ësaía quia cuati acamaxbi cuëbicanantancëx ënananquin ca fariseo unicaman bëtsi oquin sinánmainun saduceo unicamanribishi bëtsi oquin sináncëxa.

Hechos 7:1

Amia manáncania cuaxun ca sacerdotenën cushicaman ꞌapun Esteban ñucácëxa: —¿A unicaman mi ñuicë bana ax cara asérabi ꞌic?

1 Corintios 2:8

Ënë menu ꞌicë ꞌapucaman ca a bana ꞌunánma ꞌicën. A bana ꞌunánxun ca Nucën ꞌIbu Jesús, Diossaribi cushi, a i curúsocënu matásmiama ꞌitsíanxa.

Efesios 1:17

Nucën ꞌIbu Jesucristonën Dios ꞌianan ꞌApuira, Nucën Papa Dios, a cana an ꞌunánmicëxunmi upí oquin sinánquin a ꞌunáncanun quixun mitsu ñucáxunin.

Tito 2:13

Usaquin ꞌunánmianan ca nu ꞌunánmia, nux ainan ꞌixun cananuna ax quiásabi oía an nu ië́micë Jesucristo, ax Nucën Papa Diosribi ꞌaish, aín cushibëbi utëcënti nëtë caínti ꞌai quixun.

Hebreos 1:3

Nucën Papa Dios ax ca unin sinánsamaira ꞌaish upíira ꞌicën. Usa ꞌain ca aín Bëchicë Jesucristo axribi asaribi ꞌicën. Usa ꞌain ca uisa cara ax ꞌiacëxa quixun ꞌunánquin unin ꞌunánti ꞌicën, aín Papa Dios ax ca asaribi upí ꞌicë quixun. An unio ꞌixun ca an unio ñucama, aín banánbia usabi ꞌinun ꞌimia. Usa ꞌaish ca camabi unin ꞌucha tërë́ncë ꞌinun bamax baísquitancëx, aín Papan nëtënu cuan ꞌaish aín mëqueu abë ꞌApu ꞌicën.

Hebreos 11:8

Bërámaribi ca Abraham cacë uni aribi ami catamëcë ꞌicë Nucën Papa Diosan cacëxa: —Camina min me ëbiani, bëtsi me ꞌura ꞌicë, anu ꞌi cuanti ꞌain. Min rëbúnquicamanan ca a me ꞌiti ꞌicën. Cacëx ca Abraham uinu cara a me ꞌicë, uisa me cara quixun ꞌunánxmabi, aín me, Ur cacë, anuax cuancëxa, Nucën Papa Diosan ca an cacësabi oquin ꞌati ꞌicë quixun ꞌunani.

Santiago 2:1

ꞌËn xucë́antu, mitsux Nucën ꞌIbu Jesucristo, ax Diossaribi upí, ami catamëcë ꞌixun camina raíri unibëishi nuibananquin raíri uni timatima ꞌain.

Josué 24:2

kamikëx rikuatsinkë ka Josuénën kamabi unikama kakëxa: —Ësokin ꞌën mitsu kanun ka Israel unibu nun Dios kiaxa: Bërámaira ka Térah ꞌimainun aín bakë bëchikë rabë́ Abraham kakë ꞌimainun Nahor mitsun chaitiokëkama, atux Éufrates kakë baka kuëbí tsókë ꞌixun bëtsi dioskama rabiakëxa.

Apocalipsis 4:11

Nucën ꞌIbu Dios, min camina camabi ñu uniocën. Mix cuëëncësabi oi ca ꞌiacëxa, mix cuëëncësabi oquin camina min cushínbi camabi ñu ënë menu ꞌicë ꞌimainun naínu ꞌicë ñuribi uniocën. Usa ꞌaish camina camabi unicama ꞌimainun ángelcamanribi rabitisa ꞌain.